Ghazal

"puchhoge to khul jaaegi zakhmon ki zabaan aur purshish to guzarti hai gham-e-dil pe giraan aur manzur jalaanaa hai to ik baar jalaa do yuun dil ke sulagne se to uThtaa hai dhuaan aur khaamoshi ne rusvaai ke gul aur khilaae dafnaayaa mohabbat ko to ubhre hain nishaan aur us jaisaa zamaane mein koi ek to hotaa us dar se uThein uTh ke magar jaaein kahaan aur chumegaa tire paanv ko khud markaz-e-ummid haan raqs mein aa raqs mein aa umr-e-ravaan aur taa-umr sunaa kijiye ab naghma-e-khaamosh kahte na the naazuk hai na chheDo rag-e-jaan aur"

"jo na gulshan na gulaabon se nikal kar aae vo to khushbu hai jo khvaabon se nikal kar aae itni rangin to nahin hoti qabaa kyaa hogaa gar miraa chaand sahaabon se nikal kar aae gham ke taare bhi bujhe jaate hain us se kah do surat-e-subh hijaabon se nikal kar aae zindagi ab to tiraa shahr-e-haqaaeq ye kahe koi sahraa na saraabon se nikal kar aae kabhi vo bhi to sanaa-khvaan ho ki jis ki khaatir itne khunrez azaabon se nikal kar aae jab koi lafz tire pyaar ke qaabil na milaa koi maani na kitaabon se nikal kar aae"

"aage tum ho to jafaaon kaa qalaq yaad nahin dil vo bachcha hai jise pahlaa sabaq yaad nahin kyaa bataaein ki thi kyaa subh-e-azal vo surat is kaDi dhuup mein aariz ki shafaq yaad nahin jaane kis gaam khulein us ke tabassum ke rumuz aa chuke kitne hi nairang ufaq yaad nahin umr-e-rafta mein tiraa naam bhi likkhaa thaa kahin le gayaa kaun uDaa kar vo varaq yaad nahin jabr-e-duniyaa mein vo collage kaa zamaana bhulaa the kitaabon mein likhe kaun se haq yaad nahin jang se masale hal karne chale ho logo tumhein taarikh kaa ek ek sabaq yaad nahin"

"us ko barson baad tanhaa jaane main kaisaa lagaa mujh ko to vo ajnabi ke saath bhi achchhaa lagaa ek muddat se na dekhaa thaa uThaa kar us kaa gham us kaa gham bhi gard mein lipTaa huaa tohfa lagaa thi likhaai bhi usi ki dastakhat bhi us ke the kyuun khat-e-tark-e-taalluq ghair kaa likkhaa lagaa saahilon par ban sakaa us se na kuchh rishta magar us ne chhoDaa jab bhanvar mein vo mujhe apnaa lagaa main ki mere umr guzri inkisaar-o-ijz mein kuchh mashinon ko khataa kartaa huaa bachcha lagaa"

"gulon ko chuum kar aai sabaa si lagti thi thi ik nazar pe moattar havaa si lagti thi main zakhm zakhm thaa lekin gulaab haathon mein baDi thi choT to lekin zaraa si lagti thi vo tursh-go lab-e-jaan-bakhsh bhi thaa kyaa kahiye ki talkh baat bhi us ki davaa si lagti thi sitam ko husn-e-sitam kar gayaa vahi varna yahi thi zindagi lekin sazaa si lagti thi miri taDap ko samajhtaa thaa ik ibaadat vo mujhe bhi us ki mohabbat duaa si lagti thi chalo vo aankh mein paani to de gayaa varna ye saans andhe kuein mein sadaa si lagti thi"

"kohkan-e-shab the rahaa shaghl sahar hone tak sar paTaknaa isi divaar mein dar hone tak us ki aadat thi mire khuun ko paani karnaa rang kyaa kyaa na uDaa aankh ke tar hone tak ab davaa hai na duaa hai na masihaa goyaa har khudaai thi miraa khun-e-jigar hone tak umr bhar phir se judaai ko mohabbat kahnaa dekhnaa bhi hai zamaane ki nazar hone tak apni aahein hi subuk-gaam na hone deingi paa-ba-zanjir chalo khatm-e-safar hone tak shahr kaa shahr huaa ab to taaaqub mein mire teraa jaadu bhi thaa mujh khaak-basar hone tak ye to main thaa ki taraashaa hai har ik zakhm se phuul haath kaT jaate hain naakhun mein hunar hone tak"

"jism kaa ghar hi giraa hai to na jaan Thahregi yaad aai bhi kisi ki to kahaan Thahregi thak ke baiThaa huun magar zindagi bhaagi jaae main chalaa jaaungaa to umr-e-ravaan Thahregi us ke dar se jo uThe shahr se phir kyaa matlab kisi sahraa mein hi ab naql-e-makaan Thahregi bhuul kar bhi na bhulaanaa use ai dil varna ye subuk-doshi bhi ik baar-e-garaan Thahregi khud pe har rut ko guzarte hue dekhaa thaa magar kyaa khabar thi ki yahin ek khizaan Thahregi"

"shahron mein naachtaa huaa jangal hai aur main sadiyon ke baad bhi vahi qaatil hai aur main paanv ki gard ho chukin kitni masaafatein ab bhi magar vo duri-e-manzil hai aur main samjhun ab aur kyaa tujhe kaafir-adaa nizaam barson se ek vaada-e-baatil hai aur main puchho pasand to hai vahi chashm-e-nim-baaz vaise har ek gaam pe maqtal hai aur main"

"jab ek gul-ezaar ki sohbat mein aa gayaa aariz kaa rang meri tabiat mein aa gayaa apni razaa se jis ne maraasim baDhaae the arz-e-talab pe vo bhi nazaakat mein aa gayaa ji ke zarar ko kaun uThaataa hai aaj-kal is dil ko daad de ki mohabbat mein aa gayaa phirtaa huun dahr mein liye ye dosti kaa haath lagtaa hai main bhi ku-e-malaamat mein aa gayaa be-dil se ek kar ke vafaa yuun lagaa mujhe ye haath ik machine ki khidmat mein aa gayaa"

"maathe pe paDi zulf-e-girah-gir hilaa di kyuun tum ne dil-e-khufta ki zanjir hilaa di vaise to mire ishq kaa har naqsh hasin thaa jab dard ne khinchi to ye tasvir hilaa di khat bhej diyaa kaaT ke paimaan-e-mulaaqaat ye kaun hai jis ne tiri tahrir hilaa di yuun hi na samajh ahl-e-mohabbat ke junun ko kam-bakht ne jab chaahaa hai taqdir hilaa di vo zalzala go roz hilaa detaa thaa dil ko is baar magar saari hi taamir hilaa di"

"dard ban kar bhi dil-o-jaan mein nahin rah paataa vo sanvartaa hai to imkaan mein nahin rah paataa fasl-e-gul jhel ke yuun jism darida to na thaa chaak bhi ab to garebaan mein nahin rah paataa hamd kiije bhi to kyaa us ki ki hai barq-sifat do ghaDi dida-e-hairaan mein nahin rah paataa kuchh to ghamze bhi hain is dushman-e-din ke kaafir kuchh ye dil bhi hai ki imaan mein nahin rah paataa rozi roTi ke savaalon mein ghiraa rahtaa huun dil mein jo shakhs hai armaan mein nahin rah paataa"