ghalat hai jazba-e-dil par nahin koi ilzaam — Anjum Azmi

tujh se parda nahin mire gham kaa
tu miri zindagi kaa mahram hai

koi to khair kaa pahlu bhi nikle
akelaa kis tarah ye shar rahegaa

biThaa ke saamne tum ko bahaar mein pi hai
tumhaare rind ne tauba bhi ru-ba-ru kar li

ab na vo josh-e-vafaa hai na vo andaaz-e-talab
ab bhi lekin tire kuche se guzar hotaa hai

niklo bhi kabhi sud-o-ziyaan se varna
kuche mein tire kaun bhalaa aaegaa

dil na kaaba hai ne kalisaa hai
teraa ghar hai harim-e-mariyam hai

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

khud ko bachaaun jism sambhaalun ki ruuh ko
bikhraa huaa hai dard yahaan se vahaan talak

sab log chal rahe the saDak par milaa ke haath
dekhaa jo ghaur se to kisi kaa koi na thaa