Ghazal

"kaaghaz kab tak dhyaan mein rakkhaa jaaegaa aakhir kuDe-daan mein rakkhaa jaaegaa aankhon ki is baar rihaai mumkin hai khvaabon ko zindaan mein rakkhaa jaaegaa sab ko dil ke kamre tak kab laaeinge kuchh logon ko lawn mein rakkhaa jaaegaa baaton se jab peT kaa kamra bhar jaae to phir in ko kaan mein rakkhaa jaaegaa jis ko chaahe honT uThaa kar le jaaein lafzon ko maidaan mein rakkhaa jaaegaa ham kab qabr ki miTTi ke haath aaeinge ham ko to divaan mein rakkhaa jaaegaa"

"bhanvar mein tu hi faqat meraa aasraa to nahin tu naakhudaa hi sahi par miraa khudaa to nahin ik aur mujh ko miri tarz kaa milaa hai yahaan so ab ye sochtaa huun main vo dusraa to nahin abhi bhi chaltaa hai saaya jo saath saath mire bataa ai vaqt kabhi main shajar rahaa to nahin hain gahri jaD se shajar ki bulandiyaan mashrut so pastiyaan ye kahin meraa irtiqaa to nahin jo paas ye mire be-khauf chale aate hain mire badan pe parindon kaa ghonsla to nahin ai aaine tu zaraa dekh ghaur se miri aankh gire hain ashk koi khvaab bhi giraa to nahin"

"zamin-e-chashm mein boe the main ne khvaab ke biij magar uge to khulaa vo the iztiraab ke biij mujhe hi kaaT ke miTTi mein gaaDnaa hogaa ki kaun degaa miri jaan tumhein gulaab ke biij zamin pe aise chamakte hain ret ke zarre kisi ne jaise bikhere hon aaftaab ke biij vo meri ruuh mein utraa to kab gumaan bhi thaa dabaa rahaa hai miri ruuh mein azaab ke biij tamaam umr kaTi ik fareb mein 'azmi' bikher kar vo gayaa duur tak saraab ke biij"

"likkhi jab aasmaan ne taqdir khaak ki mujh ko tamaam saunp di jaagir khaak ki bhaate nahin hain aankh ko meri ye taaj-o-takht jaati nahin vajud se taasir khaak ki par khol to diye mire sayyaad ne magar paanv mein Daal di mire zanjir khaak ki aanaa hai us ki qaid mein har ik vajud ne lagni hai har vajud pe taazir khaak ki lo khaaksaari se bhi main aage nikal gayaa lo ban gayaa huun aaj main tasvir khaak ki"

"jo hai makaan vahi laa-makaan niklegaa zamin tale bhi koi aasmaan niklegaa akelaa dhuup ke lashkar mein ghir gayaa paagal jo sochtaa thaa koi saaebaan niklegaa ye jin jo kaam kaa daftar ke aa gayaa mujh par badan ko saunp ke meri takaan niklegaa koi to hai jo sadaa hai mire taaaqub mein adu nahin to koi mehrbaan niklegaa jo jaantaa thaa mujhe mujh se bhi zaraa baDh kar kise khabar thi vahi bad-gumaan niklegaa"

"sikhaae vaqt ne atvaar sad hazaar mujhe ki ab to choT bhi rahti hai saazgaar mujhe nikaal de mire dil se adaa-o-naaz sabhi bigaD gayaa huun gham-e-zindagi sanvaar mujhe main tere paas ghaDi do-ghaDi kaa mehmaan huun agarche vaqt kaDaa huun magar guzaar mujhe diyaa jo haath mire haath mein tu chupke se thamaa gayaa hai koi dard be-shumaar mujhe yaqin bhi hai ki use lauT kar nahin aanaa magar hai shaam-o-sahar phir bhi intizaar mujhe koi to hai pas-e-divaar-o-dar nihaan 'azmi' pukaartaa hai sar-e-shaam baar baar mujhe"

"apni dhun mein hi jo chup-chaap guzar jaataa huun tum samajhte ho baDe shauq se ghar jaataa huun le ke chal paDtaa hai mujh ko jo khayaalaat kaa rath jab tire shahr mein pahunche main utar jaataa huun apne hi dard ki ungli se lagaa rahne de main gham-e-dahr ki is bhiiD se Dar jaataa huun koi kis tarah mire jism mein aa jaataa hai main badan chhoD ke apnaa ye kidhar jaataa huun tum samajhte ho ki ghar lauT gayaa hai 'azmi' main to har shab tiri dahliz pe mar jaataa huun"

"kisi khayaal ki surat mein ab gumaan se nikal sukhan kaa tiir hai to honT ki kamaan se nikal kabhi to mujh ko mire aks tak rasaai de ai aaine tu kisi roz darmiyaan se nikal chhupe hue koi manzar miri nigaah mein aa ai koi an-kahe misre miri zabaan se nikal tire sivaa bhi bahut log muntazir hain mire so apni choT lagaa aur daastaan se nikal mire nasib ke taare kahin fazaaon mein mil main chal paDaa huun zamin se tu aasmaan se nikal"

"dushman se bhi haath milaayaa jaa saktaa hai dard kaa bhi to lutf uThaayaa jaa saktaa hai phir se ek mohabbat bhi ki jaa sakti hai tere gham se haath chhuDaayaa jaa saktaa hai saanjhaa koi beach mein peD lagaa lete hain jis kaa donon ghar mein saaya jaa saktaa hai hamsaae jo apne ghar mein aaj nahin hain divaaron ko dard sunaayaa jaa saktaa hai hijr ke haath pe khuddaari ko girvi rakh ke phir se us ko phone lagaayaa jaa saktaa hai saari raat ibaadat to hai mushkil 'azmi' haan raste se sang haTaayaa jaa saktaa hai"