yuun dard ne ummid ke laD se mujhe baandhaa — Ahmad Faqih

ahl-e-khirad ise na samajh paaeinge 'faqih'
kuchh masale hain maavaraa fath o shikast se

vo jaataa rahaa aur main kuchh bol na paayaa
chiDiyon ne magar shor saa divaar pe khinchaa

aaj mujhe apni aankhon se us ke qurb ki khushbu aai
meri nazar se us ne shaayad apne-aap ko dekhaa hogaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ek naghma ik taaraa ek ghuncha ek jaam
ai gham-e-dauraan gham-e-dauraan tujhe meraa salaam

naghmon ki ibtidaa thi kabhi mere naam se
ashkon ki intihaa huun mujhe yaad kijiye

miri tanhaaiyon ko kaun samjhe
main saaya huun magar khud se judaa huun