Ghazal

"baarishein khuun ki tez hain tez hain khuun ki aandhiyaan chaak-dar-chaak uDne lagin khuun mein ziist ki chhatriyaan raat petrol ki aag se shahr mein yuun charaaghaan huaa kaanp kar bujh gaiin dil ke raushan jharokon ki sab battiyaan be-amaan khalq curfew-zada roz-o-shab ke andhere mein gum apni gardan mein Daale hue apne katbaat ki takhtiyaan donon hi likh rahi thiin lahu se mire saaneha qatl kaa ik taraf hamla-var aastin ik taraf paasbaan vardiyaan gar yunhi aag daaman se uThti rahi to jalaa Daalegi husn-e-gul-rang kaa pairahan ishq-e-gulnaar ki dhajjiyaan jalti aankhon ke moti pighalte rahe aur ehsaas ke reg-zaaron mein tapti rahin mere khvaabon ki parchhaaiyaan marg-e-amboh kaa jashn-e-maatam hai raushan karein ham 'shahaab' phuljhaDi ashk-e-khush-rang ki taaza zakhmon ki mahtaabiyaan"

"jaise jaise khud-navisht-e-dostaan paDhte gae dushmanon ke baab mein kuchh-kuchh varaq jhuTe lage khush-yaqin huun mere andar koi hai mahv-e-kalaam main faqat do honT huun jo bhi kahe vo hi kahe kyaa bharosa pattharon mein Duub jaae aabshaar saans mein jhakkaD chale kab jism kaa tuuda Dhahe regzaar-e-sharq mein ab juue khuun hai tez-gaam vo abaabilein kahaan hain jin se sail-e-gham thame halki-halki baarishon ki jhaalron ki oT mein surmagin kohsaar ke kaafir nazaare kyaa hue kaun saa rishta hamaare dil ko chhutaa saa lagaa ye samajhnaa thaa na mushkil garche ham anjaan the ahd-e-aadam se rahe hain dushman-e-imaan 'shahaab' pur-kashish rukhsaar do aur nain do jaadu bhare"

"phir shoala-e-gul mauj-e-sabaa chaahiye yaaro gulnaar gulistaan ki fazaa chaahiye yaaro pairaahan-e-jaan chaak rahe tez havaa mein tufaan mein jiine ki adaa chaahiye yaaro matlub ho gar shaahid-e-maani ki tajalli alfaaz ki sad-rang qabaa chaahiye yaaro shaadaab nai rut se hai gulzaar-e-adab bhi phulon ko tar-o-taaza havaa chaahiye yaaro jitne bhi dariche hain sabhon ko na karo band ik aadh daricha to khulaa chaahiye yaaro shishe ki koi chiiz salaamat na rahegi is daur mein patthar ki anaa chaahiye yaaro dil sang-e-malaamat se hinaa-rang hai lekin kuchh aur rifaaqat kaa sila chaahiye yaaro"

"shoalon se laala-zaar hai aatish-kada hai dil zakhmon ke shab-charaagh kaa ik silsila hai dil ashkon ke rang-o-nur se aankhein dhuli dhuli soz-o-farogh-e-karb se sad-sokhta hai dil naama mire vajud kaa do lafz mein asiir pahchaan meri ishq hai meraa pata hai dil sahnaa tamaam vaar muqaddar usi kaa hai aamaajgaah-e-ishq mein goyaa zaraa hai dil anjaan haadson se munavvar hai kaaenaat lekin sabhon mein sab se ajab haadisa hai dil aadam ki fard-e-jurm viraasat bani 'shahaab' jannat ke mai-kade se uDaayaa nasha hai dil"

"baahar hisaar-e-dard se aanaa na thaa kabhi jo dard ab milaa hai vo jaanaa na thaa kabhi iqraar-e-vaaqai se miraa dil saham gayaa apnaa qusur aap ne maanaa na thaa kabhi uljhi havaa charaagh se to jal gayaa badan maghrur sar kaa naaz uThaanaa na thaa kabhi ab ke lahu ki rut mein judaa shaakh se the phuul maqtal kaa rang itnaa suhaanaa na thaa kabhi fitrat ke ehtisaab mein hai zaafaraan kaa rang zaitun kaa sabz rang miTaanaa na thaa kabhi mahfuz kar liyaa hai adaalat ne faisla qaanun vaqf-e-uzr-e-zamaana na thaa kabhi Taanke 'shahaab' TuuT gae fart-e-dard se manzur dil kaa dard dikhaanaa na thaa kabhi"

"baais-e-qurb jafaa-kaar kaa ghussa to hai dil kashida hi sahi ghuur ke dekhaa to hai pau phaTe yaa na phaTe khalvat-e-dil mein lekin haan nahin aur nahin haan kaa dhundalkaa to hai munqataa kar ke sabhi silk-e-taalluq aksar meri divaar-e-anaa koi giraataa to hai umr ki shaam Dhale paikar-e-zebaa us kaa pahle jaisaa to nahin dil mein vo tanhaa to hai baa-vuzu dil pe likhi main ne hai tauba apni kuchh nahin zaad-e-safar hurmat-e-tauba to hai bujh gai aag magar raakh ke malbe ke tale ik sulagti hui fariyaad kaa lahraa to hai ye bhi mansuba-e-fardaa ki na saazish ho 'shahaab' haal majruh kaa talvaar ne puchhaa to hai"

