Ghazal

"kuchh tasaavir bol paDti hain sab ki sab be-zabaan nahin hotin apni muTThi na bhinch kar rakkho titliyaan sakht-jaan nahin hotin laDkiyon mein bas ek khaami hai ye dobaara javaan nahin hotin"

"hansi mein Taal to detaa huun aksar magar main khush nahin barbaad ho kar koi martaa nahin zabt-e-fughaan se zaraa saa daagh paD jaataa hai dil par likhi hai reg-e-saahil par jo main ne vo chiTThi paDh nahin saktaa samundar jahaan ham hain vahaan sab daaere hain kisi kaa koi markaz hai na mehvar mujhe jaanaa hai vaapas baadalon mein nahin honaa mujhe qatre se gauhar mujhe kuchh der ruknaa chaahiye thaa vo shaayad dekh hi letaa palaT kar"

"koi tohmat ho mire naam chali aati hai jaise baazaar mein har ghar se gali aati hai tiri yaad aati hai ab koi kahaani ban kar yaa kisi nazm ke saanche mein Dhali aati hai ab bhi pahle ki tarah pesh-rav-e-rang-o-sadaa ek munh-band si be-rang kali aati hai chal ke dekhein to sahi kaun hai ye dukhtar-e-raz roz-e-avval se jo bad-naam chali aati hai ye mire karb kaa aalam rahe yaarab aabaad is zamin se bu-e-aulaad-e-'ali' aati hai"

"mire mazaar pe aa kar diye jalaaegaa vo mere baad miri zindagi mein aaegaa yahaan ki baat alag hai jahaan-e-digar se main kaise aaungaa mujh ko agar bulaaegaa mujhe hansi bhi mire haal par nahin aati vo khud bhi roegaa auron ko bhi rulaaegaa bichhaD ke is ko gae aaj tisraa din hai agar vo aaj na aayaa to phir na aaegaa faqih-e-shahr ke baare meri raae thi gunaahgaar hai patthar nahin uThaaegaa isi tarah dar-o-divaar tang hote rahe to koi apne liye ghar nahin baanegaa hamaare baad ye daar-o-rasan nahin honge hamaare baad koi sar nahin uThaaegaa"

"ai shab-e-gham jo ham bhi ghar jaaein shahr kis ke supurd kar jaaein kitni atraaf kitne raste hain ham akele kidhar kidhar jaaein ek hi ghar mein qaid hai sultaan ham bhikaari nagar nagar jaaein aankh jhapkin to itne arse mein jaane kitne baras guzar jaaein surat aisi bigaaD li apni vo hamein dekh lein to Dar jaaein"

"aazaar mire dil kaa dil-aazaar na ho jaae jo karb nihaan hai vo numudaar na ho jaae aavaaz bhi deti hai ki uTh jaag mere laal Darti bhi hai bachcha kahin bedaar na ho jaae jab tak main pahunchtaa huun kaDi dhuup mein chal kar divaar kaa saaya pas-e-divaar na ho jaae parda na sarak jaae kahin ai dil-e-betaab vo parda-nashin aur pur-asraar na ho jaae baDhtaa chalaa jaataa hai zamaane se taalluq ye silsila zanjir-e-giraan-baar na ho jaae aaraam se rahtaa hi nahin banda-e-be-daam jab tak kisi mushkil mein giraftaar na ho jaae"

"aa hijr kaa Dar nikaalte hain raste se safar nikaalte hain ab aankhein nahin nikaali jaatin aankhon se nazar nikaalte hain peDon mein rah ke bhi parinde patte nahin par nikaalte hain afsos ke ghota-zan hamaare ujrat pe guhar nikaalte hain pattharon mein kahin to hai vo surat jo ahl-e-hunar nikaalte hain"

"jaan qarz hai so utaarte hain ham umr kahaan guzaarte hain shaamein hain vahi vahi hain subhein guzre hue din guzaarte hain is naam kaa koi bhi nahin hai jis naam se ham pukaarte hain ginte hain tamaam raat taare ham raat yunhi guzaarte hain pichke hue gaal zard chehre jazbaat bahut ubhaarte hain"

"ghar mein miTTi kaa diyaa maujud hai raushni se raabta maujud hai chaahiye binaai sunne ke liye baaz rangon mein sadaa maujud hai kab se uDtaa hai ghubaara arz kaa is mein ab kitni havaa maujud hai go bahut mahdud hai jins-e-vafaa phir bhi mere bevafaa! maujud hai umr bhar jangal mein rah saktaa huun main is mein ghar jaisi fazaa maujud hai zikr-e-gumraahi kahaan se aa gayaa raasta hi kaun saa maujud hai naa-khudaa be-khauf ab langar uThaa naav mein ik baa-khudaa maujud hai"

"jaan se kaise jaayaa jaataa hai ye hunar kyaa sikhaayaa jaataa hai bol kar boliyaan parindon ki in ko ghere mein laayaa jaataa hai baaz vaade kiye nahin jaate phir bhi un ko nibhaayaa jaataa hai main na jaaun kahin to phir dekhun kis tarah meraa saayaa jaataa hai subh ke baad bhi jo raushan hon in diyon ko bujhaayaa jaataa hai"

"shab ko ik baar khul ke rotaa huun phir baDe sukh ki niind sotaa huun ashk aankhon ke biich hote hain main unhein khet khet botaa huun mere aansu kabhi nahin rukte main hamesha vazu mein hotaa huun hotaa jaataa huun us sakhi ke qarib jaise jaise gharib hotaa huun"