SHAWORDS

ifshaa hue asraar-e-junun jaama-dari se — Imdad Ali Bahr

Home›Imdad Ali Bahr›Ghazal
"ifshaa hue asraar-e-junun jaama-dari se chhaape gae akhbaar miri be-khabari se dam naak mein aayaa hai ab is nauhagari se dil pak gayaa ai aah tiri be-asari se kyaa din hain jo gul khilte hain sho'le hain dahakte lu chalti hai baaghon mein nasim-e-sahari se sone ke nivaalon se na kar parvarish-e-ruh itni bhi mohabbat nahin karte safari se kab ahl-e-duval se hui maabud-parasti baatil hai agar sajda karein taaj-e-zari se har haal mein rahti hai khudaa par nazar apni ye martaba haasil hai hamein be-hunari se maghrur na ho chaand se rukhsaar par apne ye qumquma raushan hai charaagh-e-sahari se tu vo hai shah-e-husn agar baaj talab ho le huur se guldasta tabaq shaah-e-pari se munh chaDhte hain bad-asl tamiz un ko nahin hai daanton se laDi silk-e-guhar bad-guhari se aankhon se nikalvaaiye aankhein hirnon ki chiton ki kamar toDiye naazuk-kamari se naubat to kahin qatl-e-gunahgaar ki aai naqqaare bajaaungaa mein tiron ki sari se pusht-e-lab-e-shaffaaf se joban hai mison kaa sabze ne numu ki hai aqiq-e-shajari se piiri mein bhi ham se na hui khaana-nashini baaz aae na bazmon se na guzre guzri se qad tiir saa talvaar tavaazo' se huaa hai vo haath uThaate nahin be-daad-gari se jab chaaho chale aao ye vaa'da nahin achchhaa dil aankh churaataa hai bahut muntazari se ab zof-e-junun kucha-e-jaanaan mein bahaa de kab tak ye varam paanv par aashufta-sari se vo choT kaleje mein lagi hai ki na puchho taDpungaa tah-e-khaak bhi dard-e-jigari se rone kaa na le naam gham-e-yaar mein ai 'bahr' ulTe na zamaane kaa varaq lab ki tari se"
Urdu

افشا ہوئے اسرار جنوں جامہ دری سے چھاپے گئے اخبار مری بے خبری سے دم ناک میں آیا ہے اب اس نوحہ گری سے دل پک گیا اے آہ تری بے اثری سے کیا دن ہیں جو گل کھلتے ہیں شعلے ہیں دہکتے لو چلتی ہے باغوں میں نسیم سحری سے سونے کے نوالوں سے نہ کر پرورش روح اتنی بھی محبت نہیں کرتے سفری سے کب اہل دول سے ہوئی معبود پرستی باطل ہے اگر سجدہ کریں تاج زری سے ہر حال میں رہتی ہے خدا پر نظر اپنی یہ مرتبہ حاصل ہے ہمیں بے ہنری سے مغرور نہ ہو چاند سے رخسار پر اپنے یہ قمقمہ روشن ہے چراغ سحری سے تو وہ ہے شہ حسن اگر باج طلب ہو لے حور سے گلدستہ طبق شاہ پری سے منہ چڑھتے ہیں بد اصل تمیز ان کو نہیں ہے دانتوں سے لڑی سلک گہر بد گہری سے آنکھوں سے نکلوایے آنکھیں ہرنوں کی چیتوں کی کمر توڑیئے نازک کمری سے نوبت تو کہیں قتل گناہ گار کی آئی نقارے بجاؤں گا میں تیروں کی سری سے پشت لب شفاف سے جوبن ہے مسوں کا سبزے نے نمو کی ہے عقیق شجری سے پیری میں بھی ہم سے نہ ہوئی خانہ نشینی باز آئے نہ بزموں سے نہ گزرے گزری سے قد تیر سا تلوار تواضع سے ہوا ہے وہ ہاتھ اٹھاتے نہیں بے داد گری سے جب چاہو چلے آؤ یہ وعدہ نہیں اچھا دل آنکھ چراتا ہے بہت منتظری سے اب ضعف جنوں کوچۂ جاناں میں بہا دے کب تک یہ ورم پاؤں پر آشفتہ سری سے وہ چوٹ کلیجے میں لگی ہے کہ نہ پوچھو تڑپوں گا تہ خاک بھی درد جگری سے رونے کا نہ لے نام غم یار میں اے بحرؔ الٹے نہ زمانے کا ورق لب کی تری سے

