jis mein insaaniyat nahin rahti — Ajeet Singh Hasrat

pahle vaqton mein ho to ho shaayad
dosti ab hasin gaali hai

abhi kuchh aur tiri justuju rulaaegi
abhi kuchh aur bhaTaknaa hai dar-ba-dar mujh ko

aakhiri ummid bhi aankhon se chhalkaae hue
kaun si jaanib chale hain tere Thukraae hue

hijr kaa din kyuun chaDhne paae
vasl ki shab tulaani kar do

ban sanvar kar rahaa karo 'hasrat'
us ki paD jaae ik nazar shaayad

ruThaa yaar manaanaa hai
koi svaang rachaao ab

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

sabza o gul kahaan se aae hain
abr kyaa chiiz hai havaa kyaa hai

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

qaatil tiri gali bhi badaun se kam nahin
jis ke qadam qadam pe mazaar-e-shahid hai

gulaabon ke honTon pe lab rakh rahaa huun
use der tak sochnaa chaahtaa huun