dard patjhaD ke saare hamaare hue — Mirza Farhan Ariz

"ban ke yusuf main kabhi zer-e-qafas jaataa huun kabhi majnun ki tarah dasht mein phans jaataa huun jab bhi uThte hain tiri yaad ke shoale dil se khaal bachti hai main andar se jhulas jaataa huun apne hisse ke ujaale bhi use detaa huun khud andheron mein ujaalon ko taras jaataa huun khvaab ban ke main guzartaa huun kai aankhon se phir jo bhaati hai usi aankh mein bas jaataa huun ban ke uThtaa huun bukhaaraat dil-e-tanhaa se phir main aankhon ki ghaTaaon se baras jaataa huun"

"us ki yaadon se le ke manzuri baad muddat ke niind ki puuri vasl hai apni zaat ki qurbat hijr hai apne-aap se duuri raushni kar diyaa jalaa lekin dhyaan mein rakh havaa ki makhmuri zindagi naam rakh diyaa us kaa naam rakhnaa thaa jis kaa majburi tum jo chaaho na do koi ujrat dil musalsal karegaa mazduri"

"gham bhalaa kaise khule us pe hamaare vaalaa ham to hain beach bhanvar ke vo kinaare vaalaa ham ne pahni hai qabaa hijr-e-musalsal vaali us kaa aanchal hai muqaddar ke sitaare vaalaa raat ik phir se guzaari hai kisi vahshat mein ek din phir se guzaaraa hai guzaare vaalaa apne raste pe hi rahtaa huun main lekin mujh ko raasta khinchtaa rahtaa hai tumhaare vaalaa ik patange ne charaaghon se kahaa hai 'aariz' pyaar to asl mein saudaa hai khasaare vaalaa"

"tiraa ishq aur hijr aalaam do the mohabbat mein ik dil pe kohraam do the tiri aas kaa thaa ye aalam ki shab bhar main tanhaa thaa kamre mein aur jaam do the ulajh hi gayaa main kharidaari karte dukaanon mein har chiiz ke daam do the baDe log the mere qisse mein shaamil magar mere qisse mein badnaam do the nikal aae the vo bhi jab chaand niklaa nazaare bhi 'aariz' lab-e-baam do the"

"hijr ki bhigi hui raat udaasi aur main aaj phir roe hain barsaat udaasi aur main ho ke majbur kiyaa us ko havaale us ke aise aae hain mire haat udaasi aur main chand aansu miri aankhon se nikal aate hain jab bhi karte hain tiri baat udaasi aur main baiTh jaate hain tiri yaad liye terrace par roz karte hain mulaaqaat udaasi aur main jab koi aur mayassar nahin hotaa mujh ko tab bhi hote hain mire saath udaasi aur main"

"baaz auqaat mujh ko lagtaa hai zindagi bas nazar kaa dhokaa hai peD paude giraa diye jis ne us havaa mein charaagh rakkhaa hai dekh dariyaa isi ko kahte hain jo kinaaron mein rah ke bahtaa hai ik musavvir ko jaantaa huun main dasht mein jo shajar banaataa hai us ki taabir kaa banegaa kyaa main ne jo khvaab khud taraashaa hai raushni ke qarib jitnaa huun qad mein utnaa hi meraa saaya hai kuchh nazaare zaruri hote hain varna aankhon mein dard rahtaa hai ham ko milne vo aaeinge 'aariz' haan magar ye khayaal achchhaa hai"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kyaa apne shahr mein koi aisaa makaan hai samjhun jise ki asl mein vo ik jahaan hai DhunDo haqiqat is mein na afsaana hi koi is kaa bayaan kuchh nahin us kaa bayaan hai apnaa shi'aar ab hai faqat amn-dushmani ye aur baat faakhta apnaa nishaan hai likhne ko ek harf na kahne ko ek lafz yuun to qalam hai haath mein munh mein zabaan hai vo lams jis ke baa'd zamaane guzar gae vo lams ab bhi taaza hai ab bhi javaan hai ho jaaegaa yaqin sabhon kaa hi kal jo aaj meraa yaqin aur sabhon kaa gumaan hai shatranj ki bisaat ki thi apni mez par shatranj ki bisaat ki saaraa jahaan hai"

"charaaghon se kuchh to churaayaa gayaa hai jo thi aag us ko bujhaayaa gayaa hai likhaa thaa jinhein sirf apne lahu se mire un khaton ko jalaayaa gayaa hai hazaaron daf'a us ne ki bevafaai mujhe bevafaa kyon bataayaa gayaa hai mujhe khud nikalnaa paDaa apne ghar se ye mat sochnaa ki bhagaayaa gayaa hai khabar ye mili hai ki mere hi ghar mein kisi ghair ko ab basaayaa gayaa hai mujhe hi sataa kar mujhe hi rulaa kar ye ilzaam mujh par lagaayaa gayaa hai tumhein kyaa bataaun mohabbat mein 'raavat' mujhe kis qadar aazmaayaa gayaa hai"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"