Hindi

इफ़्शा हुए असरार-ए-जुनूँ जामा-दरी से छापे गए अख़बार मिरी बे-ख़बरी से दम नाक में आया है अब इस नौहागरी से दिल पक गया ऐ आह तिरी बे-असरी से क्या दिन हैं जो गुल खिलते हैं शो'ले हैं दहकते लू चलती है बाग़ों में नसीम-ए-सहरी से सोने के निवालों से न कर परवरिश-ए-रूह इतनी भी मोहब्बत नहीं करते सफ़री से कब अहल-ए-दुवल से हुई मा'बूद-परस्ती बातिल है अगर सज्दा करें ताज-ए-ज़री से हर हाल में रहती है ख़ुदा पर नज़र अपनी ये मर्तबा हासिल है हमें बे-हुनरी से मग़रूर न हो चाँद से रुख़्सार पर अपने ये क़ुमक़ुमा रौशन है चराग़-ए-सहरी से तू वो है शह-ए-हुस्न अगर बाज तलब हो ले हूर से गुलदस्ता तबक़ शाह-ए-परी से मुँह चढ़ते हैं बद-अस्ल तमीज़ उन को नहीं है दाँतों से लड़ी सिल्क-ए-गुहर बद-गुहरी से आँखों से निकलवाइए आँखें हिरनों की चीतों की कमर तोड़िए नाज़ुक-कमरी से नौबत तो कहीं क़त्ल-ए-गुनहगार की आई नक़्क़ारे बजाउँगा में तीरों की सरी से पुश्त-ए-लब-ए-शफ़्फ़ाफ़ से जोबन है मिसों का सब्ज़े ने नुमू की है अक़ीक़-ए-शजरी से पीरी में भी हम से न हुई ख़ाना-नशीनी बाज़ आए न बज़्मों से न गुज़रे गुज़री से क़द तीर सा तलवार तवाज़ो' से हुआ है वो हाथ उठाते नहीं बे-दाद-गरी से जब चाहो चले आओ ये वा'दा नहीं अच्छा दिल आँख चुराता है बहुत मुंतज़री से अब ज़ोफ़-ए-जुनूँ कूचा-ए-जानाँ में बहा दे कब तक ये वरम पाँव पर आशुफ़्ता-सरी से वो चोट कलेजे में लगी है कि न पूछो तड़पूँगा तह-ए-ख़ाक भी दर्द-ए-जिगरी से रोने का न ले नाम ग़म-ए-यार में ऐ 'बहर' उल्टे न ज़माने का वरक़ लब की तरी से

I
Imdad Ali BahrRaatMaaSafarGul
ifshā hue asrār-e-junūñ jāma-darī se
I
Imdad Ali Bahr
Imdad Ali Bahr
poet175 quotes

