Ghazal

"jo surat ishq ki paidaa na kartaa to koi husn ki puujaa na kartaa mohabbat kaa kabhi saudaa na kartaa zamaana aap ko rusvaa na kartaa firaaq-e-did mein taDpaa na kartaa to dil duniyaa-e-gham paidaa na kartaa buton ke ishq mein rusvaa na kartaa khudaa kuchh aur kartaa yaa na kartaa agar ehsaan ko bhulaa na kartaa bashar duniyaa kaa munh kaalaa na kartaa tumhaare aariz-e-rangin ke hote hasinon ki koi parvaa na kartaa surur-e-dil agar hotaa haqiqi qayaamat nit-nai barpaa na kartaa bil-aakhir ham ne tum par jaan de di ye aalam thaa ki martaa kyaa na kartaa agar saaqi ki aankhon mein khaTaktaa to baada-khvaar ki parvaa na kartaa jo hotaa hosh mujh ko be-khudi mein vafaa ke raaz ko ifshaa na kartaa ghani rahtaa na dil jo aashiqi se to shaayad husn ko tolaa na kartaa udhar tum be-rukhi par 'shaad' rahte idhar main dil kabhi mailaa na kartaa"

"gumraahiyon mein luT gai 'ishrat khayaal ki ab justuju se paak hai surat maaal ki rang-e-shafaq se shaan 'ayaan hai jamaal ki vo daad chaahte hain abhi se kamaal ki rahmat ke vaaste se faqat zul-jalaal ki jurat har ek rind ne ki hasb-e-haal ki gham hai firaaq kaa na khushi hai visaal ki meri nazar amiin hai husn-o-jamaal ki saaqi kaa iltifaat hai in'aam-e-inzibaat jurat nahin hai hosh ke munh se savaal ki parda bhi ho kabhi to kabhi ru-baru bhi ho zaamin hai 'aafiyat ki ravish e'tidaal ki chashm-e-karam ke saath suraahi bhi jhuk gai taqdir dam-zadan mein badal di sifaal ki ye mehr-o-maah husn-o-nazar aur rang-o-bu 'aks-aafriniyaan hain kisi ke jamaal ki har ro'b-e-husn daab-e-mohabbat mizaaj-e-‘ishq rakhtaa hai sar-basar koi khubi kamaal ki baa-vasf-e-shart-e-bandagi banda-navaaz ne aaqaai bakhsh di hai 'amal ki khayaal ki us be-khudi kaa said huaa hai sukun-nasib makhfi hai jo nazar se zavaal-o-kamaal ki sar is liye na uTh sakaa sajde se aaj tak 'izzat 'aziz hai ‘araq-e-infi’aal ki zaahid khudaa ki di hui ne'mat kaa rang dekh is se tamiz hogi haraam-o-halaal ki naam-e-khudaa ko rakhtaa hai dil is liye 'aziz aazaad hai ye qaid se har ehtimaal ki gumnaamiyon mein 'shaad' rahaa tum saa be-navaa ustaad laaj rah gai dast-e-savaal ki"

"hosh jab paaband-e-hasrat ho gayaa naam majburi kaa ulfat ho gayaa jaan denaa jaan-e-ishrat ho gayaa dekhnaa un kaa qayaamat ho gayaa ishq jab rang-e-tabiat ho gayaa ishq kaa chaskaa musibat ho gayaa dekh uThti umr ki nuzhat ke saath naaz tasvir-e-qayaamat ho gayaa ibtilaa-e-dilbari mein aankh ki ik zamaana khubsurat ho gayaa but-kade ki dilkashi ke saamne kaaba-e-dil naqsh-e-hairat ho gayaa saaghar-o-baada se ho kar muhtariz hosh kaa chaahaa akaarat ho gayaa barhaman raah-e-tariqat mein rahaa shaikh mar kar rukn-e-jannat ho gayaa diid kaa saudaa huaa jab se giraan sar jhukaanaa bhi ibaadat ho gayaa shaad ho kar dekhte ho tum hamein yuun nuzul-e-abr-e-rahmat ho gayaa"

