aanaa zaraa tafrih rahegi — Ahmad Sagheer Siddiqui

ye kyaa kam hai amaama baandh kar nikle nahin ham
ab is se bhi sivaa imaan-daari kaun kartaa

kab se main safar mein huun magar ye nahin maalum
aane mein lagaa huun ki main jaane mein lagaa huun

suntaa hai yahaan kaun samajhtaa hai yahaan kaun
ye shaghl-e-sukhan vaqt-guzaari ke liye hai

ye na dekho ki mire zakhm bahut kaari hain
ye bataao ki miraa dushman-e-jaan kaisaa hai

the yahaan saare amal radd-e-amal ke muhtaaj
zindagi bhi hamein darkaar thi marne ke liye

kholin vo dar kisi ne bhi kholaa na ho jise
koi jidhar na jaae udhar jaanaa chaahiye

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

phailaa fazaa mein naghma-e-zanjir-e-marhabaa
zindaan mein ghuT ke rah na saki zindagi ki baat

gham se bahal rahe hain aap aap bahut ajiib hain
dard mein Dhal rahe hain aap aap bahut ajiib hain

beTi ke saath maan mujhe taslim hai magar
lekin kabhi kabhi ise tanhaa bhi chhoD de