Ghazal

"teri mahfil mein raushni na hui aaj bhi duur tirgi na hui zindagi se to maut behtar hai aise jiine mein zindagi na hui dusri daastaan sunaate kyaa pahli rudaad khatm hi na hui ek aur zindagi hai maut ke baad yaani ye ziist aarzi na hui chaahiye dosti ko rang-e-vafaa aashnaai hi dosti na hui ham to insaan-dost hain aise koi surat bhi ajnabi na hui ham ne gham bhar liye hain daaman mein jab mayassar koi khushi na hui kyaa 'kalim' intizaar-e-subh-e-hasin log kahte hain shaam hi na hui"

"kisi bhi taur gulistaan kaa kaarobaar chale chaman pe aae phaban baad-e-nau-bahaar chale fazaa khamosh hai aur dil bhi hai udaas udaas khudaa ke vaaste aise mein zikr-e-yaar chale hamaare zakhm ke Taanke bhi aaj khul jaaein kuchh is adaa se abhi baad-e-nau-bahaar chale hamein zamaane ne samjhaa tiraa hi divaana to ham bhi kar ke garebaan ko taar taar chale 'kalim' ko to tiri bazm bhi na raas aai vo apni dhun mein uThe aur su-e-daar chale"

"har-gaam tasavvur thaa tumhaaraa mire aage manzil kaa bahut saaf thaa rasta mire aage ik hech haqiqat hai ye duniyaa mire aage qatra ye rahaa surat-e-dariyaa mire aage kyaa chiiz hai duniyaa kaa bharosa mire aage jab teraa sahaaraa hai sahaaraa mire aage andaaza mire gham kaa lagaaegaa koi kyaa hai meri tamanna kaa janaaza mire aage ehsaas-e-vajud-e-gham-e-dil ko na miTaao hai baais-e-taskin ye tamaashaa mire aage dil rah hi gayaa TuuT ke ik zarb-e-nazar se kamzor thaa kaisaa ye khilaunaa mire aage lo haibat-e-taariki-e-shab toD chali dam aataa hai nazar duur ujaalaa mire aage ik umr ke afsaane tumhein kaise sunaaun maalum nahin vaqt hai kitnaa mire aage dhaDkan mire dil ki baDhi jaati hai saraapaa phir ishq kaa shaayad huaa saudaa mire aage mumkin hi nahin hai ye 'kalim' un ko bhulaa duun jab hai mire imaan kaa taqaazaa mire aage"

"us ki baaton mein baDi fikr hai gahraai hai log use kahte hain divaana hai saudaai hai aaj kyaa baat hui aaj mire dil ke qarib aap ke dil ke dhaDakne ki sadaa aai hai dekhne vaalaa samajh jaataa hai is kaa mafhum khaamushi mein bhi baDi quvvat-e-goyaai hai aap ki baat pe main aaj yaqin kyon na karun aap ne meri mohabbat ki qasam khaai hai aap ko ek nazar aaj hi dekhaa hai 'kalim' aisaa lagtaa hai ki barson ki shanaasaai hai"

"koi bhi baat manaane mein der lagti hai kisi ko apnaa banaane mein der lagti hai hamesha khud ko jataane mein der lagti hai koi maqaam banaane mein der lagti hai makaan ko toDnaa chaaho to chaar din kaafi magar makaan banaane mein der lagti hai ujaaD dete hain shahron ko zalzale pal mein aur ek shahr basaane mein der lagti hai ye dekhnaa hai miri baat naagavaar na ho koi bhi baat bataane mein der lagti hai kisi ko dost banaanaa 'kalim' aasaan hai magar isi ko nibhaane mein der lagti hai"

"vo bhi kyaa din the ki haasil mujh ko teraa pyaar thaa ek pal inkaar thaa aur ek pal iqraar thaa vo bhi kyaa din the yahaan gulzaar thaa aur yaar thaa is jagah nokile khaaron kaa baDaa ambaar thaa raaston ke pech-o-kham ki fikr thi vallaah kise ye tasalli thi ki mere saath meraa yaar thaa zindagi ke goshe goshe mein talaashaa thaa jise mil gayaa mujh ko vo jab mere liye bekaar thaa chandaa maamaa ki kahaani nanhe bachchon ne suni chaand par jaanaa to pichhle daur mein dushvaar thaa ik zamaana jis ko kahtaa thaa 'kalim-e-taahiri' yaad hai is shahr mein itnaa baDaa fankaar thaa"

"aankh se aansu Dhalke Dhalke jaise saaghar chhalke chhalke jhonke havaa ke halke halke sapnon se aanchal Dhalke Dhalke TeDhe meDhe in raston par chaliye sanbhal ke chaliye sanbhal ke ham ne to pahchaan liyaa hai vo aae hain ruup badal ke un ki qismat saare ujaale apnaa muqaddar sirf dhundalke itnaa kahungaa aap 'kalim' ab khvaab na dekho taaj-mahal ke"