dil liyaa aur bevafaai ki — Mustafa Husain Nayyar

"hasti ko apni ishq ke shaayaan banaaiye un ki nazar-nazar ko rag-e-jaan banaaiye rudaad-e-dard-e-ishq se hairaan banaaiye un ko bhi aaj ashk-ba-daamaan banaaiye darmaan ko dard dard ko darmaan banaaiye sehr-e-nazar se ishq ko hairaan banaaiye mahrum rah sake na koi siina ishq se phulon ko hans ke chaak-garebaan banaaiye jo kuchh mataa-e-dil thi shab-e-gham ne luuT li aansu kahaan ki zinat-e-mizhgaan banaaiye ye mushkilein hi asl mein raaz-e-hayaat hain dushvaariyon ko aap na aasaan banaaiye kaliyon ko ye latif tabassum kahaan nasib bas ab na chashm-e-shauq ko hairaan banaaiye kahti hain paa-e-yaar pe sajdon ki azmatein is kufr hi ko haasil-e-imaan banaaiye mahdud-e-auj-e-charkh na rakhiye kamaal-e-husn zarron ko mehr-o-maah badaamaan banaaiye khud ko jo paa gayaa hai vo un ko bhi paa gayaa hasti ko apni manzil-e-jaanaan banaaiye 'nayyar' ba-hadd-e-dasht gulistaan banaa to kyaa apni nazar nazar ko gulistaan banaaiye"

"is lataafat se navaa-pardaaz honaa chaahiye soz ke parde mein pinhaan saaz honaa chaahiye yuun takhayyul ko falak-parvaaz honaa chaahiye baaryaab-e-jalva-gaah-e-naaz honaa chaahiye chhaa rahaa hai bazm-e-aalam par sukut-e-naaravaa ik ishaara ai nigaah-e-naaz honaa chaahiye is tarah kahiye fasaana rabt-e-husn-o-ishq kaa har-nafas sarmaaya-daar-e-raaz honaa chaahiye aaj aataa hai zabaan par qissa-e-mehr-o-vafaa ahl-e-dil ko gosh-bar-aavaaz honaa chaahiye husn-e-kaafir-saaz hai ghaarat-gar-e-duniyaa-o-din ishq-e-haq-aagaah ko dam-saaz honaa chaahiye laaeq-e-sad-naaz hai 'nayyar' niyaaz-e-aashiqi apni qismat par mujhe bhi naaz honaa chaahiye"

"tire junun-e-mohabbat kaa kaun mahram hai abhi khirad ke charaaghon mein raushni kam hai taghayyuraat kaa markaz agarche aalam hai na husn kam hai kahin se na dilkashi kam hai na zindagi ki havas hai na maut kaa gham hai tire firaaq kaa aalam ajiib aalam hai khudi kahaan ki mohabbat mein ab ye aalam hai nahin hai qurb-e-dar-e-dost phir bhi sar kham hai ye iztiraab ye tanhaaiyaan ye soz-o-gudaaz shabaab aalam-e-tifli ki shaam-e-maatam hai kise ye fikr hai 'nayyar' vafur-e-masti mein sharaab shishe mein kam hai ki zindagi kam hai"

"unhein ham saalik-e-raah-e-fanaa ai dil samajhte hain jo apne har-nafas ko aakhri manzil samajhte hain use ham daulat-e-kaunain kaa haasil samajhte hain jise sab duur kahte hain jise sab dil samajhte hain vahi kuchh sajda-haa-e-shauq kaa haasil samajhte hain jo us ke qurb ko firdaus-e-jaan-o-dil samajhte hain nishaan hai mere sajde kaa jo ik raah-e-mohabbat mein usi ko sab charaagh-e-sarhad-e-manzil samajhte hain na vo qaatil na un ki chashm-o-mizhgaan-o-nazar qaatil ham apne dil ko khud apne liye qaatil samajhte hain koi is irtibaat-e-baahami ke raaz kyaa jaane jise vo tiir kahte hain use ham dil samajhte hain vo ik halkaa saa partav hai mire daagh-e-mohabbat kaa jise ahl-e-jahaan 'nayyar' mah-e-kaamil samajhte hain"

"husn nikhar nikhar gayaa vasl ki ek raat mein ishq bahak bahak gayaa masti-e-vaardaat mein raat tamaam ho gai sirf takallufaat mein ishq taDap taDap uThaa husn ki baat baat mein kitne rafiq the mire jab thaa zamaana-e-nashaat koi na ham-navaa huaa vaqt pe mushkilaat mein un ki nigaah-e-avvalin dil mein samaa ke rah gai qurb se lutf hai sivaa duur ke iltifaat mein dil se mujhe bhulaa sakein aap ke bas mein ye nahin yaad miri sataaegi din se ziyaada raat mein phaili hui hai raushni zer-e-qadam hai kahkashaan saamne vo hain aur main gum huun tajalliyaat mein"

"jo main ne husn ko sajda kiyaa kyon khalq hairaan hai mohabbat meraa mazhab hai mohabbat meraa imaan hai mohabbat ek tufaan aur haibatnaak tufaan hai ki jis ki ibtidaa mein intihaa kaa josh pinhaan hai taajjub hai ki ye duniyaa mujhe kaafir samajhti hai nahin maalum use shaayad mohabbat ain imaan hai kahaani hai kahaani hi sahi afsaana-e-ulfat magar ye vo kahaani hai haqiqat jis mein pinhaan hai jahaan ko dars-e-ibrat hai meraa zauq-e-vafaadaari main us kaa dost bantaa huun jo meraa dushman-e-jaan hai bhalaa dekhaa bhi hai marte kisi ko vaqt se pahle haqiqat mein qazaa hi zindagaani ki nigahbaan hai"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"