haathon ki be-rang lakirein paDh lenaa — Ishrat Moin Seemaa

"is chashm-e-nam se manzar-e-hairaan chalaa gayaa khvaabon kaa ik jahaan-e-gulistaan chalaa gayaa shahron mein aa ke bas gae haivaan jis ghaDi ghaaron mein phir se aaj insaan chalaa gayaa kuchh vasvason mein aise kaTi umr-e-be-amaan is zindagi se rishta-e-iqaan chalaa gayaa sharton pe aaj-kal to nibhaate hain aashiqi tab hi to chaahaton se ye paimaan chalaa gayaa zaahid ki kuchh hikaayatein sun kar lagaa mujhe bas diin rah gayaa yahaan imaan chalaa gayaa ye dhaDkanein tumhaari to 'simaa' fareb hain dil se agar jo jazba-e-ehsaan chalaa gayaa"

"agar rouun to meri aankh aksar nam nahin hoti agar hansne lagun phir bhi udaasi kam nahin hoti kabhi yaadein mahakti hain sitaare raqs karte hain shab-e-hijraan hamesha hi dali-e-gham nahin hoti main dekhungi zaraa fursat se apne aks-e-khaaki ko abhi teri ziyaa hi aankh mein maddham nahin hoti baDi lambi masaafat hai hadis-e-dil hai ik misraa azizo shaairi hargiz kabhi yak dam nahin hoti bhalaa kaise samajhti ishq mein jaan se guzarne ko tiri chaahat mein jo darpesh raah-e-kham nahin hoti pukaarun to chale aanaa pakaD kar yaad ki Dori mohabbat mein to majburi mire hamdam nahin hoti ye dil ab rakh diyaa hai vaqt ki Thokar pe ai 'simaa' ki is kambakht dil ki aarzu hi kam nahin hoti"

"harf-e-ehsaas ki tashkil kahaan mumkin hai mire jazbaat ki tarsil kahaan mumkin hai pahle ik arz-e-tamannaa ye bichhe jaate hain ab mire hukm ki taamil kahaan mumkin hai tire hote hue mahfil mein charaaghaan kyon kar mahr-e-taabaan ko ye qindil kahaan mumkin hai yaad-e-rafta kaa khazaana mujhe bhaari hai bahut haafize ki nai zambil kahaan mumkin hai shaaz-o-naadir hi tamannaaein javaan hoti hain har ghaDi nafs ki tahlil kahaan mumkin hai sochti rahti hain shab bhar vo sitaara aankhein khvaab-e-girya ki vo takmil kahaan mumkin hai"

"tumhaari yaad kaa ik silsila rahi khushbu bahaar ban ke miraa raasta rahi khushbu gale lagaayaa mujhe maan ne alvidaaa kahte tamaam umr miri rahnumaa rahi khushbu ajiib rishta hai baarish kaa kachchi miTTi se falak se arz talak raabta rahi khushbu hasin gulaab bhi ab mo'atabar nahin Thahre aur us ki baaton se bargashta ho gai khushbu kiye hain nazr bahut phuul is mohabbat mein dayaar-e-ishq mein tab dil-rubaa rahi khushbu kisi ne haath milaayaa thaa 'simaa' chaahat se hatheliyon mein hamaari sadaa rahi khushbu"

"sar ko bachaate yaa dar-o-divaar bechte sar ki hifaazaton mein kyaa dastaar bechte shohrat ke mol khuub lage shahr mein magar ham mohtaram kahaan the jo kirdaar bechte is kaanpti zamin ne sab khaak kar diyaa varna ham aarzuon ke minaar bechte hotaa jo ikhtiyaar mire haath mein to phir baste kharid laate ye hathiyaar bechte qaanun ko jo 'simaa' samajh lete aaj ham to bhuuk aur jahl ke aazaar bechte"

"khud-farebi ki kisi had ko nahin maanti hai qaamat-e-shauq kisi qad ko nahin maanti hai bu-e-gul ho ki havaa ho ki mohabbat ki vabaa itni sarkash hai ki sarhad ko nahin maanti hai vo andheron kaa pujaari hai use kyaa maalum raushni raat ki aamad ko nahin maanti hai koi surat dil-e-aavaara ki ye bechaini kaakh-e-yaaqut ki masnad ko nahin maanti hai mustarad karte hain kuchh log khudaa ko bhi magar ek duniyaa hai jo is radd ko nahin maanti hai ghonsla shaakh se girtaa hai havaa ke haathon usi chiDiyaa kaa jo bargad ko nahin maanti hai ye tiraa naam-o-nasab dil ke na kaam aaegaa ye mohabbat hai kisi had ko nahin maanti hai ek sailaab umanD aayaa hai dil mein 'simaa' tishnagi dard ke is had ko nahin maanti hai"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"kyaa apne shahr mein koi aisaa makaan hai samjhun jise ki asl mein vo ik jahaan hai DhunDo haqiqat is mein na afsaana hi koi is kaa bayaan kuchh nahin us kaa bayaan hai apnaa shi'aar ab hai faqat amn-dushmani ye aur baat faakhta apnaa nishaan hai likhne ko ek harf na kahne ko ek lafz yuun to qalam hai haath mein munh mein zabaan hai vo lams jis ke baa'd zamaane guzar gae vo lams ab bhi taaza hai ab bhi javaan hai ho jaaegaa yaqin sabhon kaa hi kal jo aaj meraa yaqin aur sabhon kaa gumaan hai shatranj ki bisaat ki thi apni mez par shatranj ki bisaat ki saaraa jahaan hai"

"charaaghon se kuchh to churaayaa gayaa hai jo thi aag us ko bujhaayaa gayaa hai likhaa thaa jinhein sirf apne lahu se mire un khaton ko jalaayaa gayaa hai hazaaron daf'a us ne ki bevafaai mujhe bevafaa kyon bataayaa gayaa hai mujhe khud nikalnaa paDaa apne ghar se ye mat sochnaa ki bhagaayaa gayaa hai khabar ye mili hai ki mere hi ghar mein kisi ghair ko ab basaayaa gayaa hai mujhe hi sataa kar mujhe hi rulaa kar ye ilzaam mujh par lagaayaa gayaa hai tumhein kyaa bataaun mohabbat mein 'raavat' mujhe kis qadar aazmaayaa gayaa hai"