The lyric art form of Urdu poetry — every sher a universe of longing, love, and philosophy
"baa'd muddat ke mujh se milaa aaina dekh kar mujh ko hairaan huaa aaina us ne mujh se ta'alluq kiyaa munqata’ jis kisi ko bhi main ne diyaa aaina jaa-ba-jaa 'aks meraa thaa bikhraa huaa haath se jab mire gir gayaa aaina us ko banne-sanvarne se fursat nahin haath us ke hai jab se lagaa aaina roz dekhun main chehra kharaashon bharaa roz dene lagaa hai sazaa aaina har koi mujh se nazrein churaane lagaa jab se 'afzal' main jag mein banaa aaina"
Afzal Hazarvi"aankh se 'adaavat ki niind ne baghaavat ki us kitaabi chehre ki raat-bhar tilaavat ki be-hijaab hone par aap ne qayaamat ki aap chup rahe lekin aankh ne jasaarat ki dekh kar hamaari or aap ne 'inaayat ki mom the magar 'afzal' aag se mohabbat ki"
Afzal Hazarvi"paa-pyaada chaltaa huun be-iraada chaltaa huun thak na jaaun is liye main ziyaada chaltaa huun chashm-kor basti mein be-libaada chaltaa huun raste hairat karte hain itnaa saada chaltaa huun ho na jaaun puuraa main aadhaa aadhaa chaltaa huun muflisi mein kar ke main dil kushaada chaltaa huun 'afzal' aas ke raste par be-murada chaltaa huun"
Afzal Hazarvi"bedaari mein sote khvaab dekhe paagal hote khvaab teri aankh mein rahte ham yaar agar ham hote khvaab jaane ab kis haal mein huun chhoD aae the rote khvaab taabiron se aari the kaise kaamil hote khvaab muskaati aankhon mein aksar dekhe ham ne rote khvaab kuchh na kuchh mil jaataa phal kaash zamin mein bote khvaab 'afzal' itnaa shor na kar jaag na jaaein sote khvaab"
Afzal Hazarvi"khvaab ban kar har khushi rah jaaegi bin tire kyaa zindagi rah jaaegi hijr ki manzar-kashi rah jaaegi aankh mein yaaro nami rah jaaegi panchhi saare peD se uD jaaeinge sahn mein ik khaamushi rah jaaegi yuun to sab hi log honge bazm mein tu na hogaa to kami rah jaaegi jaane vaalaa lauT kar na aaegaa aankh dar par hi jami rah jaaegi phir kahaan afzal khulus-e-dostaan naam ki jab dosti rah jaaegi"
Afzal Hazarvi"hausle kyaa us but-e-be-jaan ke saare jhagDe hain dil-e-naadaan ke naaz hai kis baat par insaan ko kis tarah chaltaa hai siina taan ke khet jal-thal kar diye sailaab ne mar gae armaan sab dahqaan ke de rahe hain maat ab shaitaan ko kaarnaame hazrat-e-insaan ke chhup-chhupaa ke vaar ham karte nahin ham khilaaDi hain khule maidaan ke jab se badli hain nigaahein yaar ne paD gae hain laale 'afzal' jaan ke"
Afzal Hazarvi"puraane sab nazaare jaa rahe hain nae manzar ubhaare jaa rahe hain udhar hai sard-mehri aur idhar se ishaaron par ishaare jaa rahe hain safina ho rahaa hai gharq-e-tufaan nigaahon se kinaare jaa rahe hain nahin baatin pe ab koi tavajjoh faqat zaahir sanvaare jaa rahe hain shab-e-gham mein rukh-e-raushan ke jalve andheron ko nikhaare jaa rahe hain kahin bikhri paDi hai zulf 'afzal' kahin gesu sanvaare jaa rahe hain"
Afzal Hazarvi"hairat kaa imkaan banaataa rahtaa huun kuchh manzar viraan banaataa rahtaa huun koi to in mein phuul sajaane aaegaa saaraa din guldaan banaataa rahtaa huun patthar jaise khvaab sajaaun aankhon mein miTTi ke armaan banaataa rahtaa huun ik adnaa saa shaa'ir huun main laakhon mein apni ik pahchaan banaataa rahtaa huun ban jaati hai jab us ki tasvir to phir honTon par muskaan banaataa rahtaa huun gaanv ki jab jab yaad sataati hai 'afzal' khet shajar dahqaan banaataa rahtaa huun"
Afzal Hazarvi"yaadon ki jaagir na hoti to main yaaro kyaa kartaa gar us ki tasvir na hoti to main yaaro kyaa kartaa us ke dam se raanjhaa thaa main vo hi miri pahchaan bani vo gar meri hiir na hoti to main yaaro kyaa kartaa qaail karnaa kaam thaa mushkil par vo qaail ho hi gayaa lahje mein taasir na hoti to main yaaro kyaa kartaa meraa kaam tamaam thaa varna us ke nek iraade se haathon mein shamshir na hoti to main yaaro kyaa kartaa andar se main TuTaa-phuTaa ek khanDar viraana thaa zaahir jo taamir na hoti to main yaaro kyaa kartaa zulmat-e-shab mein raushan 'afzal' ik nanhaa saa jugnu thaa itni bhi tanvir na hoti to main yaaro kyaa kartaa"
Afzal Hazarvi
