yaad-e-maazi 'azaab hai yaa-rab — Akhtar Ansari

us se puchhe koi chaahat ke maze
jis ne chaahaa aur jo chaahaa gayaa

samajhtaa huun main sab kuchh sirf samjhaanaa nahin aataa
taDaptaa huun magar auron ko taDpaanaa nahin aataa

ai soz-e-jaan-gudaaz abhi main javaan huun
ai dard-e-laa-ilaaj ye umr-e-shabaab hai

yaaron ke ikhlaas se pahle dil kaa mire ye haal na thaa
ab vo chaknaachur paDaa hai jis shishe mein baal na thaa

rang o bu mein Duube rahte the havaas
haae kyaa shai thi bahaar-e-aarzu

ragon mein dauDti hain bijliyaan lahu ke evaz
shabaab kahte hain jis chiiz ko qayaamat hai

jab ki pahlu se yaar uThtaa hai
dard be-ikhtiyaar uThtaa hai

barseingi aaj rahmatein aamad hai yaar ki
naayaab hain ye ghaDiyaan tire intizaar ki

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

'ishq ki koi kasak hai yaa karam urdu kaa hai
bahr mein Dhaltaa hai yaaron khud-ba-khud meraa kalaam

ye kyaa bad-mazaaqi hai gard jhaaDte kyuun ho
is makaan-e-khasta mein yaar ham bhi rahte hain

dushmani peD par nahin ugti
ye samar dosti se miltaa hai