zindagi shaam ko daftar se nikal aati hai — Ali Arman

"kyaa hai saakin koi kah saktaa hai kyaa chal rahaa hai dasht-e-tasvir mein naqsh-e-kaf-e-paa chal rahaa hai kaaenaaton ke bhanvar Duub rahe hain mujh mein kis ko maalum mire zehn mein kyaa chal rahaa hai apne siine mein liye chaudah arab saal kaa dukh main akelaa to nahin saath khudaa chal rahaa hai mutmain kaise kisi aur se ho paae vo dil jis kaa khud apni hi dhaDkan se gila chal rahaa hai sun rahaa huun main chaTak ghuncha-e-mustaqbil ki baagh mein tazkira-e-baad-e-sabaa chal rahaa hai saans chalti hai tire hijr mein aise meri jaise sahraa mein koi aabla-paa chal rahaa hai ek paanse mein palaT sakti hai baazi pyaare dekhtaa jaa abhi saanson kaa juaa chal rahaa hai kuchh bhi saakin nahin is aalam-e-kun mein 'armaan' hasb-e-taufiq har-ik chhoTaa-baDaa chal rahaa hai"

"Tahni Tahni se khuun jaari hai ham ne aise khizaan guzaari hai aisaa lagtaa hai niili jhilon ki teri aankhon se rishta-daari hai main huun shaagird is liye us kaa ishq sab se baDaa madaari hai khvaab dekhaa ki ik shajar huun main aur tire haath mein ik aari hai meri tasvir ki taraf dekho jis ne ro ro ke shab guzaari hai ek chaanTaa paDaa to jaanoge vaqt kaa haath kitnaa bhaari hai ruuh ko de ke niind ki goli sair us ke badan ki jaari hai main zaraa paani pi ke aataa huun tiri qurbat bahut karaari hai har shikaari ki taak mein beTe koi us se baDaa shikaari hai kaam ab vo charaagh kar rahe hain jo havaaon ki zimmedaari hai ik dhamaaka huaa hai cinema mein mar gae log film jaari hai jaun saahib mire muaamle mein hijr mein bhi visaal taari hai jaa rahe hain khudaa se milne ham ye zamin to bas ik savaari hai dil hai teri judaai mein jaise koi haaraa huaa juaari hai maar Daalaa hai ek kamsin ne honT halke hain bosa bhaari hai aam hone lagaa hai thoDaa bahut jo miraa din-e-taaza-kaari hai ‘ali-armaan' ko sanbhaal ke rakh ye tiraa aakhiri pujaari hai"

"tai ho nahin sake abhi do-chaar miil bhi aur chubh rahi hai paaon mein juute ki kiil bhi afsos in parindon ko kaise bataaun main ik roz suukh jaaegi yaadon ki jhiil bhi quantum ki kaar-gaah-e-ajib-o-gharib mein ik daaera tikon bhi hai mustatil bhi munsif to khair pahle hi dushman ke haq mein the mere khilaaf ho gae mere vakil bhi 'armaan' sabz baagh kuchh aise dikhaae hain chalne lage hain saath mire sang-e-mil bhi"

"mujhe hoti hai aziyyat baDi tayyaari mein us ke kapDe hain abhi tak miri almaari mein haal aisaa hai miri jaan bichhaD kar tujh se jaise achchhaa nahin lagtaa koi bimaari mein maut hi un ko jagaae to jagaae saahib log mashghul hain khvaabon ki kharidaari mein mujhe maaraa hai miri saari tamannaaon ne rahm-dil koi nahin lashkar-e-taataari mein log khush-baash hain kitne nai colony ke aur parinde hain darakhton ki azaa-daari mein baarish-e-dard-e-judaai kabhi rukti hi nahin raat din rahtaa huun main sher ki sarshaari mein main ne kahnaa hai bas itnaa hi mire dost ki dost bante aasaani mein hain khulte hain dushvaari mein maalik-e-tukhm-e-tamanna ne chhupaa rakkhaa thaa meri taamir kaa rasta miri mismaari mein mere ik dost ne jab meri jaDein kaaTi thiin kahin masruf thaa us din main shajar-kaari mein"