"khush thaa ki us ke pyaar kaa iqraar le liyaa aisaa na ho ki jaan kaa aazaar le liyaa us ki dukaan mein kuchh to alag baat thi zarur varna ye kyuun ki khvaab kharidaar le liyaa kam kam hi kholnaa thaa maishat ke baadbaan kyuun naakhudaa ne baar-e-ziyaan-kaar le liyaa shaayad ki baaghbaan ki baqaa bhi isi mein thi shaakhon ke sar se phuul ki dastaar le liyaa aahan-garon ne saaz mashinon kaa chhin kar dast-e-hunar se naghma-e-sarshaar le liyaa itnaa kahaa ki pyaar mein sehhat bhi chaahiye phir hans ke mere haath se akhbaar le liyaa yuun lafziyaat-e-ishq ke paikar badal gae maani ke lab se shokhi-e-izhaar le liyaa zakhmon ke nau-ratan se thaa gulzaar qasr-e-dil naadaan ne shaah-e-faqr kaa darbaar le liyaa miTTi hamaare gaanv ki kachchi na thi 'shahaab' naddi ke ik kaTaav ne ghar-baar le liyaa"

"havaaon kaa zor aazmaate rahe sadaa ham patangein uDaate rahe jinhein jaan-o-dil mein basaate rahe vo rasman taalluq nibhaate rahe mire baad bachchon ne itnaa kiyaa mujhe chaukhaTe mein biThaate rahe vo dushman ke kheme mein the mutmain abas ham lahu mein nahaate rahe bache the vo patthar ki thiin muratein fuzul aap khanjar chalaate rahe kahaani thi saada magar kuchh to thaa zamaana ba-zid thaa sunaate rahe janam se hi daani hain manzar 'shahaab' guhar aansuon ke luTaate rahe"

"aag barsi to bahut jal ke mare the patte log kahte hain ki kasrat se hare the patte kuchh havaaon ki taraashon ne Dubo kar khuun mein jaa-ba-jaa khuub saliqe se dhare the patte reshe-reshe mein kahin zahr na bhar de shabnam ham-nashinon se kabhi yuun na Dare the patte zaahiraa-shaikh zamir apnaa jalaa kar khush thi us ke aanchal mein karoDon ke bhare the patte barg-e-sarsabz ki shaakhon mein zamurrad the jaDe dast-e-kotaah thaa main mujh se pare the patte taash ke khel mein har faisla patton pe shahaab haar yaa jiit ki donon mein khare the patte"

"aansuon ke diye raat bhar jagmagaate rahe raat bhar qatra-qatra Tapaktaa rahaa dil mein nashtar chubhe raat bhar saans Dhalti gai dard mein dard ke zakhm uge raat bhar ruuh mein zahr ghultaa gayaa jaan ke laale paDe raat bhar reza reza ummidein tamaam khvaab bikhraa kiye raat bhar pyaar ki aatishin shaakh se sabz patte gire raat bhar"

"vo gham-gusaar bil-aakhir balaa-e-jaan niklaa jise zamin samajhte the aasmaan niklaa azim-tar hai mohabbat mein ruuh kaa rishta magar badan kaa taalluq bhi darmiyaan niklaa suraagh-e-qatl shahaadat subut sab gunge lahu khamosh thaa khanjar bhi be-zabaan niklaa tamaam raaste maazi ke band the phir bhi har ek moD se yaadon kaa kaarvaan niklaa suni jo meri kahaani to ro paDe sab log sabhon ke dard mein ik rishta-e-nihaan niklaa ham apne gham kaa fasaana kahaa kiye shab-bhar hui jo subh to zikr-e-gham-e-jahaan niklaa 'shahaab' jis ki khitaabat kaa shor hai yaaro ghazal ki bazm mein kam-saut-o-kam-bayaan niklaa"

"baahar hisaar-e-dard se aanaa na thaa kabhi jo dard ab milaa hai vo jaanaa na thaa kabhi iqraar-e-vaaqai se miraa dil saham gayaa apnaa qusur aap ne maanaa na thaa kabhi uljhi havaa charaagh se to jal gayaa badan maghrur sar kaa naaz uThaanaa na thaa kabhi ab ke lahu ki rut mein judaa shaakh se the phuul maqtal kaa rang itnaa suhaanaa na thaa kabhi mahfuz kar liyaa hai adaalat ne faisla qaanun-e-vaqf uzr-e-zamaana na thaa kabhi Taanke 'shahaab' TuuT gae fart-e-dard se manzur dil kaa dard dikhaanaa na thaa kabhi"