"bandagi mein guzar nahin hoti zindagi yuun basar nahin hoti soz-e-dil se agar nahin hoti to duaa kaargar nahin hoti dekhne hi ki jaan hoti hai dil pe apne nazar nahin hoti haal-e-baatin ko aap kyaa jaanein chashm-e-zaahir jo tar nahin hoti din mein haazir sukun nahin hotaa chain se shab basar nahin hoti baagh-e-ulfat mein har hasin khvaahish baar-daar-e-samar nahin hoti parda-daari kaa is liye hai gila rehn aql-e-bashar nahin hoti vo mohabbat jo ain fitrat hai aql par munhasar nahin hoti un se rahti hai baa-khabar duniyaa jin ko apni khabar nahin hoti shauq-e-parvaaz ain imaan hai koi ummid par nahin hoti fikr-e-manzil hai raah mein haail be-khudi ham-safar nahin hoti jo tajalli nazar se makhfi ho vo nasib-e-bashar nahin hoti sajde do-chaar hi ghanimat hain chaakari umr bhar nahin hoti shaan-e-rahmat se saaf saabit hai saadgi mukhtasar nahin hoti 'shaad' rahtaa huun bazm-e-rindaan mein is mein fikr-e-sahar nahin hoti"

"hosh jab paaband-e-hasrat ho gayaa naam majburi kaa ulfat ho gayaa jaan denaa jaan-e-‘ishrat ho gayaa dekhnaa un kaa qayaamat ho gayaa 'ishq jab rang-e-tabi’at ho gayaa diid kaa chaska musibat ho gayaa dekh uThti 'umr ki nuzhat ke saath naaz tasvir-e-qayaamat ho gayaa ibtilaa-e-dilbari mein aankh ki ik zamaana khub-surat ho gayaa but-kade ki dilkashi ke saamne kaa’ba-e-dil naqsh-e-hairat ho gayaa saaghar-o-baada se ho kar muhtariz hosh kaa chaahaa akaarat ho gayaa barhaman raah-e-tariqat mein rahaa shaikh mar kar rukn-e-jannat ho gayaa diid kaa saudaa huaa jab se giraan sar jhukaanaa bhi 'ibaadat ho gayaa 'shaad' ho kar dekhte ho tum hamein yuun nuzul-e-abr-e-rahmat ho gayaa"

"hargiz Thahar na daaera-e-ikhtiyaar tak qismat ko raahbar na banaa ku-e-yaar tak vo dam mein aaeinge na dam-e-e'tibaar tak tu raah ek baar nahin laakh baar tak pohnchaa na aaj tak dar-e-parvardigaar tak har mudda'i-e-shaan dil-e-hoshiyaar tak mahrumi-e-nasib na thiin dil-farebiyaan Takraa ke aankh rah gai naqsh-o-nigaar tak us be-khudi ki shaan ke qurbaan jaaiye jis kaa tire karam se na ho kam khumaar tak sajda-gari ki jaan hai har aarzu-e-did lekin nazar pe dil ko nahin e'tibaar tak ab khvaab mein bhi jalva dikhaane se hai gurez lo chhin gayaa nazar kaa miri ikhtiyaar tak dast-e-junun ne jism ko aazaad kar diyaa rakkhaa na pairahan se lagaa ek taar tak minaa-e-baaryaab hai saaghar ki bandagi aayaa kabhi na shisha-e-dil mein ghubaar tak maa’ruza-e-vafaa ko sunein aap ek din bandon ki Ter suntaa hai parvardigaar tak afsurdagi kaa raaz nazar ki khizaan mein hai varna hai har nigaah pe qurbaan bahaar tak ghunche mizaaj-e-'ishq pe kaste hain phabtiyaan gul hi gavaah honge shahaadat hazaar tak majnun ko raah-e-'ishq mein divaana dekh kar paanv ko chumne lage sahraa mein khaar tak vo 'shaad' kis tarah ho kisi ke huzur mein jo dil uThaa sake na mohabbat kaa baar tak"

