do sagi bahnon ki do ganjon se shaadi ho gai — Ahmad Alvi

kareinge aankh-maTakkaa vo kyaa paDosan se
jo log apni hi biivi ko Dar ke dekhte hain

is se pahle udhaar tu maange
main tiraa shahr chhoD jaaungaa

main hi tum ko phuTi aankh nahin bhaati
tum ne sab se pyaar ke pech laDaae hain

jab se makaan badal gaiin donon paDosanein
lagtaa nahin hai ji miraa ujDe dayaar mein

khudaa kaa shukr hai chakkar kai se hain apne
bas ek biivi pe daar-o-madaar thoDi hai

dil ko kisi ki yaad se khaali na kijiye
aaseb rahne lagte hain khaali makaan mein

gham hai na ab khushi hai na ummid hai na yaas
sab se najaat paae zamaane guzar gae

nahin nahin main bahut khush rahaa huun tere baghair
yaqin kar ki ye haalat abhi abhi hui hai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

ai chaman vaalo chaman mein yuun guzaaraa chaahiye
baaghbaan bhi khush rahe raazi rahe sayyaad bhi