Ghazal

"kabhi sahar to kabhi shaam honaa chaahtaa huun kabhi piyaala kabhi jaam honaa chaahtaa huun nahin mile the to shohrat ki bhuuk jaagi thi jo mil gae ho to gumnaam honaa chaahtaa huun ubhar rahe hain tiri chaahaton ke baagh-o-bahaar main chupke chupke dil-aaraam honaa chaahtaa huun sunahri yaadein hi palti rahin jis aangan mein main us mahal ke dar-o-baam honaa chaahtaa huun main apne khud ke banaae hue usulon mein kabhi main kirshn kabhi raam honaa chaahtaa huun tere fasaane ki har khushnumaa ibaarat mein kahin pe qaaf kahin laam honaa chaahtaa huun mire khudaa mujhe ab husn ki bashaarat de main us ke shahr pe ilhaam honaa chaahtaa huun udaasiyon ne likhaa hai jo chehre chehre pe fasurdagi kaa vo paighaam honaa chaahtaa huun qadam qadam pe yahaan karbalaaein phaili hain main vaqt-e-asr kaa hangaam honaa chaahtaa huun"

"saahilon kaa bhi na ehsaan thaa gavaaraa mujh ko itnaa dariyaa ke talaatum ne sanvaaraa mujh ko pyaas aisi hai ki andar se sulagtaa hai badan aur paani ke sivaa kuchh nahin chaaraa mujh ko ab to daaman ko lapakte hain lahu ke shoale aur pukaare hai kahin khuun kaa dhaaraa mujh ko khun-bahaa le ke abhi khair se palTe bhi na the maqtal-e-khauf mein phir kis ne pukaaraa mujh ko paasdaari ki jaDein main ne hilaa kar rakh diin vo samajhte the faqat iinT aur gaaraa mujh ko ajnabi shahr ki begaana mizaaji ke khilaaf mere saae ne diyaa kitnaa sahaaraa mujh ko dard hi dard kamaate ho magar kahte ho ishq ke khel mein hotaa hai khasaara mujh ko surmai shaam ke chehre pe hayaa kaa aanchal achchhaa lagtaa hai bahut aisaa nazaara mujh ko main to jugnu ki tarah shab mein pareshaan hairaan raat bhi kahti hai aavaara sitaara mujh ko"

"'ishrat ne tamannaaon ko baazaar kiyaa hai majburi ne har shai ko kharidaar kiyaa hai Dar thaa ki kahin main bhi na ban jaaun farishta ye soch ke apne ko gunahgaar kiyaa hai milne ko zarur aaeinge ik roz dar-o-baam mujh ko isi ummid ne divaar kiyaa hai khush-rang parinde to nahin karte baseraa ik peD ne shaakhon ko khabar-daar kiyaa hai lafzon mein utar aai hai saazish ki siyaahi is 'ahd ne afvaahon ko akhbaar kiyaa hai taa'mir mein aati hai nazar khuun ki laali logon ne kise khvaab kaa meamaar kiyaa hai ye baat utarti nahin suraj ke gale se taariki ne jugnu se bahut pyaar kiyaa hai chingaariyaan daaman mein bhare ek diye ne be-samt havaaon ko giraftaar kiyaa hai phir shaam ki shaakhon pe hain yaadon ke basere phir us ne miri raat ko gulzaar kiyaa hai phir hai dil-e-naadaan ko kisi gham ki zarurat khushiyon ne to jaise mujhe bimaar kiyaa hai"

"adl se munh moD kar jab munsifi hone lage sakht kaafir jurm bhi ab mazhabi hone lage tishnagi ki aankh mein be-samt tevar dekh kar kitne dariyaa-dil samundar bhi nadi hone lage hasratein palne lagi hain phir nubuvvat ke liye kuchh dinon mein kyaa khabar paighambari hone lage intihaa ko jab bhi pahunche qurbaton kaa ishtiyaaq kyaa pataa jibril ki bhi hamsari hone lage qalb tak pahunchi nahin jin ke sharaab-e-maarifat aise farzi log daave se vali hone lage ishq ko ab le chalein aao ik aise moD par pyaar mein jo kuchh bhi ho vo bandagi hone lage mil gai hain vaqt ko jaane kahaan ki vusatein in dinon lagtaa hai lamhe bhi sadi hone lage"