"'ahd-e-shabaab mausam-e-khandaan hai aur ham har-su nigaar jalva-faroshaan hai aur ham mahfuz dil mein shorish-e-paikaan hai aur ham khalvat-navaaz khaatir-e-mehmaan hai aur ham sabr-aazmaa tasavvur-e-jaanaan hai aur ham aankhon mein aaj hashr kaa saamaan hai aur ham ik manzar-e-guzaarish-e-pinhaan hai aur ham un ke huzur dida-e-hairaan hai aur ham daur-e-sharaab sohbat-e-rindaan hai aur ham saaghar-ba-dast chashm-e-hasinaan hai aur ham ehsaas ne gunaah ki duniyaa sameT li ab rahmat-e-tamaam kaa daamaan hai aur ham saaghar mein aaj 'aariz-e-saaqi kaa 'aks hai kaafir banaae jaane kaa saamaan hai aur ham hikmat se ho rahi hain tamanna-navaaziyaan tashkil-e-khvaab haasil-e-armaan hai aur ham takmil ho rahi hai mohabbat ki is tarah mehmaani-e-tasavvur-e-jaanaan hai aur ham mushkil hai 'shaad' rahnaa giraani ke daur mein ab pairvi-e-gosha-nashinaan hai aur ham"

"dil phir hai justuju mein pareshaan buraa huaa mushkil nazar ki ho gai aasaan buraa huaa achchhaa huaa yaa dard kaa darmaan buraa huaa honaa kisi kaa husn pe naazaan buraa huaa taskin mil rahi hai tasavvur se raat din apnaa rahaa na koi nigahbaan buraa huaa machle hue shabaab ke aasaar dekh kar hushiyaar ho gayaa gham-e-naadaan buraa huaa sach puchhiye to husn ke har jalva-zaar mein insaan-farosh diin kaa imaan buraa huaa duniyaa parakh chuke hain mahaasin hayaat ke niyyat mein farq aaya ki insaan buraa huaa bas aabru kaa mol hai jiine mein jis tarah khushbu gai ki rang-e-gulistaan buraa huaa aakhir supurd-e-khaak huaa khaaksaar bhi miTTi mein mil gayaa tiraa ehsaan buraa huaa samjhaa thaa jis ko ghair kisi din nigaah ne vo dard dil mein ho gayaa mehmaan buraa huaa ik gham se jazb-e-'shaad' ke dariyaa utar gae saahil-navaaz ho gayaa tufaan buraa huaa"

"nazar jalvon mein bhar jaae to achchhaa muqaddar kaam kar jaae to achchhaa kisi sirat pe mar jaae to achchhaa na surat par bashar jaae to achchhaa na gardan par rahe ehsaan kisi kaa talab ki bhuuk mar jaae to achchhaa tamanna ki fusun-kaari kaa tufaan nigaahon se utar jaae to achchhaa sharaab-e-'ishq se ai jaan-e-aalam har ik paimaana bhar jaae to achchhaa ye zaahir hai ki dil jaaegaa jaae anokhi baat par jaae to achchhaa koi allaah kaa banda navaaze mujhe begaana kar jaae to achchhaa guzaari 'umr aksar 'shaad' rah kar chalo yunhi guzar jaae to achchhaa"

"hasrat-e-dil yuun nikaali jaaegi aarzu mein jaan Daali jaaegi aabru jab barmalaa li jaaegi ik nazar bhar ke churaa li jaaegi aakhiri khvaahish bhi Taali jaaegi tegh kyaa un se sanbhaali jaaegi naaz se duniyaa kamaa li jaaegi haath par sarson jamaa li jaae gi rehn-e-gulshan ho chalaa zauq-e-nihaan ab nazar saanche mein Dhaali jaaegi kyaa khabar thi 'ishq ki taa'mir mein dard ki buniyaad Daali jaaegi ye to zaahir thaa ki bazm-e-husn mein 'ishq ki pagDi uchhaali jaaegi un ko apne bil-muqaabil dekh kar be-khudi kaise sanbhaali jaaegi dushmani ke zikr par maail hain vo dosti ki baat Taali jaaegi bazm-e-ulfat ki nazar mein khaar huun bad-nigaahi mujh pe Dhaali jaaegi 'shaad' rahte kaT gai hai zindagi nibh sakegi jo nibhaa li jaaegi"

