zulmaton mein raushni ki justuju karte raho — Anwar Sabri

uf vo maasum o hayaa-rez nigaahein jin par
qatl ke baad bhi ilzaam nahin aataa hai

main jo royaa un ki aankhon mein bhi aansu aa gae
husn ki fitrat mein shaamil hai mohabbat kaa mizaaj

tamaam umr qafas mein guzaar di ham ne
khabar nahin ki nasheman ki zindagi kyaa hai

vaqt jab karvaTein badaltaa hai
fitna-e-hashr saath chaltaa hai

jiine vaale tire baghair ai dost
mar na jaate to aur kyaa karte

meri nigaah-e-fikr mein 'anvar'
ishq fasaana husn hai uryaan

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

vo ek aks ki pal bhar nazar mein Thahraa thaa
tamaam umr kaa ab silsila hai mere liye

tumhaare saath kai ranj baanTne hain hamein
so ek din ke liye zindagi se fursat lo

taana dete ho mujhe jiine kaa
zindagi meri khataa ho jaise