tum ne rasm-e-jafaa uThaa di hai — Saba Akbarabadi

"kasrat-e-jalva ko aaina-e-vahdat samjho jis ki surat nazar aae vahi surat samjho gham ko gham aur na musibat ko musibat samjho jo dar-e-dost se mil jaae ghanimat samjho jhuk ke jo sainkaDon fitnon ko jagaa sakti hain vo nigaahein agar uTThein to qayaamat samjho nahin hote hain riyaa-kaari ke sajde mujh se main agar sar na jhukaaun to ibaadat samjho rafta rafta miri khuddaari se vaaqif hoge abhi kuchh din mire andaaz-e-mohabbat samjho jalva dekhoge kahaan dil ke alaava apnaa mire TuuTe hue aaine ki qismat samjho kam nahin duur asiri mein sahaaraa ye bhi qaid mein yaad-e-nasheman ko ghanimat samjho khuub samjhaayaa hai ye kaatib-e-qismat ne hamein jo mayassar ho jahaan mein use qismat samjho ham-jafaaon ko bhi andaaz-e-inaayat samjhein aur tum shukr-e-sitam ko bhi shikaayat samjho meri aankhon mein abhi ashk bahut baaqi hain tum jo mahfil mein charaaghon ki zarurat samjho ai 'sabaa' kyuun ho dar-e-ghair pe tauhin-talab apne hi dar ko hamesha dar-e-daulat samjho"

"yagaana ban ke ho jaae vo begaana to kyaa hogaa jo pahchaanaa to kyaa hogaa na pahchaanaa to kyaa hogaa kisi ko kyaa khabar aansu hain kyuun chashm-e-mohabbat mein fughaan se guunj uTThegaa jo viraana to kyaa hogaa hamaari si mohabbat tum ko ham se ho to kyaa guzre banaa de shama ko bhi ishq parvaana to kyaa hogaa yahi hogaa ki duniyaa aql kaa anjaam dekhegi had-e-vahshat se baDh jaaegaa divaana to kyaa hogaa taassub darmiyaan se aap ko vaapas na le aae haram ki raah mein niklaa sanam-khaana to kyaa hogaa tasavvur kijiye us aane vaale daur-e-barham kaa gadaa toDeinge jab pindaar-e-shaahaana to kyaa hogaa miTaa do hasrat-e-aabaadi-e-dil bhi mire dil se ye jitnaa ab hai is se aur viraana to kyaa hogaa na tum aaoge na aavaaz apni lauT paaegi pukaaregaa tumhein sahraa mein divaana to kyaa hogaa fareb-e-zindagi ki daastaan kahne ko kyaa kam hai qayaamat mein zabaan par aur afsaana to kyaa hogaa lahu ke daagh baDh jaaeinge kuchh divaar-e-zindaan par khafaa ho jaaegaa zindaan se divaana to kyaa hogaa mudaavaa ho nahin saktaa hai dil par choT khaane kaa mire qadmon pe rakh do taaj-e-shaahaana to kyaa hogaa 'sabaa' jo zindagi bhigi hui hai baarish-e-gul se bulaaegaa kisi din us ko viraana to kyaa hogaa"

"us kaa vaada taa-qayaamat kam se kam aur yahaan marne ki fursat kam se kam sah sake dard-e-mohabbat kam se kam dil mein itni to ho taaqat kam se kam is ki yaadon se kahaan hai dushmani shama jalti shaam-e-furqat kam se kam us ke milne se na hoti raushni ghaT to jaati gham ki zulmat kam se kam dekhne se un ke ye haasil huaa ho gai apni ziyaarat kam se kam us ke khat mein aur sab kuchh thaa magar sirf matlab ki ibaarat kam se kam dard dene ke vahaan saamaan bahut aur taDapne ki ijaazat kam se kam kyuun gham-e-dauraan ziyaada mil gayaa thi hamein jis ki zarurat kam se kam khair tum se dosti mushkil sahi rahne do saahib-salaamat kam se kam dekh kar un ko ye andaaza huaa hogi aisi hi qayaamat kam se kam daulat-e-gham ki faraavaani sahi daaman-e-dil mein hai vusat kam se kam gham nahin jo chand yaadein saath thiin kar to li dil ki hifaazat kam se kam sina-chaaki umr bhar ki hai 'sabaa' zakhm silne ki thi muddat kam se kam"

"aaina ban jaaiye jalva-asar ho jaaiye saamne vo hon to sar-taa-paa nazar ho jaaiye soz-e-dil se gosha-e-tanhaai mein kyaa faaeda is tarah jaliye charaagh-e-rahguzar ho jaaiye is udaasi kaa dhundlakaa khatm ho shaayad kabhi shaam se pahle hi unvaan-e-sahar ho jaaiye manzil-e-ulfat pe dil tanhaa pahunch saktaa nahin aap agar chaahein to mere ham-safar ho jaaiye khud-bakhud saare zamaane ko khabar ho jaaegi hoshiyaari hai ki sab se be-khabar ho jaaiye shauq kahtaa hai ki sajdon mein tasalsul chaahiye dil ye kahtaa hai ki jazb-e-sang-e-dar ho jaaiye jab kisi se pesh-qadmi zulm ki rukti na ho us jagah laazim hai khud sina-sipar ho jaaiye ik azaab-e-mustaqil hai fikr-e-taamir-e-makaan saakin-e-sahraa-e-be-divaar-o-dar ho jaaiye kashmakash mein infiraadiyyat zaruri hai 'sabaa' jis taraf koi nahin hotaa udhar ho jaaiye"

