chalā thā zikr zamāne kī bevafā.ī kā — Ahmad Faraz

ranjish hī sahī dil hī dukhāne ke liye aa
aa phir se mujhe chhoḌ ke jaane ke liye aa

ab ke ham bichhḌe to shāyad kabhī ḳhvāboñ meñ mileñ
jis tarah sūkhe hue phuul kitāboñ meñ mileñ

kisī ko ghar se nikalte hī mil ga.ī manzil
koī hamārī tarah umr bhar safar meñ rahā

tum takalluf ko bhī iḳhlās samajhte ho 'farāz'
dost hotā nahīñ har haath milāne vaalā

ab to ye aarzū hai ki vo zaḳhm khā.iye
tā-zindagī ye dil na koī aarzū kare

jo zahr pī chukā huuñ tumhīñ ne mujhe diyā
ab tum to zindagī kī duā.eñ mujhe na do

us bevafā ne ham ko agar apne ishq meñ
rusvā kiyā ḳharāb kiyā phir kisī ko kyā

phir usī bevafā pe marte haiñ
phir vahī zindagī hamārī hai

duniyā ne terī yaad se begāna kar diyā
tujh se bhī dil-fareb haiñ ġham rozgār ke

us ne mujhe dar-asl kabhī chāhā hī nahīñ thā
ḳhud ko de kar ye bhī dhokā, dekh liyā hai

ahbāb ko de rahā huuñ dhokā
chehre pe ḳhushī sajā rahā huuñ

us ke yuuñ tark-e-mohabbat kā sabab hogā koī
jī nahīñ ye māntā vo bevafā pahle se thā