"shukr karne ko hai zabaan koi aaj shaayad hai mehrbaan koi hai tamanna abhi javaan koi aur baaqi hai imtihaan koi laakh kahlaae laa-makaan koi dil ko matlub hai nishaan koi hai bahaaron pe gulsitaan koi gul khilaane ko hai jahaan koi ye tasavvur mein aa rahaa hai nazar mere un ke hai darmiyaan koi hosh aae to aastaan DhunDe sajda-gar ho to kyon kahaan koi kyaa kisi ne mujhe pukaaraa phir aur baaqi hai imtihaan koi chashm-e-rindaan ye rang hai dil kaa hai nigaahon mein aasmaan koi rind jaur-e-falak se naalaan hain aur DhunDeinge aastaan koi aah karne se manaa kartaa hai soz-e-dil mein bhi hai nihaan koi be-rukhi ishq se nahin achchhi ban na jaae ye daastaan koi ye chaman hai to ham bhi ai sayyaad phir banaa leinge aashiyaan koi is liye saamne nahin aate raaz ho jaaegaa ayaan koi gham ki duniyaa mein khush-nasibi se 'shaad' hotaa hai mehrbaan koi"

"tire jalvon ne sikhaa hai nazar kaa paasbaan ho kar 'ayaan honaa nihaan ho kar nihaan honaa 'ayaan ho kar ta'ajjub hai nasib-e-‘ishq ki ruh-e-ravaan ho kar vo kyon zulmat pe haavi hain nigaahon se nihaan ho kar agar sayyaad ne dekhaa kabhi kuchh mehrbaan ho kar tamanna rah gai takti nasib-e-dushmanaan ho kar sitam Dhaane lagi jab aarzu dil ki javaan ho kar rahi aaThon pahar vahshat mohabbat ki ‘inaan ho kar butaan-e-sho'la-ru ki sehr-saamaani kaa kyaa kahnaa khudaai kar rahe hain jaan-e-musht-e-ustukhvaan ho kar tasavvur mein liye baiThe hain jalvon ki amaanat ko nazar sab ki zamin par aa gai hai aasmaan ho kar nazar kaa said ho jaanaa qarin-e-‘aql thaa lekin khabar kyaa thi ki dil rah jaaegaa nazr-e-butaan ho kar musalsal bevafaai par to ik 'aalam hai shaidaai nahin un ki na jaane kyaa ghazab Dhaaegi haan ho kar bahar-surat mataa'-e-'shaad' hai nairangi-e-'aalam khizaan chhaai bahaar ho kar bahaar aai khizaan ho kar"

"haal-e-khud-aagahi kab tujh se nihaan hai saaqi zarf har chiiz kaa surat se 'ayaan hai saaqi fikr-e-masti hi faqat tujh ko giraan hai saaqi varna hasti kaa mujhe hosh kahaan hai saaqi paikar-e-husn ki tasvir hai mere dam se dil hai bedaar nazar meri javaan hai saaqi gard hai paikar-e-kaunain ki khud-aaraai aaj rag rag mein mai-e-hosh ravaan hai saaqi mudda'aa kahne ko betaab huaa baiThaa huun aakhir insaan huun mire munh mein zabaan hai saaqi jaam-o-minaa hain tire lutf-o-karam ke mushaf surkhi-e-mai mein yahi raaz nihaan hai saaqi rang-e-gul naghma-e-qulqul va fusun-kaari mein teri mahfil ki har ik chiiz javaan hai saaqi mudda'i hosh ke sab gum hain tire jalvon mein kis tarah samjhe koi kaun kahaan hai saaqi aaj tak raaz na is manzil-e-rangin kaa khulaa ik jahaan jis ki masaafat mein ravaan hai saaqi bazm-e-zaahir se tiri 'shaad' hai 'aalam lekin dil parakhne kaa vo saamaan kahaan hai saaqi"

"mohabbat jis ko kahte hain kabhi baatil nahin hoti fareb-e-‘aql ho jaae fareb-e-dil nahin hoti vo raahi huun ki jis ke saamne manzil nahin hoti yahi aavaargi shaayad kisi qaabil nahin hoti ta'ajjub hai kisi surat nazar qaail nahin hoti tabi'at to tumhaari yaad se ghaafil nahin hoti khamoshi ho yaa goyaai bahar-haalat zabaan apni nahin hoti tumhaare naam se ghaafil nahin hoti tamanna Dubnaa hi jaanti hai bahr-e-ulfat mein ye vo kashti hai jo sharminda-e-saahil nahin hoti bahar-surat mayassar hai tiri qurbat bhi khalvat bhi magar didaar ki daulat kabhi haasil nahin hoti nahin jhuktaa kabhi sajde mein sar ahl-e-tariqat kaa gunaahon ki fazaa mein be-khudi shaamil nahin hoti dam-e-tufaan hilaa deti hai dil maghrur maujon ke du'aa mein itni gahraai lab-e-saahil nahin hoti hamesha 'shaad' rakhti hai mohabbat ham-khayaalon ki magar ye paarsaaon mein kabhi haasil nahin hoti"