"tujh se daaman-kashaan nahin huun main ai zamin aasmaan nahin huun main kaarvaan mere baad aaegaa gard huun kaarvaan nahin huun main phail saktaa huun chhaa nahin saktaa raushni huun dhuaan nahin huun main naaz hai mujh pe mere saane ko zahmat-e-raaegaan nahin huun main juzv huun ek jaavedaan kul kaa haan agar jaavedaan nahin huun main apni taqdir par yaqin nahin aap se bad-gumaan nahin huun main dar-o-bast-e-chaman ko kyaa jaanun phuul huun baaghbaan nahin huun main zindagi par bahaar hai mujh se zindagi ki khizaan nahin huun main yaa nigaah-e-talab huun yaa jalva parda-e-darmiyaan nahin huun main sochne dijiye maaal-e-vafaa aap se sargiraan nahin huun main maut se chheD-chhaaD jaari hai ziist kaa nauha-khvaan nahin huun main aashiyaan kyaa banaaun gulshan mein qaabil-e-aashiyaan nahin huun main ai gham-e-sabr-aazmaa sun le qaabil-e-imtihaan nahin huun main yusufon kaa hai kaarvaan mire saath yusuf-e-kaarvaan nahin huun main main 'sabaa' aah bhi nahin kartaa aashnaa-e-fughaan nahin huun main"

"puuri mire junun ki zarurat na kar sake sahraa-e-jaan bhi ho to kifaalat na kar sake sai-o-amal ki ruuh mohabbat ke saath thi vo kuchh na kar sake jo mohabbat na kar sake duniyaa mein jitne gham mile dil mein basaa liye ham sirf tere gham pe qanaaat na kar sake apnaa hi haal-e-zaar sunaate rahe tujhe lekin tire sitam ki shikaayat na kar sake taaraaj kar ke ishq ki basti chale gae tum fath kar ke dil pe hukumat na kar sake duniyaa mein ab bhi log vafaa ke hain muddai haasil hamaare haal se ibrat na kar sake hai kaafir-e-adab mire mashrab mein ai 'sabaa' shaair jo ehtiraam rivaayat na kar sake"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"nahin piitaa main par navaazish hui hai baDi mausamon ki sifaarish hui hai bahut din se sahraa ke jaisaa ye dil hai na baadal ghire hain na baarish hui hai yahaan hai bulandi jo kirdaar ki to vahaan khaal-o-khad ki numaaish hui hai tiri jhiil jaisi jo dekhi hain aankhein miri Duub jaane ki khvaahish hui hai chhalaktaa nahin khuun zakhmon se aise kahin naakhunon ki bhi kaavish hui hai hamein 'ishq mein mubtalaa kar rahe hain nazar aur dil mein ye saazish hui hai vahaan dushmanon ki baDi yaad aai jahaan doston ki navaazish hui hai vafaa-daariyon kaa sila mil rahaa hai hamaari sadaa aazmaaish hui hai pareshaaniyon mein jo ham mubtalaa hain yaqinan koi ham se laghzish hui hai vahin apni aankhon ko ham chhoD aae jahaan manzaron ki numaaish hui hai raqibon ko hai chhuT mahfil mein un ki mire aane jaane pe bandish hui hai ghazal kahnaa 'faaruq' main chhoD dungaa isi baat par un se ranjish hui hai"

"jab se aayaa huun tere gaanv mein rang hi rang hain fazaaon mein aa ki dukh sukh ki koi baat karein baiTh kar shishamon ki chhaanv mein main bhi kartaa huun zabt ki koshish to bhi takhfif kar adaaon mein vo tiraa dafatan bichhaD jaanaa vo miraa dekhnaa khalaaon mein ho agar koi gosh-bar-aavaaz ik khamoshi bhi hai sadaaon mein yahi mere liye ghanimat hai saans le luun khuli fazaaon mein"

"bas ki ik lams ki ummid pe vaare hue hain so tire saamne ye khaak pasaare hue hain jaane kab un ko bujhaa baiThe koi baad-e-alam sar-e-mizhgaan-e-tamannaa jo sitaare hue hain zindagi tu bhi hamein vaise hi ik roz guzaar jis tarah ham tujhe barson se guzaare hue hain nit-nae naqsh karein us pe aziyyat ke raqam aa ki ham takhti-e-dil apni pachaare hue hain kab kuchal jaaein kisi paanv se ham barg-e-vajud vaqt ki dhuup mein vaise hi karaare hue hain jaante hain ki tu hi ishq-badan ko hai libaas ham tiraa ruup jo aashuftagi dhaare hue hain apni jurat ki sataaish ho ki ham chob-mizaaj rabt rakhte hain sadaa un se jo aare hue hain"

"phir bahaar aai hai phir josh mein saudaa hogaa zakhm-e-derinaa se phir khuun Tapaktaa hogaa biiti baaton ke vo naasur hare phir honge baat niklegi to phir baat ko rakhnaa hogaa yurishein kar ke umanD aaeingi suuni shaamein laakh bhaTkein kisi unvaan na saveraa hogaa ji ko samjhaaeinge matvaali havaa ke jhonke phir koi laakh sambhaale na sambhalnaa hogaa kaisi rut aai havaa chalti hai ji Doltaa hai ab to hansnaa bhi taDapne kaa bahaanaa hogaa TuuT jaaegaa ye laachaari-e-daaem kaa fusun aur is tarah ki jaise koi aataa hogaa dil dhaDakne ki sadaa aaegi sune-pan mein duur baadal kahin parbat pe garajtaa hogaa"