shab-e-gham ki yuun bhi main kartaa huun 'izzat — Amaan Ali Khan

khush-nasibi hai tumhaari sar pe hai jo maan kaa haath
ham yatimon ko pata hai ye du'aa kyaa chiiz hai

kuchh der to Dare tiri jaadugari se ham
phir dekhne lage tujhe sanjidgi se ham

us ne rakkhaa thaa haath saahil par
tab se dariyaa mein bhi sharaare hain

main ne dafnaae vaaldain apne
mujh se puchho ki hausla kyaa hai

saath jab chhoD gae meraa tum ai kuza-gar
khud ko majburi mein phir khud hi taraashaa main ne

dhuein ne bhinch di chikhein tabhi pata ye chalaa
ki ghar mein ek daricha bahut zaruri hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

chashm-e-dilbar ne dil-e-zaar ki dildaari ki
aah bimaar ne bimaar ki gham-khvaari ki

pathraai aankhon mein dekho kyaa kyaa rang dikhaataa aansu
Thahar gayaa to ik qatra saa bah niklaa to dariyaa aansu

hijr mein yuun bahte hain aansu
jaise rim-jhim barse saavan