dard to meri jaan se uThtaa hai — Ain Seen

"goyaa hai taab-e-ishq mein bimaar ki talab aa jaa to ab samajh ke dil-e-zaar ki talab phir chashm vaa kare hai rukh-e-yaar ki talab ki diid ko hai phir kisi didaar ki talab aur lams ko hai phir usi rukhsaar ki talab abru kare hai phir se nigah-e-yaar ki talab phir rakhsh ko khayaal ke raftaar ki talab baada kare hai phir usi sarshaar ki talab phir nuur ko hui hai shab-e-taar ki talab phir aabla kare hai sar-e-khaar ki talab phir kaam ko vahi hai rah-e-daar ki talab phir shauq kar rahaa hai kharidaar ki talab"

"ashk-e-khuni ko milaa hai tire andaaz kaa rang phailaa aariz pe tire dil mein nihaan raaz kaa rang chashm-e-giryaan ko mili rukh ki gulaabi tere chhiDke naale ki dabizi teri aavaaz kaa rang phunktaa hai suur saa jo bazm-e-tarab mein dil ki DhunDe hai taar har ik saaz tire naaz kaa rang DhunDe har lafz vahi chhab jo tire saath gayaa vo masihaai tiri vo tire eajaaz kaa rang husn-o-masti jo jhalakti thi adaa se us ki ab to mai se hi faqat chaDhtaa hai dam-saaz kaa rang"

"bahut kyaa khud se vahshat hai nahin to kyaa har ik saans zahmat hai nahin to use jo dekh ke khil saa gayaa hai kyaa phir jiine ki hasrat hai nahin to akele-pan ke jangal ke o baasi tu chaahtaa kyaa rifaaqat hai nahin to paraaganda tire afkaar saare kyaa in mein koi nudrat hai nahin to ye jazbe ye tire be-qaabu jazbe kyaa in mein koi shiddat hai nahin to ye jo barbaadi-e-dil sab hui hai tujhe koi nadaamat hai nahin to tire sar mein uThi hai jo ye shorish sukhan is ki alaamat hai nahin to bahut khul ke jo tu yuun ji rahaa hai tujhe marne ki ujlat hai nahin to khudi ko DhunDhtaa hai kyon tu khud mein tujhe apni zarurat hai nahin to tu khud mein Dubtaa kyon jaa rahaa hai tujhe khud se mohabbat hai nahin to tiri saanson mein kyon ye abtari hai kyaa jiinaa bhi mashaqqat hai nahin to"

"qayaamat thi ki tum guzrin magar sab khairiyat se hain ye duniyaa dost saathi chaaraagar sab khairiyat se hain vahi din kaa nikalnaa hai vahi phir shaam kaa Dhalnaa tumhaare baad bhi shaam-o-sahar sab khairiyat se hain tumhaari yaad se raushan miraa gham-khaana rahtaa hai ujaalaa raushni shams-o-qamar sab khairiyat se hain miraa TuuTaa huaa dil jaa-ba-jaa ab reza reza hai rag-e-jaan paara-e-qalb-o-jigar sab khairiyat se hain go tum tak jaa nahin paate tum un ko sun nahin paatin vo lekin naala-haa-e-be-asar sab khairiyat se hain main tum se jhuuT bolun yuun kahun ghar khairiyat hai sab chalo sab Thiik hai divaar-o-dar sab khairiyat se hain hain ham sab gardish-e-dauraan ke faulaadi shikanje mein salib-e-zist pe jakDe bashar sab khairiyat se hain sabaq sad-raaegaani kaa jo aashiq paDh nahin paae hain ghaltida ba-khun-e-dil magar sab khairiyat se hain tumhaare baad se duniyaa mein shaffaafi zaraa kam hai riyaa-kaari ziyaada hai magar sab khairiyat se hain ye dil tanhaa tumhein kho kar bahut viraan rahtaa hai gali kuche ye basti aur nagar sab khairiyat se hain"

"hai tariqa koi khvaab-e-vasl ki taabir kaa mere us ke darmiyaan parda hai ik tasvir kaa zikr teraa tark karnaa hai mire gham ki davaa muntazir huun is mujarrab nuskhe ki taasir kaa yaad mein teri taDap kar haal-e-dil karnaa raqam murtakib hotaa huun main har shab isi taqsir kaa zakhm-e-dil ko Dhaankne kaa ik vasila thaa sukhan phir vo hiila ban gayaa is zakhm ki tashhir kaa haan vahi sarkash mujhe ik jaa nazar aaya thaa kal sar jhukaa kar sun rahaa thaa faisla taqdir kaa kartaa huun izaa-e-tanhaai ki tadbirein bahut kaav-kaave imtihaan leti hai har tadbir kaa aagahi ne chup kiyaa aisaa ki shahr-e-shor mein naara-e-haq rah gayaa hissa meri jaagir kaa"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"