"na kuchh aaghaaz hotaa hai na kuchh anjaam hotaa hai tamaashaa-gaah-e-aalam bas khudaa kaa naam hotaa hai ba-naam-e-mukhtalif daur-e-subu-o-jaam hotaa hai ba-zaahir farq-e-rangini-e-subh-o-shaam hotaa hai mire saaqi kaa andaaz-e-karam jab aam hotaa hai to har taar-e-nafas husn-e-nazar kaa raam hotaa hai har ik ummid mein mastur kuchh paighaam hotaa hai nazar se duri-e-maqsad kaa manzil naam hotaa hai bahaar-e-mai-kadaa jab saaqi-e-gulfaam hotaa hai to avval chashm-e-rangin se tulu-e-jaam hotaa hai sazaa-vaar-e-mohabbat kaa yahi inaam hotaa hai nazar ki aag hai dil muft mein badnaam hotaa hai bahar-surat agar saudaa-e-ulfat khaam hotaa hai natija dil lagaane kaa gham-o-aalaam hotaa hai ba-andaaz-e-khudaayaana ba-vasf-e-shaan-e-shaahaana ishaaron par kisi ke munhasir har kaam hotaa hai na chheDo yuun nigaahon mein nigaahein Daal kar dil ko kisi ki be-khudi kaa raaz tasht-az-baam hotaa hai tabiat 'shaad' ho to hijr ke rangin vaqfon mein tasavvur aap ki surat kaa mai-aashaam hotaa hai"

"bas isi kaa gham nahin hai dil hai divaana tiraa banda-e-be-daam hai har-mast-o-farzaana tiraa mazhar-e-rang-e-haqiqat jab hai paimaana tiraa baais-e-sar-masti-e-aalam hai mai-khaana tiraa zikr karti hai zabaan aalam ki rozaana tiraa dil ne chup rah kar sunaa aankhon se afsaana tiraa gar yahi aalam rahaa zauq-e-hijaab-e-husn kaa raaz-e-dil ifshaa na kar de koi divaana tiraa mashrab-e-firdaus par tu bhi amal kar naasehaa laa khudaa ke naam par bhar duun main paimaana tiraa saaya-e-rahmat mein ho jis kaa jahaan-e-aarzu kyon vali kar de na us ko lutf-e-shaahaana tiraa daastaan-e-husn aur us ki numud-e-dil-navaaz khaak mein mil kar bayaan kartaa hai parvaana tiraa 'shaad' saaqi ki nigaahon mein rahein har haal mein yuun gunahgaaron ko hai mahbub mai-khaana tiraa"

"ye kis ne jalva dikhaa ke aankhon mein kar liyaa hai maqaam apnaa ye kis ko apnaa banaa ke barham kiyaa hai dil ne nizaam apnaa ye kis ki baaton mein aa ke ham ne kiyaa hai badnaam naam apnaa ki aaj tak aagahi se aajiz hai jazba-e-naa-tamaam apnaa agar tamannaa-e-be-khudi ki zabaan se sun lein payaam apnaa to aariz-e-husn se ulaT dein naqaab vo laa-kalaam apnaa nigaah-e-saaqi se kah rahaa huun sazaa tavajjoh ki sah rahaa huun sharaab-e-rahmat ke daur mein bhi karam se khaali hai jaam apnaa jahaan mein hain khush-nasib aksar hai jin pe lutf-e-nazar saraasar agar muqaabil huun kyaa ajab hai mujhe bhi kar lein ghulaam apnaa nishaana-e-husn ho rahaa hai firaaq mein umr kho rahaa hai nazar se fursat mile to dil bhi kare koi intizaam apnaa hai manzar-e-bazm 'shaad' o raahat ba-qalb-e-masrur ain neamat mazaaq-e-sher-o-sukhan hai ahl-e-adab mein hai ehtiraam apnaa"

