kahaan sambhalte hain bahte hue bahaav mein log — Khumar Mirzada

"ik rang saa chhalkaa thaa magar baas na aai vo mauj-e-guzishta bhi koi khaas na aai is baat pe hujjat hain chahakte hue qarye har shakhs ko jangal ki fazaa raas na aai khuun ho ke agarche dil-e-sad-chaak bhi Tapkaa haathon mein va-lekin rag-e-ehsaas na aai tab ranj khule dhuup ganvaa dene ke ham par in sim-zada kunjon mein jab ghaas na aai paani bhi alag chhaan ke rakkhaa thaa lahu se lekin kisi pairaae mein ik pyaas na aai sau baar charaaghon ko munDeron pe dharaa hai aankhon ke jharokon mein koi aas na aai ai baad-e-sabaa mauj-e-pareshaan na huaa kar tu duur kahaan thi ki mire paas na aai"

"nam-e-tarsil ke soton ko chhupaae rakkhaa mujh samaaat ne sadaaon ko chhupaae rakkhaa peD jalte rahe aavaara rahi gard-e-malaal dhuup ne abr ki chhaanv ko chhupaae rakkhaa taaq thaa khvaab thaa tanhaai thi taariki thi raat ne sirf charaaghon ko chhupaae rakkhaa ishq mein ham ne tamannaaon ki vahdat ke liye ek duuje se mizaajon ko chhupaae rakkhaa ai chaman-zaad-e-shafaq naaz-e-gul-e-sarv-khayaal ham ne khud mein tire khvaabon ko chhupaae rakkhaa ai yaqin-taab-badan teri taraashidagi se main ne jhaDti hui poron ko chhupaae rakkhaa dhuup ujlaae miraa chehra ki main bhi sochun saae ne kaise kharaashon ko chhupaae rakkhaa"

"ham ki the khush-fahm din ki be-panaahi dekh kar haath malte rah gae shab ki siyaahi dekh kar kaun daaman dekhtaa hai kaun suntaa hai dalil jurm saabit ho rahaa hai be-gunaahi dekh kar ham na kahte the dinon mein ik hamaaraa din bhi hai din badalte hain hamaari daad-khvaahi dekh kar dilbari se khud-parasti ne rakhaa naa-aashnaa rukte rukte ruk gae ham kam-nigaahi dekh kar harf-e-be-maani se behtar hai navaa-e-be-sadaa ro paDaa main vaqt ki viraan-nigaahi dekh kar khaak par likkhe gae ham khaak par rakkhe gae lahlahaae sabzagi ki khush-giyaahi dekh kar dil-nashin hai ghuncha-e-nau-vaqt lekin kab talak dil lahu hai shaakh-e-gul ki kaj-kulaahi dekh kar kitne aise dard hain jin ki davaa chaahi gai sochtaa huun zakhm-e-dil ki baar-gaahi dekh kar dida-e-sailaab-ju ki dasht-pairaai khumaar aalam-e-khaashaak ki dekhi tabaahi dekh kar"

"is ek Dar mein ki aakhir ko TuuT jaaegaa ye aaina mire haathon se chhuT jaaegaa main toD saktaa huun pal mein sukut-e-sang-nasab magar ye dhyaan ki ik shakhs ruuTh jaaegaa zarur bujh ke rahegaa rukh-e-safar-talabi ye aabla hai to ik roz phuuT jaaegaa yaqin thaa ki koi saaneha guzarnaa hai gumaan na thaa ki tiraa saath chhuT jaaegaa ham ek ahd-e-abad-yaab kaa kharaa sach hain hamaare saath hamaaraa ye jhuuT jaaegaa"

"dil-gavaara chubhan hi marti hai ab tumhaari lagan hi marti hai qadr kyaa daavaa-e-anal-haq ki fikr-e-daar-o-rasan hi marti hai ruuh ki bahs kis liye ki yahaan aarzu-e-badan hi marti hai shaam-e-gosha-nashini kyaa kiije subh-e-sair-e-chaman hi marti hai is kahaani mein ik rivaayat se kyuun koi gul-badan hi marti hai"

"ho ke aaina muqaabil bhi rahaa rad ki nahin darmiyaan aaj bhi hai hijr ki sarhad ki nahin dil-baraan yunhi na thi kufr-parasti dil ki ftina-e-subh-e-qayaamat hai tiraa qad ki nahin haan bataa vahm se katraae hue husn-e-yaqin nang-e-tahqiq hui rasm-e-ab-o-jad ki nahin dil se us rashk-e-charaagh-e-harm-o-dair ke baad hai vahi vahshat-e-taariki-e-maabad ki nahin zindagi aaj talak meri tamannaa-gah mein tere kuchh kaam bhi aai hai khushaamad ki nahin hairatein aap bhulaa baiThi thiin tai kar ke jinhein aaina-khaanon mein raaij hai vo abjad ki nahin ishq mein kaun muqaabil thaa mire kis pe khule mansab-e-qais ki khvaahaan hai ye masnad ki nahin"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"