jin dinon 'ishq nahin hotaa thaa — Aqeel Abbas

jaane is vaqt kahaan phone paDaa ho us kaa
jaane is vaqt vo kis shakhs ki aaghosh mein ho

sipah-gari kaa hunar bhi sukhan-vari bhi ho
main chaahtaa huun ki lashkar bhi ho pari bhi ho

ek bosa udhaar hai tum par
aur chaae bhi tez patti ki

khudaa ko khat likhungaa khud-kushi kaa
likhungaa main resign kar rahaa huun

safar nigal gae ham ko vagarna ham ne bhi
kahin pahunch ke kisi ko gale lagaanaa thaa

lams-e-husn-e-'ajib ki khvaahish
sar uThaati thi maar di main ne

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

achchhaa hai ki sirf ishq kiije
ye umr to yuun bhi raaegaan hai

dil ki baazi haar ke roe ho to ye bhi sun rakkho
aur abhi tum pyaar karoge aur abhi pachhtaaoge

ishq ne jis dil pe qabza kar liyaa
phir kahaan us mein nashaat o gham rahe

mire maalik mujhe is khaak se be-ghar na karnaa
mohabbat ke safar mein chalte chalte thak gayaa huun main