More by Imdad Ali Bahr

View all →
Quote
"sina-kubi kar chuke gham kar chuke jite-ji ham apnaa maatam kar chuke dekhiye milte hain kis din yaar se iid bhi kar lein moharram kar chuke dhyaan un aankhon kaa jaane kaa nahin ye hiran paale hue ram kar chuke dil lagaa kar dukh uThaae be-shumaar dam-shumaari bhi koi dam kar chuke ab to zulfon ko na rakkho fard fard daftar-e-aalam ko barham kar chuke vaaizo jo chaaho farmaao hamein baiat-e-pir-e-mughaan ham kar chuke 'bahr' mustaghni hain fikr-o-sher se gauhar-e-maani faraaham kar chuke"
I
Imdad Ali Bahr
DilMaa
Quote
"har taraf majma-e-aashiqaan hai tere dam kaa ye saaraa samaan hai itnaa maghrur kyuun baaghbaan hai ye chaman chaar din mein khizaan hai ishq mein be-khabar ho gayaa huun kis se puchhun miraa dil kahaan hai kuchh nahin sujhti sair-e-gulshan meri aankhon se vo gul nihaan hai dhyaan aaThon-pahar hai usi kaa main yahaan huun miraa dil vahaan hai siine par rakh ke sotaa huun us ko us ki tasvir aaraam-e-jaan hai aansu bahne lage dekhte hi zulf-e-mahbub hai yaa dhuaan hai jaan parvaana hai us pari par sham-e-sozaan har ik ustukhvaan hai be-muravvat hai vo bevafaa hai saari mehnat miri raaegaan hai kyaa taDapte guzarte hi apne dard-e-dil mein hai lab par fughaan hai hijr mein kyuun nahin maut aati haae kyaa daagh-e-dil maraz-e-jaan hai DhunDhtaa huun main yusuf ko apne khaak mere pas-e-kaarvaan hai jaam-e-mul haath mein vo baghal mein 'bahr' apni ye qismat kahaan hai"
I
Imdad Ali Bahr
MaaSham
Quote
"khurshid-rukhon kaa saamnaa hai shabnam-sifat aabru havaa hai dil zakhmi-e-ishq hai sazaa hai bhar duun jo namak to phir mazaa hai ab to dil us par aa gayaa hai achchhaa hai buraa hai yaa bhalaa hai bainnul-aaad mein aadmi hai duniyaa ek beach ki siraa hai aisi hai malaahat us ke munh par rukhsaar kaa sabza lo nayaa hai iksir hai dil ki khaaksaari kushta ho jo nafas-e-kimiyaa hai munim na kar eatibaar-e-daulat iqbaal kaa qalb laa-baqaa hai vo dil na rahaa jaa naaz uThaaun main bhi huun khafaa jo vo khafaa hai kam hai jo sitam ho tujh par ai dil be-rahm se aur mil sazaa hai dil tum ko to phir kisi din pyaar koi tum se bhi sivaa hai achchhi nahin ye khalish raqibo kaanTe bo kar koi phalaa hai ham dekhein maze raqib luuTe yuun us se bhi to kyaa mazaa hai dam siine se kyuun nahin nikaltaa kyaa jism-e-nazaar khaar-e-paa hai daulat se kabhi na ser honge shaahon ko faqir ki duaa hai chhuptaa nahin koi apne dil mein aankhon mein vahi khaTak rahaa hai is ranj mein bhi nibaah deinge apnaa abhi itnaa hausla hai ai 'bahr' ghazal kahi jo tum ne ye tarz-e-kalaam 'mir' kaa hai"
I
Imdad Ali Bahr
DilDua
Quote
"aabla khaar-e-sar-e-mizhgaan ne phoDaa saanp kaa seli-e-zulf-e-rasaa ne kallaa toDaa saanp kaa panja-e-dandaan tiri kanghi ne moDaa saanp kaa kar ke gesu-e-kalaai haath toDaa saanp kaa kudki si mere sar par ishq-e-gesu hai savaar chob ki badli banaataa thaa main ghoDaa saanp kaa baar-e-firauni pe teri zulf agar baandhe kamar azhdar-e-musaa ke tausan par ho kuuDaa saanp kaa main huun vo ranjur-e-gesu 'aks agar meraa paDe mohra-e-har-e-ustukhvaan ban jaae phoDaa saanp kaa jab siyah botal se mai-rezi hui daur-e-firaaq main ye samjhaa zahr saaqi ne nichoDaa saanp kaa hai qadam us kaa havaa par paanv us kaa khaak par zulf ke mushki ko kab paataa hai ghoDaa saanp kaa aashiq-e-zulf-e-siyah ko is tarah taazir do saanp ki rassi banaao aur koDaa saanp kaa zulf-e-kaj-raftaar ki kab chaal chal saktaa hai vo aisi Thokar khaae sar ban jaae roDaa saanp kaa ek din ho jaaegaa raushan siyah-kaari kaa haal donon baghlon mein jaride hain ki joDaa saanp kaa jaantaa huun main tire raas-o-zanab ko ai falak mere Dasne ke liye paalaa hai joDaa saanp kaa kyaa ta'ajjub husn-e-jaanaan se agar puchhe gazand khaal mein bichchhu kaa joDaa zulfein joDaa saanp kaa saanp ke kaaTe ki lahr aae jo vasf-e-zulf mein 'bahr' ne phir to koi mazmun na chhoDaa saanp kaa"