"be-khudi mein khumaar ki baatein jabr mein ikhtiyaar ki baatein jazba-e-be-qaraar ki baatein hon na hon hain bahaar ki baatein ek musht-e-ghubaar ki baatein aur is eatibaar ki baatein vo karein mujh se pyaar ki baatein hain ye lail-o-nahaar ki baatein ban gaiin haal-e-zaar ki baatein baaton baaton mein pyaar ki baatein dil ki gahraaiyon se hoti hain dida-e-ashk-baar ki baatein tuul gham ko dein aap ke dushman kijiye ikhtisaar ki baatein be-qaraari kaa raaz ban jaaein kaash dil ke qaraar ki baatein inqilaabaat kaa fasaana hain gardish-e-rozgaar ki baatein asl nairangi-e-jahaan kaa kyaa chashm-e-be-e'tibaar ki baatein khuub charche hue mohabbat ke khuub sunvaaein pyaar ki baatein saadgi hi mein 'shaad' rahnaa hai hain giraan sab vaqaar ki baatein"

"bazm-e-imkaan mein koi mujh saa nazar-baaz nahin ye jigar dekh ki is par bhi mujhe naaz nahin zulm kyaa karti tiri chashm-e-fusun-saaz nahin ik achhuti si hayaa kaa mujhe andaaz nahin naazish-e-barbat-e-dil dard hai aavaaz nahin haamil-e-soz nahin taar to vo saaz nahin aaj haasil hai sukun mujh ko junun ke sadqe ab kisi samt se aati koi aavaaz nahin daavar-e-'ishq ne bakhshi hai vo masruf-nazar fikr-e-anjaam nahin fursat-e-aaghaaz nahin kaa'ba-e-husn mein yuun dil nahin lagtaa apnaa surat-e-naaz nahin sirat-e-andaaz nahin 'ain masti hai bhalaa kaun de zaahid ko javaab jaam-e-gul-rang to sharminda-e-aavaaz nahin haae sayyaad ne aazaad kiyaa to us dam jab ki baazu mein mire jurat-e-parvaaz nahin ik tabassum ke tasavvur mein fidaa jaan na kar itni taa’jil abhi o dil-e-jaan-baaz nahin aap ki raat kyon aankhon mein kaTi kuchh samjhe us ki laaThi mein kahaavat hai ki aavaaz nahin jis mein dushman bhi kare aarzu mar jaane ki lutf-e-dil-daar se behtar koi e'jaaz nahin 'shaad' ik husn-e-tarah-daar ki 'ismat ki qasam 'ishq manzur-e-haqiqat hai koi raaz nahin"

"har zabaan mein har zabaan par ek hi afsaana hai kuchh to hai jo saaraa aalam aap kaa divaana hai mubtalaa vo khud bhi hai jo zaahiran begaana hai jis kaa gham ahl-e-nazar ki ishrat-e-mastaana hai eatibaar-e-maa-sivaa is raaz se begaana hai ranj-e-furqat iztiraab-e-husn kaa harjaana hai baais-e-tauq-e-asiri daam hai yaa daana hai us se puchhaa chaahiye jo hosh kaa divaana hai qais duniyaa ki nazar mein aaj bhi divaana hai naaz-bardaari kaa kitnaa mukhtasar afsaana hai aastaan-bosi ki lazzat asvad-e-kaaba se puchh sang samjhaa hai jise tu aariz-e-jaanaana hai aap hi ki yaad se dil shaad hai aabaad hai aap jis dil mein nahin vo dil nahin viraana hai saaqiyaa is bazm-e-faani mein vahi hai khush-nasib ru-ba-ru jis ke subu hai haath mein paimaana hai"

