karein kis liye ham kisi kaa lihaaz — Jaimini Sarshar

"bahut khush the saahil qarib aa gayaa safina kinaare se Takraa gayaa hai behad khatarnaak bahr-e-jahaan jo insaan bhi is mein Duubaa gayaa tire Dar se chhup-chhup ke piite the ham gayaa shaikh ab vo zamaana gayaa mujhe zindagi ki duaaein na do main aisi duaaon se uktaa gayaa na samho kisi ki kisi baat ko tumhein kaun ye baat samjhaa gayaa vafaaein nahin vo jafaaein nahin nizaam-e-jahaan kuchh badal saa gayaa ye chhup chhup ke milnaa bhi hai ik azaab koi aa gayaa vo koi aa gayaa yahaan the to 'sarshaar' kyaa kuchh na the gae vo to khat bhi na bhejaa gayaa"

"teri rahmat ne kar diyaa gustaakh ''varna pahle to main na thaa gustaakh aap jo kuchh kahein sar aankhon par aur main ne jo kuchh kahaa gustaakh saaf-goi se kaam letaa huun tum ne mujh ko samajh liyaa gustaakh kaaT dete vo kyuun na haath miraa un ke daaman pe baDh chalaa gustaakh khul gai aankh ab to ai nargis aur un se nazar milaa gustaakh munh pe kahte use nahin bantaa varna 'sarshaar' hai baDaa gustaakh"

"sajda aur un ke aastaane kaa hausla dekhiye zamaane kaa aazmaaeinge dhaar khanjar ki ye bahaana hai khuun bahaane kaa dil-e-saada ki saadgi dekho e'tibaar aur phir zamaane kaa kis maze se qafas mein ahl-e-qafas zikr sunte hain aashiyaane kaa saath chalnaa hai jab zamaane ke shikva kyuun kijiye zamaane kaa vo zamaana abhi nahin aayaa khvaab dekhaa thaa jis zamaane kaa tum khud ahl-e-nazar ho ai 'sarshaar' rang dekhaa karo zamaane kaa"

"jab qaum par aafat aai ho jab mulk paDaa ho mushkil mein insaan vo kyaa mar miTne kaa ehsaas na ho jis ke dil mein hansne kaa tariqa paidaa kar rone kaa saliqa paidaa kar hans phuul ki surat gulshan mein ro shama ki surat mahfil mein qaatil ke dil ki kamzori ne saaraa kaam bigaaD diyaa ham tishna-e-shauq-e-shahaadat the khanjar bhi thaa dast-e-qaatil mein mahfil ki mahfil behis hai taari hai jumud insaanon par uTh soz kaa aalam barpaa kar aur aag lagaa de har dil mein har qatra dariyaa banne ko betaab dikhaai detaa hai har mauj-e-ravaan bechain nazar aati hai firaaq-e-saahil mein 'sarshaar' vo kyunkar kahte hain ham qaum o vatan ke khaadim hain Daale na gae jo zindaan mein jakDe na gae jo salaasil mein"

"dil bano dil kaa muddaaa bhi bano saaz bhi saaz ki sadaa bhi bano tum ne hi dil ko dard bakhshaa hai tum hi is dard ki davaa bhi bano jis mohabbat ki ibtidaa ho tum us mohabbat ki intihaa bhi bano tum khudaa ho mujhe nahin inkaar lutf jab hai ki naakhudaa bhi bano dost bannaa buraa nahin 'sarshaar' shart ye hai ki baa-vafaa bhi bano"

"be-hijaab aap ke aane ki zarurat kyaa thi yuun mire hosh uDaane ki zarurat kyaa thi ham se kahnaa thaa Dubo dete safina apnaa itne tufaan uThaane ki zarurat kyaa thi jab se aayaa huun yahaan mohr-ba-lab baiThaa huun mujh ko mahfil mein bulaane ki zarurat kyaa thi apne kirdaar-o-amal par jo bharosa hotaa aap ke naaz uThaane ki zarurat kyaa thi yuun bhi ho sakte the aabaad tire viraane ham ko divaana banaane ki zarurat kyaa thi ashk-e-khun baad mein 'sarshaar' bahaane the agar khun-e-ushshaaq bahaane ki zarurat kyaa thi"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"