saaqi rukh-e-hayaat se parda uThaa diyaa — Bismil Dehlavi

"fitrat-e-ahbaab se mahram rahe khush rahe haalaanki sarf-e-gham rahe jab tak is daar-e-fanaa mein ham rahe mubtalaa-e-gardish-e-paiham rahe ham bane hain takhta-e-mashq-e-sitam imtihaan-gaah-e-vafaa mein ham rahe fasl-e-gul mein bhi rahaa khauf-e-khizaan ham ba-har-haalat asir-e-gham rahe gul mein bhi aati rahi bu-e-turaab haasil-e-dauraan se ham mahram rahe gardishon ne talkh kar di zindagi maut se ham phir bhi naa-mahram rahe un ke jaur-o-zulm se aai na maut haae ye altaaf bhi to kam rahe kaun si 'bismil' mein aisi baat thi muddaton is maut pe maatam rahe"

"jo khush-nasib tere ishq mein kharaab hue ba-e-e'tibaar-e-haqiqat vo kaamyaab hue gham-e-davaam ke asraar be-naqaab hue ye chand jure kahaan tak asar-ma-aab hue miri nigaah mein vo jalve sehr-kaar nahin jo jalve aam nigaahon mein be-naqaab hue chalaa main un kaa tasavvur kiye hue jis vaqt jo zarre raah mein aae vo aaftaab hue tiri qaraabat unhein bhi kahaan mayassar hai tire jamaal-kade mein jo baaryaab hue karishma-saazi-e-jazbaat-e-ishq are tauba haqir zarre tire husn kaa javaab hue idhar banaayaa hai qasr-e-tasavvuraat-e-jamil udhar ham un ke liye khaanumaan-kharaab hue ye haadsaat-e-mohabbat are khudaa ki panaah tumhaari bazm mein 'bismil' bhi baaryaab hue"

"taDap kar shiddat-e-gham se jab un kaa naam lete hain ye vahshi nabz-e-raftaar-e-do-'aalam thaam lete hain ham ahl-e-dil kahaan ehsaan-e-lutf-e-‘aam lete hain lab-e-gulfaam se kaif-e-mai-e-gulfaam lete hain ye goristaan nahin aaraam-gaah-e-ahl-e-duniyaa hai yahaan haare thake aa kar zaraa aaraam lete hain ham aain-e-mohabbat se to begaana nahin lekin jab un kaa zikr aataa hai kaleja thaam lete hain hadis-e-'ishq ki tafsir soz-e-‘ishq hai 'bismil' khudaa ke naam se pahle ham un kaa naam lete hain"

"har subh-e-darakhshaan mere liye paighaam-e-masarrat hoti hai yaani ik din kam aur huaa ab maut se qurbat hoti hai duniyaa ke munh se suntaa huun aur sun kar sochtaa rahtaa huun jo niind se ik dam jaag uThe aisi bhi qismat hoti hai hasti ki karvaT paik-e-ajal aur paik-e-ajal paighaam-e-sukun hasti jab karvaT leti hai aalaam se fursat hoti hai manjdhaar se kashti bach nikli to saahil se majruh hui mallaah pe ab ye bhed khulaa qismat phir qismat hoti hai allaah re sola saal kaa sin raftaar nai guftaar nai is umr ki kyaa taarif karun ye umr qayaamat hoti hai nazron se nazrein milte hi sharmaanaa jhijaknaa jhunjhlaanaa o naaz-o-adaa vaale yuun bhi taaid-e-mohabbat hoti hai har roz kahaan gaahe-gaahe aur vo bhi bas ik do jure main bhi pi letaa huun 'bismil' jab us ki rahmat hoti hai"