I
Imdad Ali Bahr
Ishq
Quote
"gayaa sab andoh apne dil kaa thame ab aansu qaraar aayaa nasib jaage sitaara chamkaa phire din apne vo yaar aayaa kaho ye saaqi se aa khudaaraa kare na kashti-e-mai kinaaraa khudaa ki rahmat ne josh maaraa barastaa abr-e-bahaar aayaa uThaai kyaa kyaa na main ne zahmat magar na ki tark us ki ulfat rahaa hamesha main saaf tinat kabhi na dil par ghubaar aayaa huaa hai kyaa tuur shoala-afshaan bhaDak uThi aatish-gulistaan jalaae detaa hai daagh-e-hijraan kahaan se uD kar sharaar aayaa khudaa nibaahe ye aashnaai hamein ye ulfat ke laag bhaai kisi din us par jo dhuup aai yahaan qalaq se bukhaar aayaa kaTe taDapne mein zindagaani na li kisi ne khabar hamaari ye haal puchhaa ki arsh tak bhi hamaaraa naala pukaar aayaa khaTak hai aankhon mein meri ab tak dil us kaa bhi ho rahaa hai dhak-dhak na diid mujh ko hui mubaarak na raas us ko singaar aayaa kamand-e-zulf-e-rasaa se baare bache to mizhgaan ne tiir maare ghazab hai pesh-e-nazar tumhaare jo koi aayaa shikaar aayaa bichhaayaa kamre mein farsh jhaT-paT durust ki sej ki sajaavaT suni jo main ne kisi ke aahaT gumaan guzraa ki yaar aayaa kabhi jo baaje ki lahr aae havaas uDaae vo shab bajaae fusun ke bolon pe gat banaae chhalaavaa ban kar sitaar aayaa chale jo aashiq pe tir-o-khanzar huaa vo sarsabz surkh ho kar chaDhaa sar us kaa agar sinaan par nihaal-e-ulfat mein yaar aayaa use samajhte hain jo hain ghaazi ki sar kaTaanaa hai sarfaraazi karegaa kyaa koi ishq-baazi mein jaan bad ke bidhaar aayaa hui ye barbaad zindagaani rahi na hasti ki kuchh nishaani sabaa ne har chand khaak chhaani na haath musht-e-ghubaar aayaa ye chaahne vaale chaahte the gale kaa haar apnaa kar ke rakhiye diye na kis kis ne us ko dhaage na dam mein vo gul-ezaar aayaa visaal-e-mahbub ki tamannaa kisi par izhaar ki na aslan qiraan-e-saadain main ne puchhaa jo koi akhtar-shumaar aayaa chahak rahe hain chaman mein bulbul mahak rahe hain khule hue kul chhalak rahe hain piyaala-e-mul khushi hai abr-e-bahaar aayaa bataao ai 'bahr' apni jab ki kisi se tum ne bhi dil-lagi ki khush aai surat kisi pari ki kisi pe tum ko bhi pyaar aayaa"
I
Imdad Ali Bahr
MaaKhushi
Quote
"kiyaa salaam jo saaqi se ham ne jaam liyaa paDhe darud jo pir-e-mughaan kaa naam liyaa chah-e-zaqan mein giraa chaahtaa thaa dil meraa daraaz umr ho zulf-e-rasaa ne thaam liyaa kisi kaa zor zabardast par nahin chalnaa falak ne zulm kiyaa kis ne intiqaam liyaa nasib-var thi zulekhaa jo paayaa yusuf ko kaniz ho gai is shakl kaa ghulaam liyaa bharaa labon ne baraabar dam-e-masihaai jab us ke abruon ne hukm-e-qatl-e-aam liyaa mizaaj puchhaa kisi kaa to un kaa munh dekhaa kasak se haath mein aae agar salaam liyaa lagaayaa thaa kahin dil ham ne vo mazaa chakkhaa zabaan ne phir na kabhi aashiqi kaa naam liyaa bharaa hai aankh mein jaadu khulaa ishaare se zabaan kaa mizha-e-be-zabaan se kaam liyaa bahut kamar ke lachakne kaa hai khayaal un ko jo do qadam bhi chale paainchon ko thaam liyaa chaDhaa khumaar jo sar par utar gai izzat amaama rakh ke giro saaghar-e-mudaam liyaa uThaa ke daagh liyaa haq-e-sai kaa paisaa na murtashi ki tarah ham ne zar haraam liyaa havaa ko jaan di main ne zamin ko miTTi adaa kiyaa dam-e-rukhsat jo qarz daam liyaa muaaf ki hai khudaa ne zaiif par taklif sitam kiyaa agar ab dast-o-paa se kaam liyaa qasam na khaaungaa tison kalaam ki ai 'bahr' kisi kaa khvaab mein bosa to laa-kalaam liyaa"
I
Imdad Ali Bahr
DilMaa

More on Raat

View all →
Quote
"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"
Anees QalbAnees Qalb
ZindagiRaat
Quote
"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"
M
Muztar Muzaffarpuri
DilRaat