hasin aankhon mein aansu bhar gayaa to — Iqbal Nadeem

"sab kuchh sipurd-e-dasht-e-balaa kar diyaa gayaa ai saakinaan-e-shahr ye kyaa kar diyaa gayaa josh-e-junun ko harf-e-sadaa kar diyaa gayaa ham pe jo qarz thaa vo adaa kar diyaa gayaa phir yuun huaa ki ham ne dil-o-jaan luTaa diye vaa'da kisi se thaa so vafaa kar diyaa gayaa is marg-e-naa-gahaan pe parinde hain sogvaar manzar se kyon shajar ko judaa kar diyaa gayaa jab dasht-e-be-kanaar mein kheme lagaa liye phir aandhiyon ko meri sazaa kar diyaa gayaa jab ham ne saans saans kaa taavaan de diyaa ham par dar-e-hayaat bhi vaa kar diyaa gayaa"

"an-dekhe havaadis kaa miri taak mein rahnaa har lamha yahaan saa’at-e-saffaak mein rahnaa kab aa ke koi chhin le dastaar hamaari ik khel nahin turra-e-pechaak mein rahnaa ik lafz pe kaT sakti hai gardan bhi zabaan bhi har vaqt na yuun lahja-e-bebaak mein rahnaa ho jaae agar zaat kaa 'irfaan mayassar aasaan hai phir lamha-e-idraak mein rahnaa"

"chalo sab baandh lein asbaab phir se mabaadaa gher le sailaab phir se koi manzar na phir be-nur kar de ye aankhein dekhti hain khvaab phir se mohabbat mein khasaara baDh gayaa hai vafaaein ho gaiin kamyaab phir se nami ke lams ko tarsaa huaa huun koi kar de mujhe sairaab phir se tiri bechainiyaan batlaa rahi hain ki hai tufaan mein shahr-e-khvaab phir se miraa sach bolnaa bhi jurm Thahraa gurezaan hain mire ahbaab phir se jinhein bhule zamaana ho gayaa hai likhein chaahat ke vo abvaab phir se"

"junun mein mubtalaa hote hue bhi main gungaa huun sadaa hote hue bhi na-jaane kaunsaa mausam hai mujh mein ghuTan hai ik havaa hote hue bhi rivaayat se juDaa ik shakhs huun main puraanaa huun nayaa hote hue bhi ye log andar se kitne khokhle hain bazaahir paarsaa hote hue bhi bhulaa paayaa nahin mujh ko abhi tak vo itnaa bevafaa hote hue bhi vo khud tark-e-ta'alluq chaahtaa thaa pareshaan thaa judaa hote hue bhi"

"bisaat-e-dahr pe ik sakht imtihaan mein huun shikasta-par huun magar phir bhi main uDaan mein huun na koi rang na khushbu na raushni ki jhalak bahut dinon se kisi arz-e-be-nishaan mein huun tiraa khayaal mere rat-jagon mein shaamil hai bichhaD ke tujh se abhi tak tiri amaan mein huun 'ajab nahin ki zamaana na paDh sake mujh ko main harf-e-haq huun magar ajnabi zabaan mein huun 'nadim' suut ki anTi faqat miri qimat sajaa huaa main kisi shahr ki dukaan mein huun"

"tamaam shahr ne jhuTaa shumaar kar liyaa thaa pa ham ne phir bhi tiraa e'tibaar kar liyaa thaa vo log jo miri divaangi se khaaif the unhon ne bhi to junun ikhtiyaar kar liyaa thaa vo hijr kaaTnaa mushkil sahi magar tum ne zaraa si baat ko sar par savaar kar liyaa thaa sitam to ye hai kinaare pe aa ke Duub gae baDe sukun se dariyaa to paar kar liyaa thaa 'nadim' ham bhi zamaana-shanaas ho gae the ‘adu-e-jaan ko bhi apnaa yaar kar liyaa thaa"

"aakhiri hal thaa yahi pesh-e-nazar jaane diyaa ek gahri saans li phir khvaab mar jaane diyaa saarbaanaa de gavaahi mujh ko pyaari thi anaa rakh liyaa zaad-e-safar aur ham-safar jaane diyaa hazrat-e-naaseh ki khush-uftaadgi pe daad hai khud jidhar se aae the sab ko udhar jaane diyaa is harim-e-naaz mein yuun be-mahaabaa guftugu kuchh bharam rakkhaa to hotaa tum ko gar jaane diyaa tujh ko rokaa jaa rahaa thaa raushni thi jab talak shaam ke Dhalte samay suraj ko ghar jaane diyaa aankh sapne dekhti thi aansuon se kyon bhari chaahti to puchh leti main magar jaane diyaa dostaa qismat na ho to koshishein bekaar hain sabr kaa paimaana ham ne khud hi bhar jaane diyaa dil musir thaa baarhaa kuchh jaanchne ko ruk gae aakhirash us ne hamein baar-e-digar jaane diyaa"