"mausam-e-hijrat mein jo apnon se begaane rahe vo shab-e-zulmat mein kitne jaane pahchaane rahe hosh vaalon ko tamaashe dekhte hi muntazir dil pe patthar rakh ke ham ik umr divaane rahe faateh-e-shab ki havas mein raushni pe mar miTe khud-kushi ki aaD mein be-khauf parvaane rahe taj ke dar teraa miri aavaargi jaati kahaan vo to kahiye shahr mein be-laus mai-khaane rahe na hasin khvaabon kaa mausam aur na gul ki aarzu itni maayusi mein bhi ham zindagi taane rahe be-niyaaz-e-dahr ho kar ishq ham karte rahe aur zamaane ke labon par sirf afsaane rahe ik nazar mein luT gayaa thaa dil kaa shahr-e-aarzu zindagi mein duur tak khvaabon ke viraane rahe"

"gardish-e-vaqt phir ik taaza safar maange hai aur miri khaana-badoshi koi ghar maange hai baam-e-ummid se palTi hui naakaam duaa baaryaabi kaa koi aur hunar maange hai kaasa-e-harf bhi pindaar ko girvi rakh kar kabhi khilat to kabhi laal-o-gohar maange hai dil to bas aap ki rangin khayaali mein hai gum aur dhaDkan tire aane ki khabar maange hai ik thakaa haaraa musaafir koi dam lene ko buDhe bargad se koi ek pahar maange hai apni taariki se khud raat bhi hai khauf-zada itni vahshat hai ki ab khud hi sahar maange hai pahle mahdud thi dil tak hi ye viraani-e-jaan ab ye sangin vabaa puuraa nagar maange hai"

"qabr se qahr ke aasaar nikal aate hain khaanqaahon mein bhi darbaar nikal aate hain uDti paDti hui be-kaar si afvaahon par surkhiyaan oDh ke akhbaar nikal aate hain gham ke sailaab mein ham Dubte itraate hain kabhi us paar to is paar nikal aate hain itni maayusi hai ab zakhm ke baazaaron mein aansuon ke bhi kharidaar nikal aate hain vo to jaan le ke musallam hain vafaadaari mein ham to sar de ke bhi ghaddaar nikal aate hain jab bhi aD jaate hain har haal mein baiat pe yazid phir kafan oDh ke inkaar nikal aate hain vo mohabbat ho siyaasat ho ki ho amn ki jang ab to har moD pe baazaar nikal aate hain gham mein Duubi hui bad-haal si sachchaai par laDkhaDaate hue ashaar nikal aate hain"

"ik saadgi nibhaai hai tarz-e-sukhan ke saath saudaa nahin kiyaa hai kabhi fikr-o-fan ke saath ye kyaa ki baat baat pe bas dil-lagi ki baat tum bhi to pesh aao kabhi apne-pan ke saath dil mein tire khayaal se yuun raushni hui jaise ki subh aai ho pahli kiran ke saath zakhmon kaa chaand dil ki tapish aur hayaa ke rang ab sab chale gae hain tiri anjuman ke saath miTTi kaa qarz ham ne kuchh aise adaa kiyaa dastaar bhi utaar diyaa pairahan ke saath ab ke havaaein kaun si rut le ke aai hain sahraa bhi pur-bahaar hai ab ke chaman ke saath ab ke giraani saari hadein paar kar gai saude mein ab zamir bhi hai jaan-o-tan ke saath kaise zamaane teri khudaai qubul ho rishte mire bahaal hain daar-o-rasan ke saath aapas mein uljhe rahte hain kyuun zehn aur zamir samjhauta donon kar hi chuke jab ki man ke saath shaayad koi hasin saa manzar ubhar ke aae gardish mein ab ke abr hai niile gagan ke saath"

"ishq kaa khel ba-har-haal gavaaraa hotaa tum na hote to koi aur hamaaraa hotaa khuub chamkaa thaa sar-e-arsh magar Duub gayaa kaash suraj ko bhi tinke kaa sahaaraa hotaa paal hi rakkhi thi jab daulat-e-duniyaa ki havas kaise phir sabr-o-qanaaat pe guzaara hotaa us ko main hijr kaa unvaan banaa kar paDhtaa naama-e-ishq mein halkaa saa ishaara hotaa kaise aadam yahaan iblis bhi sajde kartaa naaeb-allaah kaa gar jag mein ijaara hotaa tang-daamaan hi sahi dil to kushaada rakhtaa bahtaa dariyaa na sahi kaash kinaara hotaa is bahaane se main kuchh khvaab sunahre kartaa kam se kam shahr mein tum saa koi pyaaraa hotaa phir yahaan sab hi mire chaahne vaale nikle is bhare shahr mein koi to hamaaraa hotaa ek ik kar ke sabhi chhoD chale maqtal ko aise haalaat mein qaatil ko pukaaraa hotaa bah gae ham bhi bilaa-vajh anaa ki rau mein aur kuchh din tire kuche mein guzaara hotaa"