غم کا طوفاں گزر نہیں جاتا دل کا دریا اتر نہیں جاتا عمر گزری تو یہ کھلا کہ کوئی لاکھ تنہا ہو مر نہیں جاتا شہر رکھتا ہے اس کو آوارہ وہ سر شام گھر نہیں جاتا کس کو دیکھا کہ آج تک دل سے خواب جیسا اثر نہیں جاتا اس کے بند قبا کے کھلتے ہی حسن کیا کیا نکھر نہیں جاتا راہ سے جیسے ہو نشاں نہ الگ سر سے یہ زخم سر نہیں جاتا وقت کا سیل ہی مقدر ہے کوئی لمحہ ٹھہر نہیں جاتا

gham kaa tufaan guzar nahin jaataa

غزل · Ghazal

کہتے ہیں کہ میخانے میں مے عام کہاں ہے رندوں کی یہی بات تو ساقی پہ گراں ہے کھاتے ہی رہے وعدۂ تعمیر کے دھوکے اے حسن گل و لالہ و تعمیر کہاں ہے کس جرم میں جینے کی سزا پائی ہے میں نے نے نکہت گیسو نہ کوئی نغمۂ جاں ہے اے جان جہاں جان تمنا تو کہاں ہے مدت سے وہی چشم محبت نگراں ہے کس دن کی رفاقت کا صلہ مجھ کو ملا ہے آغوش حوادث میں بھی تھوڑی سی اماں ہے پھولوں کی مہک لائی ہیں فردا کی ہوائیں شوریدہ سری آج عنادل کی جواں ہے معلوم نہ تھا فتنۂ ابلیس کا مسکن اے مرشد حق بیں تری فطرت پہ گماں ہے سورج کی شعاعوں کے طلب گار نہیں ہم ہر ذرۂ خاکی میں وہی سوز نہاں ہے جس خاک میں ملتا ہے لہو دیدہ و دل کا اس خاک کے سینے پہ بہاروں کا سماں ہے

kahte hain ki maikhaane mein mai aam kahaan hai

غزل · Ghazal

آج رنگ بھی لائی دل کی بزم آرائی چھٹ گیا ہے ہاتھوں سے دامن شکیبائی دیدۂ محبت کی اشک ریزیاں کیا تھیں خشک ہو گئی کیونکر دو جہاں کی پہنائی یہ بھی اک بہانہ تھا تم کو آزمانے کا ورنہ جینے والوں کو موت بھی نہ راس آئی وہم سے گزرنا تھا اعتبار کرنا تھا ٹھوکریں نہ کھائے گی میری جادہ پیمائی محو کر دیا کس نے شور میکدہ سارا کس نے ہوش کھویا ہے کس کو تیری یاد آئی مٹ گئی ہے بے کیفی بال و پر کی ایما سے یا نگاہ کی حسرت قسمتیں بدل لائی سرمہ بن گئے انجمؔ داغ ہائے پیشانی کون چھین سکتا ہے سنگ در کی بینائی

aaj rang bhi laai dil ki bazm-aaraai

غزل · Ghazal

ہمیں تو لالہ و گل اب بھی سوگوار ملے جو خون دل نہ جلاؤ تو کیا بہار ملے یہ کیا کہ زخم جگر چشم انتظار ملے ملے تو صحبت حوران گلعذار ملے کہیں تو پہنچیں یہ صحرا نوردیاں کب تک وہ میکدہ ہی سہی گر نہ کوئی یار ملے گلوں کا حسن صبا کا خرام رنگ چمن ہر اک ادا میں تری مستیٔ بہار ملے ہیں تیرے شہر میں کچھ تو معلم اخلاق جنہیں یہ فکر کہ دامن نہ داغدار ملے ہماری طرح جو مست الست رہتی ہیں انہیں نہ حلقۂ رنداں نہ کوئے یار ملے بتاؤ تم نے بھی ان میں کسی کو چاہا ہے تمہارے چاہنے والے تو بے شمار ملے کسی کو پایا ہے ہم نے جو بے مثال انجمؔ قرار کھو کے ملے اس سے بار بار ملے

hamein to laala-o-gul ab bhi sogvaar mile

غزل · Ghazal

کسی کی انجمن ناز میں ہوا رسوا میں اک رند طرب گاہ آرزو ٹھہرا وہ مسکرا دیا ساغر چھلک اٹھا دل کا نشہ چڑھا تو کچھ ایسا کہ پھر اتر نہ سکا کبھی تلاطم دریا کبھی ہے حسرت دل ہمارے حسن طلب کو دعا سے نسبت کیا خزاں کے سر کوئی الزام کس لئے آئے گلے پہ بن گیا خنجر بہار کا سودا چراغ راہ گزر شان بے نیازی سے تمام رات ہواؤں کی زد میں روشن تھا کہاں کے دار و رسن کشتۂ وفا کے لئے اسے تو کوچۂ جاناں کی لگ چکی ہے ہوا جبین شوق تو رکھ دی ہے آستاں پہ ترے ہوائے دل نہ اڑا لے چلے سوئے صحرا وہ جس کے حسن کا شہرہ تمام شہر میں ہے سنا ہے انجمؔ وحشی پہ مہربان ہوا

kisi ki anjuman-e-naaz mein huaa rusvaa

غزل · Ghazal

دہر میں پھرتا ہے جوں باد صبا مستانہ تیرے دیوانے کا انداز ہر اک رندانہ شوق کے پھول کھلے حسن کی قندیل جلی سج گیا آپ کے آتے ہی مرا کاشانہ چاہتا ہوں کہ یوں ہی محو تماشا ہو کر جلوۂ حسن کو دیکھا کروں بیباکانہ جاں نثاران محبت کا پتہ دیتی ہے شمع پہ بکھری ہوئی خاک دل پروانہ آج کی رات تو جی بھر کے ہمیں پینے دو آج کی رات تو گردش میں رہے پیمانہ ذکر چھڑ جاتا ہے جب انجمؔ وحشی کا کبھی ہنس کے کہتا ہے کوئی وہ ہے ترا دیوانہ

dahr mein phirtaa hai juun baad-e-sabaa mastaana

See all 15 Ghazals →

Similar Poets