dayaar-e-ahl-e-karam kaa tavaaf apni jagah — Farooq Argali

"bahaa kar khuun bhi rozi mayassar kyon nahin hoti ijaara-daariyon ki had muqarrar kyon nahin hoti siyaasat ne badal Daale sabhi mafhum lafzon ke sharaafat ab daghaa-baazi se behtar kyon nahin hoti apaahij baap to kahtaa hai ghar ki raushni us ko vo ghar ki raushni har raat ghar par kyon nahin hoti gulon ki zakhm-kaari kaa 'amal jaari hai muddat se tabi'at narm-khu kaanTon ki khugar kyon nahin hoti bas is tibbi haqiqat par amir-e-shahr hairaan hai ki rickshaw khinchne vaale ko sugar kyon nahin hoti mizaajon kaa taghayyur hai ki mausam mein hai tabdili vo pahli si khushi ab tum se mil kar kyon nahin hoti"

"ye 'ahd-e-nau ho mubaarak tujhe magar saaqi nizaam-e-maikada abtar hai ghaur kar saaqi uDaan tez hai itni ki tham gae manzar rukaa rukaa saa hai lamhaat kaa safar saaqi fazaa mein tair rahe hain qazaa ke jarsume base hain dasht mein baarud ke nagar saaqi jhulas rahaa hai ta'assub ki aag mein gulshan qayaamatein hain qayaamat se peshtar saaqi paDe hain khaak pe behosh aadmi-zaade khudaai karte hain mahlon mein jaanvar saaqi vo dekh jahal-o-zalaalat ki masnad-aaraai faraaz-e-daar pe laTke hain dida-var saaqi kahaan vo rind vo paimaane aur vo sahbaa gae zamaanon ki baatein na yaad kar saaqi mujhe khabar hai tire khum mein mai nahin baaqi mire hi khuun se ab meraa jaam bhar saaqi"

"uruj-e-aadam-e-khaaki kahaan kaa qissa hai mahz daraazi-e-kaar-e-jahaan kaa qissa hai siyaah raat thi neza-ba-kaf kamaa-bar-dosh tulu-e-subh luTe kaarvaan kaa qissa hai husul-e-maal-e-ghanimat ki daastaan-e-latif dar-asl vaadi-e-aah-o-fughaan kaa qissa hai ghanim-e-hirs-o-havas ham-kanaar-e-fath-o-zafar zarur ye mire hindostaan kaa qissa hai vo rang-o-nur kaa dariyaa vo husn-o-hosh-rubaa nahin kuchh aur ye urdu zabaan kaa qissa hai"

"ba-naam-e-harf-e-sadaaqat sukhan-vari karnaa shikam-puri ke liye mir-jaa'fri karnaa hamaare 'ahd ne ham ko diyaa hai ye mansab khud apne qatl mein qaatil ki rahbari karnaa baDaa hai vo to phir apni baDaai bhi rakkhe ki chhoTaa siikh na jaae baraabari karnaa gham-e-hayaat se Dar jaanaa buz-dilon ki tarah phir apni zaat se izhaar-e-bartari karnaa ghubaar-e-raah ko saahib ye fan bhi aataa hai havaa mein uDnaa sitaaron ki hamsari karnaa ghulaam ho ke bhi vo baadshaah hotaa hai likhaa ho jis ke muqaddar mein qambari karnaa"

"luTe jaate hain lekin gham nahin hai ab is aalam mein vo aalam nahin hai tamannaaein salibon par saji hain sar-e-pindaar phir bhi kham nahin hai qayaamat-khez hai jaadu-bayaani magar baaton mein us ke dam nahin bahaarein aur khizaaein sab usi ki miraa apnaa koi mausam nahin hai agar milte to shaayad khush na rahte bichhaDne kaa bhi ab maatam nahin hai baDaai banda-parvar ko mubaarak faqir-e-urdu bhi kuchh kam nahin hai"

"main gir kar shaakh se uDne lagaa huun achaanak kitnaa unchaa ho gayaa huun sitam sah kar bhi chup rahne lagaa huun mujhe lagtaa hai shaayad mar gayaa huun kahun kaise ki vo meraa nahin hai jise sau baar apnaa kah chukaa huun mujhe shaayad khudaa kaa Dar nahin hai khudi mahfuz rakhnaa chaahtaa huun mire baare mein vo kyaa sochtaa hai yahi ik baat aksar sochtaa huun usulon ki 'imaarat gir chuki hai main khud apne hi malbe mein dabaa huun mujhe 'faaruq' koi note kar le kai anjaan galiyon kaa pataa huun"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"