miTaa chukaa rah-e-ulfat mein zindagaani ko — Noor Indori

"yuun un ke hasin rukh par zulfon ki har ik laT hai jaise gul-e-naazuk par patton kaa ye ghunghaT hai taazim karo yaaro taazim karo yaaro ye baar ki chaukhaT hai sarkaar ki chaukhaT hai har haal mein rakhnaa hai saaqi kaa bharam tum ko mai-kash ho to pi jaao gar jaam mein talchhaT hai ye jaan aur imaan ki dushman hi sahi lekin angur ki ye beTi zaalim baDi naTkhaT hai chehra ho mohabbat ho khushbu ho tabassum ho ji chaahe jise dekho har shai mein milaavaT hai ab us ki mohabbat par kaise ho yaqin jis ke chehre pe hai naqqaali baaton mein banaavaT hai ai 'nur' samajhnaa hai bhukamp ke maqsad ko ye qahr-e-ilaahi hai yaa vaqt ki karvaT hai"

"dil akelaa hai be-qaraari hai aur udhar kaaenaat saari hai laala-o-gul ye chaand ye taare ek ek shai yahaan tumhaari hai tum ne kaisi nazar se dekh liyaa aaj tak dil pe kaif taari hai jo kabhi subh tak pahunch na saki ham ne aisi bhi shab guzaari hai phuul bhi hain chaman mein kaanTe bhi apni har chiiz ham ko pyaari hai ye to gul ki hansi bataaegi kis ne ro ro ke shab guzaari hai haae majburi-e-mohabbat 'nur' ziist kyaa ek shab guzaari hai"

"jabr aur sabr baar hotaa hai dil pe kab ikhtiyaar hotaa hai vo zamaane ki khaar tak mahkein yaadgaar-e-bahaar hotaa hai raat aur din ki koi qaid nahin aap kaa intizaar hotaa hai band kartaa huun jab bhi main aankhein saamne ru-e-yaar hotaa hai ahl-e-gulshan ko kyaa khizaan ko bhi intizaar-e-bahaar hotaa hai ji rahaa huun bas is nazariye par haasil-e-zist pyaar hotaa hai apne akhlaaq hi se duniyaa mein aadmi baa-vaqaar hotaa hai naakhudaa ko ye kyaa gharaz koi Dubtaa hai ki paar hotaa hai 'nur' vo gul jo ho khizaan-dida haasil-e-sad-bahaar hotaa hai"

"aaDi-tirchhi baat na kar hissa de khairaat na kar pyaar jo hai to saamne aa tauhin-e-jazbaat na kar dil ki lagi ashkon se bujhaa izhaar-e-haalaat na kar chehre par zulfein na giraa nikhre din ko raat na kar rok le aansu aankhon mein bin mausam barsaat na kar mujh ko de de ik saaghar pesh koi saughaat na kar nichaa jis se arsh lage aisi maalumaat na kar main ne kiyaa tujh par vishvaas ghair se mil kar ghaat na kar qaadir hai qudrat kaa nizaam 'nur' gham-e-haalaat na kar"

"dil hi nahin to dil ke sahaaron ko kyaa karun jab paas tum nahin to bahaaron ko kyaa karun jalvon se jis ke chaand sitaaron mein thi ziyaa ab vo hasin nahin to sitaaron ko kyaa karun tasvir aur tasavvur-e-jaanaan ye sab fareb main un se duur un ke nazaaron ko kyaa karun go jannat-e-nigaah hon firdaus-e-rang hon guzri hui hasin bahaaron ko kyaa karun khvaabon se 'nur' chhin liyaa hai khayaal-e-yaar tere baghair tere ishaaron ko kyaa karun"

"muskuraate the jo meraa chaak-daamaan dekh kar aaj sharminda hain vo apnaa garebaan dekh kar aarzu-e-did dil ki dil mein aakhir rah gai mahv-e-hairat ho gayaa tasvir-e-jaanaan dekh kar kis qadar badli hai duniyaa ne mohabbat ki ravish pher letaa hai nazar insaan ko insaan dekh kar aae the taskin dene vo dil-e-betaab ko khud pareshaan ho gae mujh ko pareshaan dekh kar chumti hain manzilein khud ahl-e-himmat ke qadam hausla mat haar jaanaa zor-e-tufaan dekh kar vaa-e-qismat vo to meraa hi jalaa thaa aashiyaan khush huaa thaa main gulistaan mein charaaghaan dekh kar 'nur' andaaza bahaaron kaa lagaa lete hain sab meraa daamaan dekh kar meraa girebaan dekh kar"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"