khamoshi meri lai mein gungunaanaa chaahti hai — Abdur Rauf Urooj

ye tabassum kaa ujaalaa ye nigaahon ki sahar
log yuun bhi to chhupaate hain andhere dil mein

zindagi azmat-e-haazir ke baghair
ik tasalsul hai magar khvaabon kaa

nafas ke loch ko khanjar banaanaa chaahti hai
mohabbat apni tezi aazmaanaa chaahti hai

zulmatein vahshat-e-fardaa se niDhaal
DhunDhti phirti hain ghar khvaabon kaa

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

sansaar ki har shai kaa itnaa hi fasaana hai
ik dhund se aanaa hai ik dhund mein jaanaa hai

vo be-khudi thi mohabbat ki be-rukhi to na thi
pe us ko tark-e-taalluq ko ik bahaana huaa

zehn ki qaid se aazaad kiyaa jaae use
jis ko paanaa nahin kyaa yaad kiyaa jaae use