"haasil-e-firdaus to ho jaae viraana abhi maail-e-girya nahin hai teraa divaana abhi khatm to ho jaae kufr-e-imtiyaazaat-e-nazar log hain naa-mahram-e-aadaab-e-mai-khaana abhi main badal to duun zamaane kaa ye farsuda nizaam mujh tak aaya hi nahin ai dost paimaana abhi aag mein jal kar visaal-e-dost hotaa hai nasib hai tavaaf-e-sham’ mein masruf parvaana abhi 'ishq kaa markaz kahaan aur dasht-paimaai kahaan apni manzil se bahut pichhe hai divaana abhi TuTne paae na yaa-rab aansuon kaa silsila naa-mukammal hai gham-e-'aashiq kaa afsaana abhi hosh aate hi main kis zulmat-kade mein aa gayaa thaa qarib-e-maah-o-anjum meraa kaashaana abhi lab pe aati baat kah to duun magar samjhegaa kaun ek 'aalam hai sukhan-fahmi se begaana abhi aaj tishna rah na jaae 'bismil'-e-sahbaa-parast raat baaqi hai abhi raqsaan hai paimaana abhi"

"vo har tufaan jo ham-aaghosh-e-saahil hotaa jaataa hai husul-e-gauhar-e-taabaan mein haail hotaa jaataa hai miraa zauq-e-tajassus kaamgaar o kaamraan hogaa daraaz ab kis liye daamaan-e-saahil hotaa jaataa hai jo uqda koshish-e-paiham se aasaan kartaa jaataa huun vo uqda aur mushkil aur mushkil hotaa jaataa hai na jaane kis tarah kis vaaste kis dil se piitaa huun zamaana hai ki sarf-e-vahm-e-baatil hotaa jaataa hai khudaa jaane mujhe vo dekhte hain kin adaaon se ki gham aahista aahista miraa dil hotaa jaataa hai tire honTon se saaqi jis qadar main piitaa jaataa huun javaani kaa mujhe ehsaas-e-kaamil hotaa jaataa hai kahaan tak shikva-e-be-mehri-e-ahbaab ai hamdam zamaana darpae-aazaar-e-'bismil' hotaa jaataa hai"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"aakhiri hal thaa yahi pesh-e-nazar jaane diyaa ek gahri saans li phir khvaab mar jaane diyaa saarbaanaa de gavaahi mujh ko pyaari thi anaa rakh liyaa zaad-e-safar aur ham-safar jaane diyaa hazrat-e-naaseh ki khush-uftaadgi pe daad hai khud jidhar se aae the sab ko udhar jaane diyaa is harim-e-naaz mein yuun be-mahaabaa guftugu kuchh bharam rakkhaa to hotaa tum ko gar jaane diyaa tujh ko rokaa jaa rahaa thaa raushni thi jab talak shaam ke Dhalte samay suraj ko ghar jaane diyaa aankh sapne dekhti thi aansuon se kyon bhari chaahti to puchh leti main magar jaane diyaa dostaa qismat na ho to koshishein bekaar hain sabr kaa paimaana ham ne khud hi bhar jaane diyaa dil musir thaa baarhaa kuchh jaanchne ko ruk gae aakhirash us ne hamein baar-e-digar jaane diyaa"

"tire jamaal se ham runumaa nahin hue hain chamak rahe hain magar aaina nahin hue hain dhaDak rahaa hai tu ik ism ki hai ye barakat vagarna vaaqiye is dil mein kyaa nahin hue hain bataa na paaein to khud tum samajh hi jaao ki ham bilaa javaaz to be-maajraa nahin hue hain tiraa kamaal ki aankhon mein kuchh zabaan pe kuchh hamein to moajize aise ataa nahin hue hain ye mat samajh ki koi tujh se munharif hi nahin abhi ham ahl-e-junun lab-kushaa nahin hue hain ba-naam-e-zauq-e-sukhan khud-numaai aap karein ham is maraz mein abhi mubtalaa nahin hue hain hami vo jin kaa safar maavaraa-e-vaqt-o-vajud hami vo khud se kabhi jo rihaa nahin hue hain khud-aagahi bhi khaDi maangti hai apnaa hisaab junun ke qarz bhi ab tak adaa nahin hue hain kisi ne dil jo dukhaayaa kabhi to ham 'irfaan' udaas ho gae lekin khafaa nahin hue hain"