subh tak main sochtaa huun shaam se — Ameer Qazalbash

sukut-e-shab mein dar-e-dil pe ek dastak thi
bikhar gai tiri yaadon ki kahkashaan mujh se

honaa paDaa hai khugar-e-gham bhi khushi ki khair
vo mujh pe mehrbaan hain magar be-rukhi ke saath

apne hamraah khud chalaa karnaa
kaun aaegaa mat rukaa karnaa

muztarib hain maujein kyuun uTh rahe hain tufaan kyuun
kyaa kisi safine ko aarzu-e-saahil hai

giraa diyaa hai to saahil pe intizaar na kar
agar vo Duub gayaa hai to duur niklegaa

main ne kyuun tark-e-taalluq ki jasaarat ki hai
tum agar ghaur karoge to pashimaan hoge

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

jab se is dasht mein aayaa huun isi soch mein huun
ki bayaabaan mein kyaa soch kar aataa hai koi

madrasa meraa meri zaat mein hai
khud moallim huun khud kitaab huun main

tu ne kab ishq mein achchhaa buraa sochaa 'sarvar'
kaise mumkin hai ki teraa buraa anjaam na ho

main ne ye soch ki nimTaa liye apne jhagDe
aur uljheinge agar aa gae suljhaane log