ham apni neki samajhte to hain tujhe lekin — Azhar Faragh

aisi ghurbat ko khudaa ghaarat kare
phuul bhejvaane ki gunjaaish na ho

ye khamoshi miri khamoshi hai
is kaa matlab mukaalima liyaa jaae

meraa ishq to khair miri mahrumi kaa parvarda thaa
kyaa maalum thaa vo bhi degaa meraa itnaa TuuT ke saath

teri sharton pe hi karnaa hai agar tujh ko qubul
ye suhulat to mujhe saaraa jahaan detaa hai

daftar se mil nahin rahi chhuTTi vagarna main
baarish ki ek buund na be-kaar jaane duun

vasl ke ek hi jhonke mein
kaan se baale utar gae

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

maarka garm to ho lene do khun-rezi kaa
pahle shamshir ke niche hamin jaa baiTheinge