"muqaddar kaa agar maqdur hotaa gham-e-ulfat se koson duur hotaa mizaaj-e-'ishq se maa'mur hotaa to shaayad husn bhi majbur hotaa lataafat mein na itnaa chuur hotaa to chuTki mein buton ke nuur hotaa jo dil rakhnaa tumhein manzur hotaa na yuun afsaana-e-mansur hotaa jo zuhd hotaa agar duniyaa mein laazim to 'uqbaa kaa bhi ye dastur hotaa kashish rakhti agar jalvon ki fitrat ba-chashm-e-muntazir kyon tuur hotaa na hotaa bandagi par koi maail agar hotaa junun bharpur hotaa na uThti aankh 'ishq-e-khush-nashin ki na koi husn par maghrur hotaa jo dil ho kar tumhaaraa 'shaad' rahtaa to naam-e-‘aashiqi kaafur hotaa"

"dil phir hai justuju mein pareshaan buraa huaa mushkil nazar ki ho gai aasaan buraa huaa achchhaa huaa yaa dard kaa darmaan buraa huaa honaa kisi kaa husn pe naazaan buraa huaa taskin mil rahi hai tasavvur se raat din apnaa rahaa na koi nigahbaan buraa hai machle hue shabaab ke aasaar dekh kar hushiyaar ho gayaa gham-e-naadaan buraa huaa sach puchhiye to husn ke har jalva-zaar mein insaan-farosh diin kaa imaan buraa huaa duniyaa parakh chuke hain mahaasin hayaat ke niyyat mein farq aayaa ki insaan buraa huaa bas aabru kaa mol hai jiine mein jis tarah khushbu gai ki rang-e-gulistaan buraa huaa aakhir supurd-e-khaak huaa khaaksaar bhi miTTi mein mil gayaa tiraa ehsaan buraa huaa samjhaa thaa jis ko ghair kisi din nigaah ne vo dard dil mein ho gayaa mehmaan buraa huaa ik gham se jazb-e-'shaad' ke dariyaa utar gae saahil-navaaz ho gayaa tufaan buraa huaa"

"ik tamaashaa dekhtaa huun rasm-e-ulfat ke khilaaf aankh hai dil ki mukhaalif dil nasihat ke khilaaf sah rahi hain zulm aankhein nazm-e-qudrat ke khilaaf but-kade par jhuk rahaa hai dil mashiyyat ke khilaaf laakh sar paTkaa kare dil zo'f-e-hujjat ke khilaaf chal nahin sakti koi tadbir qismat ke khilaaf naa-tavaan si ye sadaa aati hai ab bhi najd mein vo bhi kyaa din the ki jab dil thaa mohabbat ke khilaaf marhabaa vo be-niyaazi mudda'i-e-hosh ki jo ghani kar de tavakkul ban ke daulat ke khilaaf aaina ye kah ke aakhir toD Daalaa shokh ne shirk ki surat nazar aai hai vahdat ke khilaaf aakhiri manzil pe dam le kar jo dekhaa to khulaa raah duniyaa mein nahin koi haqiqat ke khilaaf ek vaa'de par hi kyaa mauquf hai jaan-e-jahaan tum hamesha baat karte ho tabi'at ke khilaaf ab mujhe apne muqaddar par haqiqi naaz hai saamne hone ko hain aakhir vo 'aadat ke khilaaf chhup gae hain is liye aankhon mein aankhein Daal kar faisla mahfuz hai goyaa shahaadat ke khilaaf dekhtaa gar 'shaad' aur aabaad har maghmum ko kyon zabaan khulti bashar ki dast-e-rahmat ke khilaaf"

"dil sair kuchh itnaa ho paimaana nazar aae jis samt nazar jaae mai-khaana nazar aae laazim hai ki duniyaa se begaana nazar aae vo hosh kaa paikar jo divaana nazar aae surat kaa tiri aalam divaana nazar aae gar aankh ko parde kaa dhokaa na nazar aae achchhaa hai jo phulon ko kaanTaa na nazar aae kyon khuld ke bandon ko viraana nazar aae bantaa hai koi apnaa is yaas ki zulmat mein jab gham ke sivaa koi yaaraana nazar aae ai saaqi-e-khuddaari vo jaam pilaa jis se zaahid ki haqiqat bhi rindaana nazar aae maahaul-e-pareshaan mein saada si tamanna hai har aaina ab ru-e-jaanaana nazar aae gar 'shaad' rahaa chaahe us chashm kaa haamil ban tanvir-e-haram jis mein but-khaana nazar aae"