"dil ki zarurat lab tak laani paDti hai lafzon se kyon baat banaani paDti hai kabhi kabhi kahin aag bujhaane ki khaatir nai jagah par aag lagaani paDti hai zaahir karne ke liye khufiya dushmanon ko doston mein afvaah uDaani paDti hai phal nahin deti khaamoshi khaamoshi se is ke liye aavaaz uThaani paDti hai pahle hansi khud aa jaati thi honTon tak ab bahlaa phuslaa kar laani paDti hai suraj saahab kanjusi karte hain jahaan vahaan par apni dhuup banaani paDti hai achchhaa saudaa pahle khud bik jaataa thaa lekin ab aavaaz lagaani paDti hai viraane mere dar par aa baiThte hain jab bhi kam un ki viraani paDti hai sochtaa hai har roz bhulaane kaa tujh ko roz hi dil ko munh ki khaani paDti hai ishq mein khud ko maar ke yaar ke kuche mein apni mayyat aap uThaani paDti hai dasht-navardi ishq mein khel hai bachchon kaa ham ko apni gard uDaani paDti hai andhe shahr ko mutavajjah karne ke liye dasht mein jaa kar dhuum machaani paDti hai yahaan kisi ko koi maqaam nahin detaa apni jagah 'armaan' banaani paDti hai"

"jab tujhe milne ki tadbir nai hoti hai surat-e-gardish-e-taqdir nai hoti hai munhadim hotaa huun har aan pas-e-harf-e-kuhan tab kahin sher ki taabir nai hoti hai kaise lauTaa main tire dast-e-zamaana-gar mein tere chhune se to tasvir nai hoti hai vaqt de jaae jise yaad puraani koi roz us harf ki taasir nai hoti hai ik ajab kaif mein chaltaa huun sar-e-dasht-e-balaa jab mire paanv mein zanjir nai hoti hai ham badalte nahin 'armaan' kabhi jaah-o-hasham haan isi khvaab ki taabir nai hoti hai"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"jab tak mizaaj-e-dost mein kuchh barhami rahi goyaa bujhi bujhi si miri zindagi rahi jis par nigaah-e-lutf-e-karam aap ki rahi hairat se har nigaah use dekhti rahi go main rahaa kashaakash-e-dauraan se ham-kanaar lekin mire labon pe hansi khelti rahi laayaa hai ishq ne mujhe aise maqaam par khud-aagahi rahi na khudaa-aagahi rahi josh-e-junun ne manzil-e-maqsud paa liyaa aql-e-salim dekhti hi dekhti rahi sab kuchh mujhe 'khayaal' ki duniyaa mein mil gayaa lekin tumhaare husn-e-nazar ki kami rahi"

"tirgi shama bani raahguzar mein aai saaat ik aisi bhi kal apne safar mein aai jis jagah chehra hi meyaar-e-vafaa Thahraa hai khaak hi khaak vahaan dast-e-hunar mein aai teri nazron mein thi duniyaa to yahi kyaa kam thaa hashr ye hai ki tu duniyaa ki nazar mein aai baar-haa yaaron ne saahil se kahaa thaa ham hain baar-haa naav magar apni bhanvar mein aai zindagi samjhun ise yaa ki ise maut kahun vo jo mehmaan ki surat mire ghar mein aai yuun bhi taarikh ki taarikh raqam hoti hai nikli taarikh mahal se to khanDar mein aai khvaab hi khvaab ki taabir huaa to jaanaa zindagi kyuun kisi aankhon ke asar mein aai shama jalte hi bujhi aur dhuaan aisaa uThaa lazzat-e-shaam yahaan khvaab-e-sahar mein aai zindagi kuchh hai 'ataa' sher-o-adab hai kuchh aur ye do-rangi ki vabaa kaisi hunar mein aai"