takht-e-dil pe jo hukmraani hai — Nilendra Rana

"phir to har chehra nigaahon se utar jaataa hai jab yahaan khuun ke rishton kaa asar jaataa hai jaane vaalon ne to chhoDaa hai bahut kuchh lekin paane vaalon se sanjone kaa hunar jaataa hai khinch lo hijr ki tasvir kahaan mumkin hai aaina chhuT ke haathon se bikhar jaataa hai sar jhukaataa huun to gir jaati hai dastaar miri aur dastaar bachaataa huun to sar jaataa hai vo munaafiq hai miraa yaar nahin ho saktaa subh idhar aataa hai aur shaam udhar jaataa hai phir se jal uThte hain ummid ke khaamosh diye ek mazdur sar-e-shaam jo ghar jaataa hai ek murat bhi mukammal nahin hone detaa roz miTTi vo nai chaak pe dhar jaataa hai"

"khud ko detaa huun tasalli yahi ghabraane par vo zarur aaegaa dariyaa ke utar jaane par zaaiqa is kaa to chakhnaa hi paDegaa sab ko naam sab kaa hai likhaa maut ke paimaane par lag rahaa hai ki main zinda huun abhi tak varna daf'atan dil na dhaDaktaa yuun tire aane par apne haathon mein uThaa rakkhe hain sab ne patthar kaun likkhegaa qasida yahaan divaane par husn parvaa kahaan kartaa hai koi jaan se gayaa sham' kab roti hai parvaane ke jal jaane par haae re vaqt ne kyaa mujh pe sitam Dhaayaa hai log hanste hain mire 'ishq ke afsaane par apne is bande ko imaan se khaali na samajh naqsh hai naam tiraa dil ke har ik khaane par tum vahaan baanTne aae ho mohabbat 'raanaa' log hanste hain jahaan phuul bikhar jaane par"

"hausle jab javaan hote hain zer-e-paa aasmaan hote hain ye buzurgon ki shaan hote hain ghar mein jo paan-daan hote hain vaqt ke saath jo bhi chalte hain bas vahi kaamraan hote hain tum ko tasdiq gham ki karni hai ashk to be-zabaan hote hain bas riyaa-kaari is mein rahti hai ye jo unche makaan hote hain pur-sukun ham gharon mein sote hain sarhadon par javaan hote hain"

"apne liye nahin na zamaane ke vaaste sab kaam kar rahe hain dikhaane ke vaaste jitne anaa-parast hain mahfil mein un se ham hargiz uThe na haath milaane ke vaaste ham se tamaash-gaah-e-jahaan kaa na haal puchh ronaa paDaa hai sab ko hansaane ke vaaste kandhe pe le chale hain aqaarib uThaa ke laash 'ujlat mein zer-e-khaak dabaane ke vaaste aangan mein farsh Dhaal ke miTTi ko laae hain shohrat-pasand peD lagaane ke vaaste har gaam puchhtaa hai vo ab meraa haal-chaal saazish lage hai mujh ko miTaane ke vaaste qimat bataa rahaa thaa har ik chiiz ki mujhe laayaa to thaa vo ghar ko dikhaane ke vaaste bhukaa thaa ik faqir mire dar pe aur mire ghar mein nahin thaa kuchh bhi khilaane ke vaaste 'raanaa' ke saath kahne lagaa hai har ek shakhs saazish hui hai basti jalaane ke vaaste"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"jab tak mizaaj-e-dost mein kuchh barhami rahi goyaa bujhi bujhi si miri zindagi rahi jis par nigaah-e-lutf-e-karam aap ki rahi hairat se har nigaah use dekhti rahi go main rahaa kashaakash-e-dauraan se ham-kanaar lekin mire labon pe hansi khelti rahi laayaa hai ishq ne mujhe aise maqaam par khud-aagahi rahi na khudaa-aagahi rahi josh-e-junun ne manzil-e-maqsud paa liyaa aql-e-salim dekhti hi dekhti rahi sab kuchh mujhe 'khayaal' ki duniyaa mein mil gayaa lekin tumhaare husn-e-nazar ki kami rahi"

"tirgi shama bani raahguzar mein aai saaat ik aisi bhi kal apne safar mein aai jis jagah chehra hi meyaar-e-vafaa Thahraa hai khaak hi khaak vahaan dast-e-hunar mein aai teri nazron mein thi duniyaa to yahi kyaa kam thaa hashr ye hai ki tu duniyaa ki nazar mein aai baar-haa yaaron ne saahil se kahaa thaa ham hain baar-haa naav magar apni bhanvar mein aai zindagi samjhun ise yaa ki ise maut kahun vo jo mehmaan ki surat mire ghar mein aai yuun bhi taarikh ki taarikh raqam hoti hai nikli taarikh mahal se to khanDar mein aai khvaab hi khvaab ki taabir huaa to jaanaa zindagi kyuun kisi aankhon ke asar mein aai shama jalte hi bujhi aur dhuaan aisaa uThaa lazzat-e-shaam yahaan khvaab-e-sahar mein aai zindagi kuchh hai 'ataa' sher-o-adab hai kuchh aur ye do-rangi ki vabaa kaisi hunar mein aai"