tire nigaah-e-karam jab bikhar gai hogi — Daur Afridi

"jahaan chheD de koi un kaa fasaana hama-rang lafzon ki jannat sajaanaa tumhaare hamaare hi dam se hai raushan dil-o-jaan ki ranginiyon kaa zamaana ye kaisi adaa hai ba-tarz-e-mohabbat kabhi yaad rakhnaa kabhi bhuul jaanaa hamein chaahiye sirf teraa tasavvur agarche ye duniyaa hai tasvir-kHaana har ik tere husn-e-tasavvur kaa shaidaa ho adnaa-o-aalaa ki naadaan-o-daanaa tulu-e-sahar hai ki tum saamne ho ye kundan saa mukhDaa ye gesu ye shaana tire daur ne tujh se maangi mohabbat mohabbat ne bakhshaa tujhe muskuraanaa"

"vo tere gham ko pahchaane nahin hain abhi apnon mein begaane nahin hain hazaaron mahfilein aisi hain jin mein hamaare gham ke afsaane nahin hain jo bhar jaaein vo paimaane hi samjho jo khaali hain vo paimaane nahin hain tire kuche ki raunaq hai hamin se tire kuche mein divaane nahin hain zaraa ban-Than to le ai zindagaani baraae-husn viraane nahin hain jahaan-e-dilrubaai allaah allaah jahaan tum ho to farzaane nahin hain vahaan hi talkhiyaan piitaa rahaa huun jahaan ai 'daur' maikhaane nahin hain"

"main ne chaahat ke giit gaae the sunne vaale magar paraae the umr bhar ko khushi kaa rog lagaa ek do din ko muskuraae the raahatein hi na kar sake haasil raahaton ke mahal banaae the mere khvaabon ki raushni mein kabhi in labon par labon ke saae the kis ne khinchein jafaa ki talvaarein kis ne armaan ke khuun bahaae the bah rahi hain nashaat ki nadiyaan kyaa ishaare the kyaa kinaae the main ne chaahat ke aasmaan par dost chaand taaron ke daf bajaae the haae vo din jo tere saath gae naghma-o-nur mein nahaae the"

"gham-e-dil ko badal jaane ki zid hai magar khushiyon ko Tal jaane ki zid hai bigaDti jaa rahi hai meri duniyaa magar mujh ko sambhal jaane ki zid hai har ik tufaan ko pichhe chhoD aauun havaadis se nikal jaane ki zid hai miri fitrat badal jaae to kaise tiri baaton ko khul jaane ki zid hai tire zaanu pe meraa sar hai lekin muqaddar ko machal jaane ki zid hai mire jazbaat ko taskin denaa samundar ko ubal jaane ki zid hai khilaaf-e-zor-e-fitrat 'daur' behtar magar fikron ko pal jaane ki zid hai"

"in ke aariz pe ashkon ke dhaare jaise phulon ko shabnam sanvaare gham na kar is jahaan-e-talab mein TuuT jaate hain aksar sahaare tum ne mantiq se ulfat ko samjhaa tum hi jiite chalo ham hi haare gham ki zahmat mein kyaa kuchh na biiti raat kaaTi hai gin gin ke taare chhoD kar mujh ko bahr-e-alam mein teri kashti gai hai kinaare is ko fakhr-e-mohabbat na kyon ho 'daur' dil mein rahaa hai tumhaare"

"kaun hai us ke baankpan ki tarah husn hai husn-e-anjuman ki tarah main ne makhmur us ko dekhaa hai raat jaagi hui dulhan ki tarah jaage jaage tire badan ke khutut khil-khilaate hue chaman ki tarah ik mire chaand ke na hone se chaandni raat hai kafan ki tarah ishq shaaista-e-junun niklaa tere maathe ki ik shikan ki tarah koi taarikh-e-ishq dohraa duun zindagaani hai kohkan ki tarah koi ban-Than ke ghar se niklaa hai zindagi ke hasin chalan ki tarah pairahan aur aise unvaan se rang-o-gulhaa-e-pairahan ki tarah kaisi viraaniyaan mein 'daur' yahaan zindagi hai ujaaD ban ki tarah"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kyaa apne shahr mein koi aisaa makaan hai samjhun jise ki asl mein vo ik jahaan hai DhunDo haqiqat is mein na afsaana hi koi is kaa bayaan kuchh nahin us kaa bayaan hai apnaa shi'aar ab hai faqat amn-dushmani ye aur baat faakhta apnaa nishaan hai likhne ko ek harf na kahne ko ek lafz yuun to qalam hai haath mein munh mein zabaan hai vo lams jis ke baa'd zamaane guzar gae vo lams ab bhi taaza hai ab bhi javaan hai ho jaaegaa yaqin sabhon kaa hi kal jo aaj meraa yaqin aur sabhon kaa gumaan hai shatranj ki bisaat ki thi apni mez par shatranj ki bisaat ki saaraa jahaan hai"

"charaaghon se kuchh to churaayaa gayaa hai jo thi aag us ko bujhaayaa gayaa hai likhaa thaa jinhein sirf apne lahu se mire un khaton ko jalaayaa gayaa hai hazaaron daf'a us ne ki bevafaai mujhe bevafaa kyon bataayaa gayaa hai mujhe khud nikalnaa paDaa apne ghar se ye mat sochnaa ki bhagaayaa gayaa hai khabar ye mili hai ki mere hi ghar mein kisi ghair ko ab basaayaa gayaa hai mujhe hi sataa kar mujhe hi rulaa kar ye ilzaam mujh par lagaayaa gayaa hai tumhein kyaa bataaun mohabbat mein 'raavat' mujhe kis qadar aazmaayaa gayaa hai"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"