main chaahtaa thaa ki us ko gulaab pesh karun — Afzal Allahabadi

yuun ilaaj-e-dil bimaar kiyaa jaaegaa
sharbat-e-did se sarshaar kiyaa jaaegaa

abhi to us kaa koi tazkira huaa bhi nahin
abhi se bazm mein khushbu kaa raqs jaari hai

teri nisbat mili mujhe jab se
main koi aarzu nahin kartaa

mein iztiraab ke aalam mein raqs kartaa rahaa
kabhi ghubaar ki surat kabhi dhuaan ban kar

ab to har ek adaakaar se Dar lagtaa hai
mujh ko dushman se nahin yaar se Dar lagtaa hai

ghamon ki dhuup mein milte hain saaebaan ban kar
zamin pe rahte hain kuchh log aasmaan ban kar

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

vo ik tilism thaa qurbat mein us ke umr kaTi
gale lagaa ke use us ki aarzu karte

ik mauj-e-khun-e-khalq thi kis ki jabin pe thi
ik tauq-e-fard-e-jurm thaa kis ke gale mein thaa

vaah kyaa us gul-badan kaa shokh hai rang-e-badan
jaama-e-aabi agar pahnaa gulaabi ho gayaa