khudaa se tiraa chaahnaa chaahtaa huun — Aasi Ghazipuri

subh tak vo bhi na chhoDi tu ne ai baad-e-sabaa
yaadgaar-e-raunaq-e-mahfil thi parvaane ki khaak

itnaa to jaante hain ki aashiq fanaa huaa
aur us se aage baDh ke khudaa jaane kyaa huaa

vo yahaan tak jo aa nahin sakte
kyaa mujhe bhi bulaa nahin sakte

lab-e-naazuk ke bose luun to missi munh banaati hai
kaf-e-paa ko agar chumun to mehndi rang laati hai

bimaar-e-gham ki chaaragari kuchh zarur hai
vo dard dil mein de ki masihaa kahein jise

kis ko dekhaa un ki surat dekh kar
ji mein aataa hai ki sajda kijiye

sabhi se jab mohabbat chaahte ho
mohabbat kyon nahin karte sabhi se

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

ik mohabbat ki ye tasvir hai do rangon mein
shauq sab meraa hai aur saari hayaa us ki hai

hasin teri aanhkein hasin tere aansu
yahin Duub jaane ko ji chaahtaa hai

duniyaa ke sitam yaad na apni hi vafaa yaad
ab mujh ko nahin kuchh bhi mohabbat ke sivaa yaad

tujhe bhuul jaanaa to mumkin nahin hai
magar bhuul jaane ko ji chaahtaa hai