Ghazal

"dil ke daaghon mein sitaaron ki chamak baaqi hai shab-e-furqat abhi do-chaar palak baaqi hai surkh honTon ke diye zehan mein raushan hain abhi abhi afkaar mein zulfon ki mahak baaqi hai baazuon mein tire paikar ki lataafat raqsaan ungliyon mein tiri baahon ki lachak baaqi hai qasr-e-parvez mein gum ho gai shirin ki sadaa daaman-e-koh mein teshe ki dhamak baaqi hai sarsar-e-jaur ne har-chand khizaan bikhraai phuul mein aag shagufon mein lahak baaqi hai gul khilaaegi abhi aur na jaane kyaa kyaa ye jo pahlu mein mahakti si kasak baaqi hai"

"yahaan kisi ne charaagh-e-vafaa jalaayaa thaa tabhi ye gham-kada-e-dil bhi jagmagaayaa thaa junun ki shokh adaaon ne faash kar hi diyaa vo ek raaz khirad ne jise chhupaayaa thaa shab-e-bahaar ki shahzaadiyo! khabar hai tumhein abhi abhi koi naashaad muskuraayaa thaa sulag rahi hain umangein to sochtaa huun main bahut hi khushk tiri zulfon kaa narm saaya thaa ye maahtaab se kis ne mujhe sadaa di thi ye kaun duur se mere qarib aayaa thaa"

"chashm-e-nam le ke chalo qalb-e-tapaan le ke chalo ek patthar ke liye shoala-e-jaan le ke chalo shaayad us ko bhi shab-e-hijr nazar aa jaae apni palkon pe charaaghon kaa dhuaan le ke chalo us ko chaahaa hai to phir sang-e-malaamat bhi chuno phuul toDe hain to ab koh-e-giraan le ke chalo be-haqiqat hain vahaan laal-o-gohar shams-o-qamar dushman-e-jaan ke liye tohfa-e-jaan le ke chalo ek baar aur use dekh luun marte marte meraa qaatil hai kahaan mujh ko vahaan le ke chalo us ke honTon se churaa lo koi rangin saa khvaab us ki zulfon se koi abr-e-ravaan le ke chalo 'nur' dar-pesh hai ab tum ko khizaaon kaa safar us ke aariz se bahaaron kaa samaan le ke chalo"

"gae dinon ke fasaane sunaa rahi hai mujhe ye raat aur bhi paagal banaa rahi hai mujhe ye dhundli dhundli si parchhaaiyaan hain yaa khilqat uThaae sang-e-malaamat Daraa rahi hai mujhe khulaa vo ek daricha ghane darakhton mein vo sabz-posh havaa phir bulaa rahi hai mujhe mujhe to chaand kahin bhi nazar nahin aataa koi kiran si magar jagmagaa rahi hai mujhe mahak uThi hai achaanak gali gali dil ki kali kali se tiri baas aa rahi hai mujhe chaman chaman miri aavaargi ke charche hain nagar nagar koi aandhi uDaa rahi hai mujhe main zindagi ki sakhaavat pe kaanp uThtaa huun ki be-daregh ye zaalim luTaa rahi hai mujhe"

"sang-e-dushnaam ko gauhar jaanaa ham ne dushman ko bhi dilbar jaanaa nang-e-ulfat hi rahaa parvaana us ko aataa hai faqat mar jaanaa puchh lenaa dar-o-divaar kaa haal ai bagulo jo mire ghar jaanaa sar qalam karte rahe zulm ke haath yaar logon ne muqaddar jaanaa kam-nigaahi ne Duboyaa ham ko ek qatre ko samundar jaanaa tesha-bardaar ko farhaad kahaa aaina-gar ko sikandar jaanaa ham haqiqat mein the kohsaar magar khud ko zarron se bhi kam-tar jaanaa"

