Dhang ke ek Thikaane ke liye — Abrar Ahmad

yaad bhi teri miT gai dil se
aur kyaa rah gayaa hai hone ko

tu kahin baiTh aur hukm chalaa
ham jo hain teraa bojh Dhone ko

kahin koi charaagh jaltaa hai
kuchh na kuchh raushni rahegi abhi

bhar laae hain ham aankh mein rakhne ko muqaabil
ik khvaab-e-tamannaa tiri ghaflat ke baraabar

qisse se tire meri kahaani se ziyaada
paani mein hai kyaa aur bhi paani se ziyaada

har rukh hai kahin apne khad-o-khaal se baahar
har lafz hai kuchh apne maaani se ziyaada

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

maango samundaron se na saahil ki bhiik tum
haan fikr o fan ke vaaste gahraai maang lo

gulaabon ke honTon pe lab rakh rahaa huun
use der tak sochnaa chaahtaa huun

azal se aaj tak sajde kiye aur ye nahin sochaa
kisi kaa aastaan kyuun hai kisi kaa sang-e-dar kyaa hai

ujaalaa 'ilm kaa phailaa to hai chaaron taraf yaaro
basirat aadmi ki kuchh magar kam hoti jaati hai