tilism-e-lafz-o-maaani ko taar taar karein — Samad Ansari

"apni lau mein koi Duubaa hi nahin chaand ehsaas kaa ubhraa hi nahin koi aahaT na koi naqsh-e-qadam jaise dil se koi guzraa hi nahin chuur aaina-e-ayyaam bhi hai meraa maazi miraa fardaa hi nahin dars main bhi huun zamaane ke liye ek ibrat-gah-e-duniyaa hi nahin kitni sadiyon pe rukegaa jaa kar ek lamha ki jo biitaa hi nahin kitnaa hairaan hai dahaan-e-tasvir aks aavaaz kaa utraa hi nahin main bhi thaa shahr-e-sukhan kaa meaar mere naqqaad ne parkhaa hi nahin yuun chamakti hai 'samad' kaahkashaan jaise taara koi TuuTaa hi nahin"

"aaina-e-dil daagh-e-tamannaa ke liye thaa siine kaa sadaf ik dur-e-yaktaa ke liye thaa jo tairne vaale the vo manjdhaar se guzre dariyaa kaa kinaara kaf-e-dariyaa ke liye thaa kyuun haath mein tere mujhe patthar nazar aayaa divaana agar thaa to main duniyaa ke liye thaa guzraa na tire baa'd koi kucha-e-dil se ye raasta ik naqsh-e-kaf-e-paa ke liye thaa divaar se ruktaa nahin divaar kaa saaya zabt-e-gham-e-maazi gham-e-fardaa ke liye thaa koi nahin mahfuz yahaan dast-e-havas se yusuf kaa jo daaman thaa zulekhaa ke liye thaa be-parda chamaktaa hai jo ab mahfil-e-shab mein vo chaand 'samad' kal yad-e-baizaa ke liye thaa"

"vo aarzu ki dilon ko udaas chhoD gai miri zabaan pe sukhan ki miThaas chhoD gai likhi gai hai miri subh ke muqaddar mein vo raushni jo kiran kaa libaas chhoD gai uThi thi mauj jo mahtaab ke kinaare se zamin ke gird falak ki asaas chhoD gai ye kis maqaam-e-tamannaa se be-khudi guzri ye kis kaa naam pas-e-iltimaas chhoD gai charaagh-e-zist se utri thi ek harf ki lau jilau mein apni miraa iqtibaas chhoD gai guzar gai hai ufuq se sipaah-e-shab lekin javaar-e-subh mein khauf-o-hiraas chhoD gai ghaTaa uThi thi kisi tishnagi ke sahraa se jo qatra qatra samundar ki pyaas chhoD gai miri khamosh-labi mujh mein raat bhar gunji sadaaein kitni mire aas-paas chhoD gai ye kis khayaal ki parchhaain thi munDeron par tamaam shahr ko mahv-e-qayaas chhoD gai basi jo aa ke zamin mein 'samad' shanaakht miri mire badan mein sajaa kar havaas chhoD gai"

"aahaTon se dimaagh jaltaa hai aaj sikka havaa kaa chaltaa hai thartharaati hai lau mashiyyat ki ek mahshar fazaa mein paltaa hai sar uThaate hain naqsh paanv tale saaya jab aadmi kaa Dhaltaa hai rang chuntaa hai zehn billor jism jab dhuup se pighaltaa hai apne mehvar pe shaam tak suraj kitne hi zaaviye badaltaa hai kar ke patthar se paash paash hamein shahr kaa shahr haath maltaa hai shoala-zan hai gham-e-hayaat 'samad' parbaton se dhuaan nikaltaa hai"

"raushni tak raushni kaa raasta kah lijiye raat ko shaam-o-sahar kaa faasla kah lijiye de gai kitni bahaarein ek fasl-e-aarzu rang-o-bu ko mausamon kaa khun-bahaa kah lijiye gunjti hai umr-e-viraan mein tamannaa ki thakan harf-e-gham ko gumbad-e-jaan ki sadaa kah lijiye kund aakhir kar gaiin talvaar ko khun-reziyaan dosti ko dushmani ki intihaa kah lijiye baal-o-par khulte nahin jin ke nasheman ki taraf un uDaanon ko havaaon ki ghizaa kah lijiye mausam-e-gul dekhiye khulte darichon ke tale baam-o-dar ko shahr ki aab-o-havaa kah lijiye kuchh nahin miltaa 'samad' patthar ko teshe ke sivaa aazari ko aazari naam-e-khudaa kah lijiye"

"chashm-e-hairaan ko yuun hi mahv-e-nazar chhoD gae dil mein lahraae khayaalon mein sharar chhoD gae jin ke saae mein kabhi baiTh ke sustaayaa thaa vo ghane peD miri raah-guzar chhoD gae muntazir un ke liye hai kisi girdaab ki aankh khud safinon ko jo hangaam-e-khatar chhoD gae qaafile nuur ke utre na kisi manzil par shab ke nam-dida kinaaron pe sahar chhoD gae khirgi hai ki utarti hi nahin aankhon se kin andheron mein hamein shams-o-qamar chhoD gae le gae log jabinon mein ibaadat kaa ghurur kitne sajdon ko magar khaak-basar chhoD gae aae aankhon mein na dam bhar ko sulagte aansu parda-e-chashm pe ik naqsh magar chhoD gae raat ke aks jo shabnam mein utarne aae kitne phulon mein 'samad' daagh-e-jigar chhoD gae"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"taavil-e-ahd-e-fan hi to vahshat kaa hal nahin pesh-e-nazar junun hai yaaro ghazal nahin ab is ke baad ahd ki taarik raat hai ye ikhtitaam-e-shaam hai subh-e-azal nahin ai dost ishq mansab-e-fahm-o-shuur hai ye irtiqaa hai zehn kaa koi khalal nahin ik umr ratjagon ki aziyyat mein kaaT di ab mere khvaab niind kaa radd-e-amal nahin kyaa kyaa ataa-e-neamat-e-rabb-e-karim hai lekin 'samir' dard kaa nemul-badal nahin"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"kyaa manzil-e-gham simaT gai hai ik aah mein raah kaT gai hai phir saamne hai pahaaD si raat phir shaam se niind uchaT gai hai pahlu mein ye kaisaa dard uThaa hai ye kaun si raah kaT gai hai aap aae nahin to maut kambakht aa aa ke palaT palaT gai hai uTh uTh ke mariz-e-gham ne puchhaa kyaa hijr ki raat kaT gai hai phir 'saif' havaa-e-yaad-e-rafta har gham ki naqaab ulaT gai hai"