"aisaa to yahaan kuchh bhi nahin hadd-e-nazar tak ham ko to pahunchnaa thaa kisi khvaab-nagar tak ab paanv nahin raah mein dil thakne lagaa hai lekin hamein chalnaa to hai anjaam-e-safar tak ham shor bhi sunte hain samaaat se bahut kam aavaaz bhi jaati hai to bas hadd-e-nazar tak mumkin hai main ab sabr kaa ye peD giraa duun jab haath pahunchtaa hi nahin shaakh-e-samar tak ham apne hi mausam se parakhte hain jahaan ko maahaul kaa lete hi nahin koi asar tak main apne hi andar ki taraf chikh rahaa huun ab dekhiye jaati hai ye aavaaz kidhar tak"

"tirgi shama bani raahguzar mein aai saaat ik aisi bhi kal apne safar mein aai jis jagah chehra hi meyaar-e-vafaa Thahraa hai khaak hi khaak vahaan dast-e-hunar mein aai teri nazron mein thi duniyaa to yahi kyaa kam thaa hashr ye hai ki tu duniyaa ki nazar mein aai baar-haa yaaron ne saahil se kahaa thaa ham hain baar-haa naav magar apni bhanvar mein aai zindagi samjhun ise yaa ki ise maut kahun vo jo mehmaan ki surat mire ghar mein aai yuun bhi taarikh ki taarikh raqam hoti hai nikli taarikh mahal se to khanDar mein aai khvaab hi khvaab ki taabir huaa to jaanaa zindagi kyuun kisi aankhon ke asar mein aai shama jalte hi bujhi aur dhuaan aisaa uThaa lazzat-e-shaam yahaan khvaab-e-sahar mein aai zindagi kuchh hai 'ataa' sher-o-adab hai kuchh aur ye do-rangi ki vabaa kaisi hunar mein aai"

"tire jamaal se ham runumaa nahin hue hain chamak rahe hain magar aaina nahin hue hain dhaDak rahaa hai tu ik ism ki hai ye barakat vagarna vaaqiye is dil mein kyaa nahin hue hain bataa na paaein to khud tum samajh hi jaao ki ham bilaa javaaz to be-maajraa nahin hue hain tiraa kamaal ki aankhon mein kuchh zabaan pe kuchh hamein to moajize aise ataa nahin hue hain ye mat samajh ki koi tujh se munharif hi nahin abhi ham ahl-e-junun lab-kushaa nahin hue hain ba-naam-e-zauq-e-sukhan khud-numaai aap karein ham is maraz mein abhi mubtalaa nahin hue hain hami vo jin kaa safar maavaraa-e-vaqt-o-vajud hami vo khud se kabhi jo rihaa nahin hue hain khud-aagahi bhi khaDi maangti hai apnaa hisaab junun ke qarz bhi ab tak adaa nahin hue hain kisi ne dil jo dukhaayaa kabhi to ham 'irfaan' udaas ho gae lekin khafaa nahin hue hain"

"ba-zom-e-aql ye kaisaa gunaah main ne kiyaa ik aainaa thaa usi ko siyaah main ne kiyaa ye shahr-e-kam-nazaraan ye dayaar-e-be-hunaraan kise ye apne hunar kaa gavaah main ne kiyaa harim-e-dil ko jalaane lagaa thaa ek khayaal so gul use bhi ba-yak sard aah main ne kiyaa vahi yaqin rahaa hai javaaz-e-ham-safari jo gaah us ne kiyaa aur gaah main ne kiyaa bas ek dil hi to hai vaaqif-e-rumuz-e-hayaat so shahr-e-jaan kaa use sarbaraah main ne kiyaa har ek ranj usi baab mein kiyaa hai raqam zaraa saa gham thaa jise be-panaah main ne kiyaa ye raah-e-ishq bahut sahl ho gai jab se hisaar-e-zaat ko paivand-e-raah main ne kiyaa ye umr ki hai basar kuchh ajab tavaazun se tiraa huaa na hi khud se nibaah main ne kiyaa khirad ne dil se kahaa tu junun-sifat hi sahi na puchh us ki ki jis ko tabaah main ne kiyaa"

"faqat saje hue divaar-o-dar kaa kyaa matlab jahaan sukun nahin aise ghar kaa kyaa matlab kisi ke kaam na aae to zar kaa kyaa matlab na phal na chhaanv hai aise shajar kaa kyaa matlab na raaston kaa Thikaana na manzilon kaa pataa tire baghair mire is safar kaa kyaa matlab koi hayaat ke maani bataa ke samjhaae tavil kyaa hai bhalaa mukhtasar kaa kyaa matlab"