Ghazal

"jo tire aastaan ke maare hain asl mein kahkashaan ke maare hain log milte hain phuul khilte hain aur ham tum khizaan ke maare hain kuchh hain jin ko zamin ne toDaa hai aur kuchh aasmaan ke maare hain baat ahl-e-zabaan ki mat kariye ye to saare zabaan ke maare hain gham hai ham ko bhi bevafaai kaa ham bhi ik mehrbaan ke maare hain hiir raanjhaa ki lailaa majnun hon ye to bas daastaan ke maare hain ab to itnaa yaqin hai ham ko ham 'ananyaa' ke maare hain"

"duur tum se rahun ki paas rahun meri qismat hai main udaas rahun ye zaruri nahin ke har lamha main tire jism kaa libaas rahun koi manzar ho koi mausam ho 'umr-bhar ban ke teri aas rahun ye tamanna nahin hai vahshat hai main samundar ke lab ki pyaas rahun koi mere binaa taDaptaa rahe main 'ananyaa' kisi ki khaas rahun"

"us ne jab bhi kabhi mohabbat ki jaise mujh pe koi 'inaayat ki duub jaate hain ahl-e-dil is mein main vahi jhiil huun mohabbat ki phir mire ru-baru vo aaya hai phir khabar ho gai qayaamat ki honT par honT rakh diye main ne kyaa zarurat hai ab ijaazat ki jab teraa lams ho gayaa haasil kis ko parvaah koi jannat ki aise manzil nahin mili mujh ko main ne paane ko khuub mehnat ki gham-zadon ne sajaai thi mahfil aur main ne vahaan nizaamat ki"

"bhar ke zulmaat dil dukhaaegi raat-bhar raat dil dukhaaegi meri auqaat puchhne vaalon meri auqaat dil dukhaaegi itni divaangi bhi Thiik nahin husn ki zaat dil dukhaaegi ab ke barsaat tum nahin hoge ab ke barsaat dil dukhaaegi vasl ki raat yaad aaegi jab hijr ki raat dil dukhaaegi haae guzregi mere kuche se us ki baaraat dil dukhaaegi aakhiri baar ham mileinge aur ye mulaaqaat dil dukhaaegi aisaa sochaa na thaa 'ananyaa' kabhi us ki ab baat dil dukhaaegi"

"dil dhaDaktaa hai par vo baat nahin din nahin din saa raat raat nahin aisaa lagtaa hai aap ke bin ab saans haasil hai par hayaat nahin muskuraate hue chale aao chaahiye mujh ko kaaenaat nahin vo maraasim bhi kyaa maraasim hain jis maraasim mein iltifaat nahin sab kaa bas ek rab vahi shohrat ab kisi aadmi ki zaat nahin ik khushi hai mujhe 'ananyaa' kahin dil dukhaane mein meraa haath nahin"

"falak aur bhi hain zamin aur bhi hain khudaa ke hasin jaa-nashin aur bhi hain mire hi liye kyon likho shaa'iri tum jahaan mein kai aafrin aur bhi hain mujhe rashk kyon hai kahaani pe apne mohabbat ke qisse hasin aur bhi hain ye suraj ye taare ye chaand aur duniyaa yahaan hain magar kyaa kahin aur bhi hain 'ananyaa' abhi saanp nikle nahin sab abhi baaqi kuchh aastin aur bhi hain"

"hijr taqdir nahin vasl kaa vaada bhi nahin ham ne khoyaa bhi nahin aap ko paayaa bhi nahin ab vo viraani vo tanhaai vo gumnaami hai ab koi mujh se hai vaabasta tamaasha bhi nahin kabhi muskaae kabhi roe tiri yaadon mein bin tire main ne koi lamha guzaaraa bhi nahin vo na jaane kyon mohabbat kaa gumaan rakhne lagaa meri jaanib se abhi aisaa ishaara bhi nahin khud ko divaana miraa sab ko bataataa hai magar meraa divaana mire nakhre uThaataa bhi nahin meri tanhaai mujhe aur dikhaaegi bhi kyaa ab mire aasmaan mein ek sitaaraa bhi nahin Duub jaanaa hi muqaddar huaa jaataa hai kyaa ab mayassar mujhe tinke kaa sahaaraa bhi nahin chaaraagar phir tu bane kyon hai masihaa sab kaa mere zakhmon kaa tire paas mudaavaa bhi nahin dil ke sahraa ko 'ananyaa' jo banaae gulshan khushk aankhon mein vo shaadaab nazaaraa bhi nahin"

"dil kisi se bhi agar lagtaa hai phir to divaar se sar lagtaa hai ek bas tum ko hi chaahun lekin mujh ko is ishq se Dar lagtaa hai teri yaadon se sajaati huun jab muskuraataa huaa ghar lagtaa hai ham-safar tu jo nahin hai meraa ruThaa ruThaa saa safar lagtaa hai miThe miThe se khayaal aate hain teri baaton kaa asar lagtaa hai ab nahin hai vo 'ananyaa' teraa sach nahin hai ye magar lagtaa hai"

"tu agar dekhe saadgi meri phir tabi'at hai shaa'iri meri dard-o-gham mein vafaa milaai gai aur takhliq ki gai meri mujh ko itnaa bataao sach sach tum yaad aati nahin kabhi meri har andheraa miTaa sakun main yahaan duur tak jaae raushni meri ab bhi tujh se vafaa nibhaaungi ab bhi baaqi hai zindagi meri kitne din se tiraa guzar na huaa kitni viraan hui gali meri main bhi shab mein falak pe hoti huun kaun dekhegaa chaandni meri teri saanson ki khushbuon mein huun tujh ko zaahir na ho kami meri phir 'ananyaa' tujhe vo yaad aayaa kah rahi aankhon ki nami meri"