khabar hai koi chaaraagar aaegaa — Aqeel Nomani

vahshi raqs chamakte khanjar surkh alaav
jangal jangal kaanTe-daar qabile phuul

muskuraane ki kyaa zarurat hai
aap yuun bhi udaas lagte hain

kuchh der us ne dekh liyaa chaand ki taraf
kuchh der aaj chaand ko itraanaa chaahiye

musaafir tiraa zikr karte rahe
mahaktaa rahaa raasta der tak

bas itni si baat thi us ki zulf zaraa lahraai thi
khauf-zada har shaam kaa manzar sahmi si har raat mili

baDi hi karbnaak thi vo pahli raat hijr ki
dobaara dil mein aisaa dard aaj tak nahin huaa

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

maarka garm to ho lene do khun-rezi kaa
pahle shamshir ke niche hamin jaa baiTheinge