hai lafz-o-maani kaa rishta zavaal-aamaada — Aqeel Shadab

khirad ki aag mein sadiyon jale badan lekin
dil-o-dimaagh se bu-e-munaafirat na gai

zindagi jis ke tasavvur mein basar ki ham ne
haae vo shakhs haqiqat mein kahaani niklaa

miri talaash mein hai koi aisaa lagtaa hai
kisi kaa gum-shuda 'shaadaab' rakht huun shaayad

jo apne aap se baDh kar hamaaraa apnaa thaa
use qarib se dekhaa to duur kaa niklaa

shaayad koi kami mere andar kahin pe hai
main aasmaan pe huun miraa saaya zamin pe hai

aandhiyaan sab kuchh uDaa kar le gaiin
peD par patta na phal daaman mein thaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

ret par ik nishaan hai shaayad
ye hamaaraa makaan hai shaayad

aasmaan jhaank rahaa hai 'khaalid'
chaand kamre mein mire utraa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai