jab bhi sham-e-tarab jalaai hai — Fareed Javed

"ye kahaan se mauj-e-tarab uThi ki malaal dil se nikal gae vahi subh-o-shaam jo the garaan nafas-e-bahaar mein Dhal gae ye dayaar-e-shauq hai ham-nashin yahaan laghzishon mein bhi husn hai jo miTe vo aur ubhar gae jo gire vo aur sambhal gae hasin zindagi ki talaash thi hamein sarkhushi ki talaash thi hue zindagi se jo aashnaa to jaraahaton se bahal gae tire sogvaaron ki zindagi kabhi mutmain na guzar saki jo bujhi kabhi koi tishnagi kai aur dard machal gae miri aarzuon ke khvaab the ki fazaa-e-husn-o-shabaab the kahin nikhaton mein bikhar gae kahin rang-o-nur mein Dhal gae unhein raahaton kaa khayaal hai na saubaton kaa malaal hai jo tiri talaash mein chal paDe jo tiri talab mein nikal gae hai bhari bahaar to kyaa karun na mile qaraar to kyaa karun mire saamne hain vo aashiyaan jo bhari bahaar mein jal gae"

"kis ujaale kaa nishaan hain ham log kin andheron mein ravaan hain ham log nur-e-khurshid ko ilzaam na do subh kaa khvaab-e-giraan hain ham log jaise bhaTkaa huaa raahi ho koi yunhi har su nigaraan hain ham log kabhi aavaargi-e-nihkat-e-gul kabhi zanjir-e-giraan hain ham log duur tak dasht-e-junun hai 'jaaved' aabla-paa guzaraan hain ham log"

"tum ho shaaer miri jaan jiite raho sher kahte raho zahr piite raho sina-e-chaak hi mishal-e-nur hai sina-chaako isi tarah jiite raho raat jaagi hui hai havaa mehrbaan phir ye lamhe kahaan, aaj piite raho rok lo dil pe sail-e-giraan-e-alam dosto zindagi ke chahite raho itni fursat kise hai ki dekhe tumhein chaak kar lo girebaan ki siite raho"

"shauq kaa silsila be-karaan hai zindagi kaarvaan kaarvaan hai haasil-e-narmi-e-shabnam-o-gil aatish-e-gham kaa sail-e-ravaan hai har nafas mein tiri aahaTein hain har nafas zindagi kaa nishaan hai apni viraaniyon par abhi tak dil ko shaadaabiyon kaa gumaan hai ham-nafas dil dhaDakte hain jab tak kaarobaar-e-mohabbat javaan hai tohmat-e-mai-kashi bhi uThaai tishnagi hai ki shoala-ba-jaan hai un ke daaman mein bhi phuul hote jin se raanaai-e-gulsitaan hai"

"mai-kade ke sivaa mili hai kahaan aur duniyaa mein raushni hai kahaan aarzuon kaa ik hujum sahi fursat-e-shauq kho gai hai kahaan jitne vaarafta-e-safar hain ham utni raahon mein dilkashi hai kahaan saath aae koi ki rah jaae zindagi muD ke dekhti hai kahaan khush-adaa sab hain aashnaa 'jaaved' apni aavaargi chhupi hai kahaan"

"kyaa ho gayaa kaisi rut palTi miraa chain gayaa miri niind gai khulti hi nahin ab dil ki kali miraa chain gayaa miri niind gai main laakh rahun yunhi khaak-basar shaadaab rahein tire shaam-o-sahar nahin us kaa mujhe shikva bhi koi miraa chain gayaa miri niind gai main kab se huun aas lagaae hue ik sham-e-umid jalaae hue koi lamha sakun kaa mile to sahi miraa chain gayaa miri niind gai 'jaaved' kabhi main shaadaan thaa mire saath tarab kaa tufaan thaa phir zindagi mujh se ruuTh gai miraa chain gayaa miri niind gai"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"kal shab dil-e-aavaara ko siine se nikaalaa ye aakhiri kaafir bhi madine se nikaalaa ye fauj nikalti thi kahaan khaana-e-dil se yaadon ko nihaayat hi qarine se nikaalaa main khuun bahaa kar bhi huaa baagh mein rusvaa us gul ne magar kaam pasine se nikaalaa Thahre hain zar-o-sim ke haqdaar tamaashaai aur maar-e-siyah ham ne dafine se nikaalaa ye soch ke saahil pe safar khatm na ho jaae baahar na kabhi paanv safine se nikaalaa"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"