"ik tarannum saa mire paaon ki zanjir mein hai phir koi fasl-e-bahaaraan miri taqdir mein hai jhilmilaate hain sitaare ki diye julte hain kuchh ujaalaa saa tiri zulf-e-girah-gir mein hai kuchh tiraa husn bhi hai saada-o-maasum bahut kuchh miraa pyaar bhi shaamil tiri tasvir mein hai aur baDhti hai isi shakhs ki chaahat naaseh ye karaamaat ajab aap ki taqrir mein hai apni khoi hui chhini hui jannat kaa suraagh halqa-e-daar mein hai jumbish-e-shamshir mein hai main jo chaahun to pighal jaaein judaai ke pahaaD ye bhi taasir mire naala-e-shab-gir mein hai maah-o-khurshid zamin par nahin utre ab tak meraa har khvaab abhi parda-e-taabir mein hai"

"zalzala aayaa vo dil mein vaqt ki raftaar se khud-bakhud tasvir teri gir paDi divaar se chupke chupke khinchtaa jaataa huun kaanTon kaa hisaar main ki ab Darne lagaa huun phuul ki mahkaar se ham balaa-noshon ne zahr-e-aagahi bhi pi liyaa chalte chalte ham bhi Thokar khaa gae kohsaar se jin ko aankhon se lagaayaa jin ko ro ro kar paDhaa haae vo khat bhi nazar aane lage bekaar se dida-e-yaaqub har chehre mein hai girya-kunaan ham bahut uktaa gae hain misr ke baazaar se ham se shikva kar rahaa thaa aaj daamaan-e-tahi toD laae maah-o-anjum fikr ke gulzaar se 'nur' saahab khul na jaae tark-e-ulfat kaa bharam aap ki khaamoshiyon se aap ke ashaar se"

"meri duniyaa sang-o-aahan un ki duniyaa chaand-sitaare aql kahaan tak daaman khinche ishq kahaan tak haath pasaare apni apni dhun mein magan hain shaamon subhon ke matvaale subh ke aansu kaun sukhaae raat ke gesu kaun sanvaare aabla-paa rahgiron ko jharnon se dil bahlaane bhi de azm-e-javaan ko aur javaan kar apni manzil duur hai pyaare chham chham chham chham naachti maujein ye sargoshi karti jaaein tufaanon ki raah takeinge kab tak ye majbur kinaare 'nur' aqidon ke shoalon mein ruhein jalti dekh chuki hain tum bhi bataao in aankhon se aansu Tapkein yaa angaare"

"jagmag jagmag us ki aankhein meraa siina jultaa thaa chaand hamaare aage aage mashal le kar chaltaa thaa raahguzar thi mahki mahki ek tilismi khushbu se tez havaa mein us kaa aanchal kyaa kyaa rang badaltaa thaa jhilmil jhilmil karte sapne pahli pahli chaahat ke sina-e-shab par is ke qadam the yaa khurshid nikaltaa thaa phuul saa chehra dahkaa dahkaa zulfon ki shaadaabi mein aalam-e-imkaan chupke chupke apni aankhein maltaa thaa surkh labon ki pankhuDiyaan jab haule se khil jaati thiin qaus-e-quzah kaa resham un par shabnam-vaar machaltaa thaa ek parinda chikh rahaa thaa masjid ke minaare par duur kahin gangaa ke kinaare aas kaa suraj Dhaltaa thaa shahr-e-vafaa mein jaa nikle the ham bhi nuur se milne ko vo divaana ik parchhaain ke hamraah Tahaltaa thaa"

"laala-o-gul mein bikhar jaaeinge ham kaun kahtaa hai ki mar jaaeinge ham din isi fikr mein kaaTaa ham ne raat aai to kidhar jaaeinge ham aur ho jaae andheraa gahraa zindagi aur nikhar jaaeinge ham aur barham ho nizaam-e-hasti dil ye kahtaa hai sanvar jaaeinge ham muntazir hai koi kaanTon se pare paanv kaT jaaein magar jaaeinge ham dekh lein ham ko zamaane vaale sang-o-aahan mein utar jaaeinge ham jagmagaate hue aivaanon se aaina le ke guzar jaaeinge ham miT bhi jaaeinge to maanind-e-ghubaar shaah-raahon pe bikhar jaaeinge ham 'nur' jaulaan hai samand-e-vahshat aaj taa-hadd-e-nazar jaaeinge ham"