shahr mein aa gae kyaa log bayaabaanon ke — Dua Ali

"mohabbatein jab hisaab maangeingi nafraton kaa javaaz hogaa vo jis safar mein saubatein hon vo aabgina-navaaz hogaa kuchh aisi mushkil si aa paDi hai ki chehra aaina ban gayaa hai mujhe ye dhaDkaa hai dil mein rakkhaa ayaan vo muddat kaa raaz hogaa tilism kahiye ki yaa tamanna ragon mein paara lahu banaa hai lahu jo Tapkegaa ashk ban kar nazar se ulfat kaa saaz hogaa ye manzaron mein jo aa gae hain kisi ilaaqe ke sabz taair ye hijraton kaa hasin mausam farogh-e-gulshan ba-naaz hogaa akele-pan ki 'duaa' ye shiddat hi maar Daale kahin na mujh ko vo aaegaa to ye meraa honaa bhi us ke sarf-e-niyaaz hogaa"

"kabhi jo aap ko dekhun to dil mein phuul khilte hain kahun main aap se kaise mujhe aap achchhe lagte hain mire dil ki ye khvaahish hai banun main aap ki dulhan ki dil mein aap rahte hain mire honTon pe sajte hain adhure khvaab jivan ke mire ho jaaeinge puure miri aankhon mein teri chaah ke ilhaam palte hain yahaan fursat kise hai dil ki jo basti kare aabaad yahaan suraj ki hamraahi mein saare log chalte hain kinaare nilgun dariyaa ke jaise ham bhi hain goyaa 'duaa' jo paani ke phailaav ki duuri pe rahte hain"

"suntaa nahin hai dil to us bevafaa ki baatein kal par uThaa ke rakkho us bevafaa ki baatein dil hai udaas ab to is tazkire ko badlo kyon ho musir ki sun lo us bevafaa ki baatein aaj us ne hai rulaayaa ham ko bahut sataayaa ham se na karnaa ab to us bevafaa ki baatein TuuTe hain khvaab mere ab dafn in ko kar do dohraa bhi kyon rahe ho us bevafaa ki baatein ham ko sameTnaa hain ab dil ki kirchiyaan bhi toDaa hai dil ko dekho us bevafaa ki baatein us ki judaai kaise ab ham 'duaa' saheinge kuchh der phir se kar lo us bevafaa ki baatein"

"garche nisbat bhi us ko gham se hai vo miri zindagi qasam se hai us ko sajda bhi kar nahin sakti dair se vo nahin haram se hai kuchh nahin lenaa mujh ko duniyaa se mujh ko matlab tire karam se hai zindagi ki udaas raahon mein lutf un abruon ke kham se hai laaj rakhti huun main jo lafzon ki rabt qirtaas aur qalam se hai us se kyaa ruThnaa 'duaa' meraa dil dhaDaktaa usi ke dam se hai"

"kuchh ziyaada na kam hui labrez had-e-qaul-o-qasam hui labrez teri yaadon ne dil ko taDpaayaa dard se chashm-e-nam hui labrez mujhe kirdaar kaaTne paDe phir jab kahaani qalam hui labrez itni mushkil zamin mein nazm 'duaa' aankh kar ke raqam hui labrez"

"jis kaa hotaa nahin vo log usi kaa samjhe kyaa buraai hai bure ko ki na achchhaa samjhe itnaa kaafir ho ki puchhe nahin ahvaal talak aise kaafir ko bhalaa kaun masihaa samjhe jiit to lungi main haari hui baazi lekin piit ke khel mein kaafir mujhe apnaa samjhe ek kaafir se faqat itni guzaarish hai miri dil ke bikhre hue aaine ko yakjaa samjhe us pe bahte hue ashkon kaa asar honaa nahin vo to patthar ki tarah hai use ham kyaa samjhe vo to but thaa kisi kaafir kaa taraashaa huaa but ham 'duaa' jis ko duaaon kaa karishma samjhe"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"