junun mein daaman-e-dil garche taar taar huaa — Aleena Itrat

"ajnabi saa ik sitaara huun main sayyaaron ke biich ik judaa kirdaar huun apne hi kirdaaron ke biich phir rahi huun be-sabab paagal havaa si jaa-ba-jaa dhund mein lipTe hue khaamosh kohsaaron ke biich is hisaar-e-khaak ko jab toD kar niklungi main DhunDte rah jaaoge tum mujh ko divaaron ke biich kuchh kaDe Takraao de jaati hai aksar raushni juun chamak uThti hai koi barq talvaaron ke bech shakl ye behtar hai lekin pukhtagi ke vaaste aao miTi ko rakhein kuchh der angaaron ke biich"

"gunjti vaadi mein aavaaz abhi baaqi hai taar TuuTe hain to kyaa saaz abhi baaqi hai phir zamin khinch rahi hai mujhe apni jaanib main rukun kaise ki parvaaz abhi baaqi hai maut se pahle miri maut ko likhne vaale mere anjaam kaa aaghaaz abhi baaqi hai tu idhar hai ki nahin itnaa bataa de mujh ko saare parde uThe par raaz abhi baaqi hai vaqt ne gard kiyaa phuul se chehron kaa jamaal par adaa baaqi hai andaaz abhi baaqi hai"

"jiit ki aur na haar ki zid hai dil ko shaayad qaraar ki zid hai koi bhi to nahin taaaqub mein jaane kis se faraar ki zid hai ham se kuchh kah rahe hain sannaaTe par hamein intizaar ki zid hai ishq chaahe ki lab ko jaam likhe husn ko inkisaar ki zid hai baarhaa ham ne sangsaar kiyaa par use e'tibaar ki zid hai ek anjaam-e-tai-shuda ke liye phir khizaan ko bahaar ki zid hai ik baar us se kyaa milin nazrein dil ko ab baar baar ki zid hai"

"saare mausam badal gae shaayad aur ham bhi sambhal gae shaayad jhiil ko kar ke maahtaab supurd aks paa kar bahal gae shaayad ek Thahraav aa gayaa kaisaa zaaviye hi badal gae shaayad apni lau mein tapaa ke ham khud ko mom ban kar pighal gae shaayad kaanpti lau qaraar paane lagi jhonke aa kar nikal gae shaayad ham havaa se bachaa rahe the jinhein un charaaghon se jal gae shaayad ab ke barsaat mein bhi dil khush hai hijr ke khauf Tal gae shaayad saaf hone lage sabhi manzar ashk aankhon se Dhal gae shaayad baarish-e-sang jaise baarish-e-gul saare patthar pighal gae shaayad vo 'alinaa' badal gayaa thaa bahut is liye ham sambhal gae shaayad"

"khizaan ki zard si rangat badal bhi sakti hai bahaar aane ki surat nikal bhi sakti hai jalaa ke shama ab uTh uTh ke dekhnaa chhoDo vo zimmedaari se az-khud pighal bhi sakti hai hai shart subh ke raste se ho ke shaam aae to raat us ko sahar mein badal bhi sakti hai zaraa sanbhal ke jalaanaa aqidaton ke charaagh bhaDak na jaaein ki masnad ye jal bhi sakti hai abhi to chaak pe jaari hai raqs miTTi kaa abhi kumhaar ki niyyat badal bhi sakti hai ye aaftaab se kah do ki faasla rakkhe tapish se barf ki divaar gal bhi sakti hai tire na aane ki tashrih kuchh zaruri nahin ki tere aate hi duniyaa badal bhi sakti hai koi zaruri nahin vo hi dil ko shaad kare 'alinaa' aap tabiat bahal bhi sakti hai"

"bhigo gai gul-e-ehsaas aaj shabnam phir badan ke gird lipaTne lagaa hai resham phir ye kis khayaal ke kundan se saj gayaa tan-man bhare hain kaasa-e-hasti mein kis ne nilam phir bahaar bundein ghaTaa khush-gavaar purvaai mire singaar ke kyaa aa gae hain mausam phir bataa rahi hain ye sargoshiyaan samundar kei ki khushk ret se dariyaa kaa hogaa sangam phir kai charaagh jo ye jal uThe hain aankhon mein suno judaai unhein kar na paae maddham phir tiri judaai ke sadme se yuun hue mohtaat na is ke baad hui phir ye aankh pur-nam phir 'alinaa' ik dafa ik aag mein tapaa thaa badan tamaam umr hui vo na aanch kam kam phir"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"