phir bahaana koi banaayaa gayaa — Asim Ejaz

"visaal-o-hijr ke dauraaniye paDe hue hain kahin pe khvaab kahin ratjage paDe hue hain lahu kaa rang bhi taaza hai jaa-ba-jaa dekho kahin pe baste kahin qaaede paDe hue hain juDaa huaa hai mire ghar se koi viraana jahaan pe duur talak vaaqiye paDe hue hain tumhaare lams ne lazzat kaa ras nichoDaa hai abhi badan mein kai zaaiqe paDe hue hain main khud ko kaise sanbhaalun jo karbalaa pahunchun qadam qadam pe vahaan saanehe paDe hue hain hamein safar kaa ishaaraa nahin huaa varna zamin pe raaste hi raaste paDe hue hain kisi kaa aks kisi se badal na jaae kahin ik aaine mein kai aaine paDe hue hain"

"chaand jis vaqt Dhalne lagtaa hai ghar mein suraj nikalne lagtaa hai pahle paDti hai dhuup jismon par phir to saaya bhi jalne lagtaa hai vahshat-e-gham utarne lagti hai ek khatra jo Talne lagtaa hai ek patthar mein jaan hai sab ki phir vo patthar pighalne lagtaa hai saaraa manzar badal saa jaataa hai jab vo pahlu badalne lagtaa hai paaon rakhtaa hai apne jhiil mein vo aur paani ubalne lagtaa hai do qadam jis ke saath chaltaa huun vo hi rasta badalne lagtaa hai lazzat-e-did jab adhuri ho chaand hamraah chalne lagtaa hai lafz jab baazyaab hote hain lab pe misra machalne lagtaa hai jab sitaaraa ho auj par 'aasim' kam-nazar bhi uchhalne lagtaa hai"

"tire bimaar se uljhaa huaa hai mire mohsin ko jaane kyaa huaa hai safina saahilon tak aa to jaae havaa ne raasta badlaa huaa hai fazaa mein tishnagi phaili hui hai musaafir dasht mein Thahraa huaa hai ikaTThe ghumte hain qais-o-lailaa zamaana is-qadar badlaa huaa hai main ab tak gir gayaa hotaa zamin par kisi ke haath ne thaamaa huaa hai tiri jaanib qadam uThte nahin hain mujhe haalaat ne rokaa huaa hai adhuri khvaahishein kab tak sameTun ye malba duur tak bikhraa huaa hai hamaare ghar ke andheron kaa 'aasim' pas-e-divaar bhi charchaa huaa hai"

"jab bhi peDon se jaan nikalti hai zindagi be-amaan nikalti hai ham jise vaaqia samajhte hain vo koi daastaan nikalti hai mahfil-e-jaan-e-jaan kaa mat puchho hasrat-e-did vaan nikalti hai jab bhi mausam ho sabz patton kaa hasrat-e-bad-gumaan nikalti hai saahibaan-e-karam ke sadqe se masti-e-jism-o-jaan nikalti hai aah uThti hai vaadi-e-dil se phir su-e-asmaan nikalti hai jaanib-e-raftagaan nahin jaati zindagi phir kahaan nikalti hai jin ke honTon ko chup si lag jaae un ki puuri zabaan nikalti hai yaad-e-maazi bhi dida-e-tar se surat-e-kaarvaan nikalti hai"

"aks agar khub-tar nahin lagtaa aaina mo'atabar nahin lagtaa aap ko dekhnaa zaruri hai aap ko dekh kar nahin lagtaa hai ajab kashmakash kidhar jaaein raasta mukhtasar nahin lagtaa ham ne ashkon se dosti kar li ab samundar se Dar nahin lagtaa haath siine pe rakh ke dekhaa hai dil abhi dar-ba-dar nahin lagtaa main bhi maujud huun kahaani mein aksar-o-beshtar nahin lagtaa chashm-e-rahzan mein rahne vaalon ki khaak par ho basar nahin lagtaa"

"kaise jhelein azaab khatra hai aap hain be-naqaab khatra hai apni dahliz tak rahein saahib lauT jaaein janaab khatra hai baaghbaani hai mere haathon mein gul hai zer-e-itaab khatra hai ham tahi-dast hain kidhar jaaein har taraf be-hisaab khatra hai regzaaron mein ab bahaar aae jal rahe hain gulaab khatra hai raat aankhon mein jab guzar jaae bandish-e-iztiraab khatra hai"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"tirgi shama bani raahguzar mein aai saaat ik aisi bhi kal apne safar mein aai jis jagah chehra hi meyaar-e-vafaa Thahraa hai khaak hi khaak vahaan dast-e-hunar mein aai teri nazron mein thi duniyaa to yahi kyaa kam thaa hashr ye hai ki tu duniyaa ki nazar mein aai baar-haa yaaron ne saahil se kahaa thaa ham hain baar-haa naav magar apni bhanvar mein aai zindagi samjhun ise yaa ki ise maut kahun vo jo mehmaan ki surat mire ghar mein aai yuun bhi taarikh ki taarikh raqam hoti hai nikli taarikh mahal se to khanDar mein aai khvaab hi khvaab ki taabir huaa to jaanaa zindagi kyuun kisi aankhon ke asar mein aai shama jalte hi bujhi aur dhuaan aisaa uThaa lazzat-e-shaam yahaan khvaab-e-sahar mein aai zindagi kuchh hai 'ataa' sher-o-adab hai kuchh aur ye do-rangi ki vabaa kaisi hunar mein aai"

"khaamushi ke batn se ye guftani paidaa hui main ba-zaahir chup huaa aur shaaeri paidaa hui is tarah saabit huaa gham aur khushi kaa imtizaaj hanste hanste us ki aankhon mein nami paidaa hui jurm ki paadaash mein ham khaak par pheinke gae so yahaan par intiqaaman zindagi paidaa hui khauf ne hi maslahat ki raah bhi ijaad ki main andheron se Daraa aur raushni paidaa hui dil mein kab utri kisi ke be-maaani guftugu baat karne se to bas aavaaz hi paidaa hui"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"