na subh vusat na shaam vusat — Ghufran Amjad

"masaafat ki garaan har ek saaat TuuT jaati hai tiri chashm-e-inaayat se aziyyat TuuT jaati hai tiri yaadon ki surat se nikalti hai ajab surat ujaale yuun baraste hain ki zulmat TuuT jaati hai sadaa-e-haq-shanaasi gasht karti rahti hai lekin zamaana ye samajhtaa hai sadaaqat TuuT jaati hai baraa-e-jazba-saazi kuchh dikhaavaa ho magar yaaro riyaa-kaari baratne se ibaadat TuuT jaati hai ghazal mein jiddat-o-nudrat zaruri hai bahut 'amjad' magar fanni bukhaalat se salaasat TuuT jaati hai"

"koi do-chaar nahin mahv-e-tamaashaa sab hain mere ehsaas ki aavaaz pe zinda sab hain koi jugnu koi taara koi suraj koi chaand aur ajab baat ki mahrum-e-ujaalaa sab hain us jagah bhi na hui dard ki lazzat mahsus main samajhtaa thaa jahaan mere shanaasaa sab hain yusuf-e-vaqt pareshaan na hote kyunkar koi ungli na kaTi aur zulekhaa sab hain arsa-e-hashr ki tasvir ajab hai 'amjad' be-karaan bhiiD hai aur bhiiD mein tanhaa sab hain"

"ajab thaa zoam ki bazm-e-azaa sajaaeinge mire harif lahu ke diye jalaaeinge main tajrabon ki aziyyat kise kise samjhaaun ki tere baad bhi mujh par azaab aaeinge bas ek sajda-e-taazim ke taqaabul mein kahaan kahaan vo jabin-e-talab jhukaaeinge atash atash ki sadaaein uThi samundar se to dasht-e-pyaas ke chashme kahaan lagaaeinge chhupaa ke rakh to liyaa hai sharaar-e-bu-lahbi dhuaan uThaa to nazar tak milaa na paaeinge daraaz karte raho dast-e-haq-shanaas apnaa bahut huaa to vo neze pe sar uThaaeinge navaah-e-lafz-o-maaani mein guunj hai kis ki koi bataae ye 'amjad' ki ham bataaeinge"

"dil ki miTTi chupke chupke roti hai yaar kahin barsaat ghamon ki hoti hai bechaini mein Duube jubba aur dastaar faaqa-masti chaadar taan ke soti hai pyaar mohabbat rishte naate piir faqir dekh gharibi kyaa kyaa daulat khoti hai teraa chehra din kaa dariyaa paar kare raat ki saari halchal tujh se hoti hai jis ko maajhi samjhaa us ki mallaahi saahil saahil meri naav Duboti hai dharti ambar nadiyaa naale khaai pahaaD do misron mein kyaa kyaa rang samoti hai us se 'amjad' baatein karnaa khel hai kyaa vo to lahje ki ik soi chubhoti hai"

"ik khalish hai mire baahar miri dam-saaz giri kis bulandi pe thi jis dam miri parvaaz giri meri dahliz pe rakkhaa hai kuchh angaaron saa mere aangan mein bhi jhulsi hui aavaaz giri kisi eazaaz pe ab sikka-e-dil kyaa uchhle is tavaatur se miyaan qimat-e-eazaaz giri ab bhalaa kaun kare chaak garebaan-e-junun azmat-e-zulf ghaTi chashm-e-kanval-naaz giri ishq ne moajiza is tarah dikhaayaa 'amjad' husn ke haath se shamshir-e-sharar-baaz giri"

"kab se banjar thi nazar khvaab to aayaa shukr hai dasht mein sailaab to aayaa raushni le ke aqidon ke khanDar mein makr oDhe sahi mahtaab to aayaa kashti-e-jaan ko ye taskin bahut hai khairiyat puchhne gardaab to aayaa daulat ishq ganvaa kar sahi 'amjad' fahm mein nukta-e-aadaab to aayaa"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kyaa apne shahr mein koi aisaa makaan hai samjhun jise ki asl mein vo ik jahaan hai DhunDo haqiqat is mein na afsaana hi koi is kaa bayaan kuchh nahin us kaa bayaan hai apnaa shi'aar ab hai faqat amn-dushmani ye aur baat faakhta apnaa nishaan hai likhne ko ek harf na kahne ko ek lafz yuun to qalam hai haath mein munh mein zabaan hai vo lams jis ke baa'd zamaane guzar gae vo lams ab bhi taaza hai ab bhi javaan hai ho jaaegaa yaqin sabhon kaa hi kal jo aaj meraa yaqin aur sabhon kaa gumaan hai shatranj ki bisaat ki thi apni mez par shatranj ki bisaat ki saaraa jahaan hai"

"charaaghon se kuchh to churaayaa gayaa hai jo thi aag us ko bujhaayaa gayaa hai likhaa thaa jinhein sirf apne lahu se mire un khaton ko jalaayaa gayaa hai hazaaron daf'a us ne ki bevafaai mujhe bevafaa kyon bataayaa gayaa hai mujhe khud nikalnaa paDaa apne ghar se ye mat sochnaa ki bhagaayaa gayaa hai khabar ye mili hai ki mere hi ghar mein kisi ghair ko ab basaayaa gayaa hai mujhe hi sataa kar mujhe hi rulaa kar ye ilzaam mujh par lagaayaa gayaa hai tumhein kyaa bataaun mohabbat mein 'raavat' mujhe kis qadar aazmaayaa gayaa hai"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"